再問多問 ,天秤女會唔會話俾朋友知對個男仔有好感
呢個唔清楚,正常天秤都係唔想比人估到,估中又唔認咁,但又好想同人分享咁😂。所以我諗睇人掛,不過佢態度、語氣同平時好唔同呢,佢d朋友都會估到既。
之前同佢加佢朋友一齊行街 佢行開左嗰陣佢個朋友同我講 話佢成日俾我唱歌啲片俾佢睇
咁有7-8成機會嫁喇。如果普通朋友係唔會介紹比fd,自己有興趣果d可能會叫個fd幫下眼,比個fd過目咁。
但係點解 佢好似成日都等我搵佢咁
一搵佢又好多好多野講 又會自己同我講佢今日做乜聽日有咩做 但就係極少會主動msg我
傾到某啲位停左 第日又係咁
好正常呀,佢肯同你報到bo,話佢對你無興趣都無人信啦,你個情況同你相似😂😂,我ex係雙子,我一直都係主動搵佢,咁先會有計傾,但我唔搵,佢就絕對唔會搵我既,有日喇,我想睇下如果我唔搵佢,佢會唔會搵我呢,結果緊係無啦,就咁感情開始淡,佢事後同我講,佢一直期待我會搵佢,可惜佢又失望,我心諗:「點解一定要個男去搵女?女唔可以搵男?」天秤就係咁,一到呢d位就開始亂諗同逃避,就咁慢慢再加其他事就分左手。所以,希望你唔好同我一樣,你肯主動就主動下,唔好大家都等大家,令到呢段感情淡,結果覺得辛苦就嘗試同對方傾下,最緊要係坦白,佢係鍾意你就會同你一齊搵最好解決方法。
我係女仔黎主動到自己都驚 明明本身就超被動🤦🏻♂️
我係怕好似成日都係我搵人 會覺得煩
你呢d女仔咪好女仔,為左呢段感情,就算強迫自己都希望同佢有個聯繫。可能有d野變成習慣,有個提議既,不過試唔試就你自己諗,「你經常主動搵佢,你試下1-2日唔搵佢,好似失蹤左咁,睇佢會唔會關心你發生咩事,會既話,不如直接一齊。唔會既話,只能說你等到既就努力,等唔到就算,搵過個好男人。」以上提議你自己決定,因為我都驚1-2日唔搵呢,會對段感情有影響,我係天秤,我自己就唔知會唔會啦,但的確,習慣成自然呢,突然無左會覺得好唔舒服,好似講早晨咁,風雨不改咁每日講,突然之間有日無講,人地就會覺得周身唔自然,如果佢關心你既,就一定會了解你發生咩事?關心都唔關心呢,唔確定但唔否認可能當你係朋友咁,當你後備,你知天秤識朋友好易嫁啦。