[毒撚出城]大部份時間唔知自己做乜鳩關西10天

和歌山係咪高尾山 d fd黎

係佢個仔

好撚好笑呀屌你老味

認真答都要比你屌

Sorry 岩岩google先知和歌山到有個高尾山
我本身係想問東京個高尾山

BTW 尋晚同FD傾開日本,見到有兩個地方都好想去

白神山地
[img][url]http://blog-001.west.edge.storage-yahoo.jp/res/blog-3e-bd/watassinosumumati/folder/1759310/53/54297653/img_0[/im][/url]

鳴子峡(唔知點解好似你件和服 )
[img][url]http://cdn.snsimg.carview.co.jp/minkara/photo/000/003/340/697/3340697/p7.jpg?ct=17bc9f14798b[/im][/url]

第一張 隻色真係咁定p岀黎

我有機會去完再答你

0:36 又好似冇咩點p
https://www.youtube.com/watch?v=MOW-t2n8itM

好有屋久島既feel

著和服行動係咪好唔方便？其實只係想求其影一兩個鐘 但間間都係租全日

著和服行動係咪好唔方便？其實只係想求其影一兩個鐘 但間間都係租全日

去大阪今昔館個d就應該一兩個鐘

認得你

著和服行動係咪好唔方便？其實只係想求其影一兩個鐘 但間間都係租全日

我覺得唔算太唔方便既，起碼仲可以上落樓梯，你影完一兩個鐘就還左佢都得

認得你

我都認得你呀，hello

續Day7


就咁睇淡嶋神社都係正正常常一間神社，唔算太出名果種，不過當你行入去









你就會見到呢個畫面，好撚多各類型既公仔，雛人形，雕像遍佈成間神社，因為淡嶋神社會幫人供養果d唔要既公仔雛人形雕像，佢每年3月都有個叫「雛流」既儀式，懶得打copy & paste ，「這是把全國敬奉的雛人偶放在船上，一邊祈禱一邊讓其漂流到早春的紀淡海峽的神事。」佢冇講其實個儀式完左之後佢地會燒哂d公仔....，講真d人放得響度既公仔都係唔要，但又驚就咁丟左會有不幸既事發生，所以就拎黎呢度供養。

日本某電視台有節目講過淡嶋神社亦都有供養d有問題既公仔，姐係頭髮會自己變長呀之類，果d公仔就唔會show出黎，係放落地下室度，聽落係好恐怖，不過我地又入唔到地下室既 我去既當日天氣好好，陽光好猛烈，就唔覺得神社好恐怖，淨係覺得真係好壯觀，甚至有d幽默。


大量既雛人形


佢地會將d同類型既公仔放埋，例如同一種動物就堆埋一堆


大量既信樂燒狸貓像.......我見到擘大口露排牙出黎果隻真係忍唔住笑 佢地除左分種類之外，仲會按大細排


屌那星最大果隻竟然咁撚大 要吐槽既地方太多了唔知由邊度吐起好


除左公仔人形之外，淡嶋亦都有供養補衫果d針，我岩岩先見到有隻狸貓響個針塚後面突左個頭出黎








仲有招財貓，各式各樣既招財貓，有d都幾特別架，例如全隻紫色果隻，好似浸過藍藥水咁


咁我都有參拜到既，其實神社本身係供奉醫藥之神 少彥名命，唔知係咪間間都一樣，不過淡嶋就出名祈求女性健康或者安產，每一個女性，係每一個女性，唔多唔少都有d女性病，你話我點可以唔參拜，唔祈求自己既女性病得以痊癒 淡嶋既手水舍吐水既係一隻青蛙。



除左主祭神之外，仲有有其他祭神既，例如稻荷神，d狐狸公仔睇黎都係d人唔要拎黎，咁大堆。


遷使殿就係一大堆青蛙...一樣睇黎都係d人唔要拎黎，我諗青蛙應該係同少彥名命有d關係，官網寫住「ご祭神の少彦命名の使い神である蛙をまつっています。本殿でお願いした事を しっかしりと伝えて下さいと使い神に託します。」但我睇唔明，有冇識日文既人可以幫我翻譯


佢地竟然有一個熊咬三文魚像既分類 好撚幽默


授預所隔離都有d人形，仲有d應該係放唔到出黎既毛公仔，係用垃圾袋袋住。


因為呢度實在咩類型既野都有，我甚至一度懷疑呢三部手推車係咪都係要供養 另外，上面仲有中式拜年娃娃一對，疑似白雪公主與七個小矮人像，好撚種違和感既西方雕像，講實，其實d人可唔可以諗清楚先買d裝飾品去

參拜完就當然要買御守，因為我有女性病丫嘛哈哈哈，我真係好需要被守護女性健康，授預所d野就攤哂響度但就冇價錢睇，而且仲冇人，可能因為參拜既人唔多佢地都廢事坐定定響度，咁佢有個鐘，禁完之後就會有兩個女仔出黎，但佢地冇著巫女衫，我都唔知佢地係咪巫女，定叫工作人員，好彩d御守都係正常價，btw


我有冇睇錯，呢堆係咪底褲黎

話說我岩岩上網先發現原來杜如風有節目有介紹過淡嶋神社，lag左既話就自膠先，我好少睇電視

參拜完之後就走啦，時間無多

待續

又話說我開photoshop整淡嶋神社d相果時部電腦變得好怪，進入半hang機狀態，有時明明好正常咁禁d set好左既action，但又會做少左d野，張相變左灰色，嗯.......睇黎部機真係舊了已經

續day7


走啦

加太其實就係海邊，淡嶋隔離有個停車場，按捺不住衝上個停車場，內心好激動地「海呀！！！！！！！」我估應該係瀨戶內海呀！！！




天氣好，個海特別藍，上次去四國廣島，成日都會見到海，船都搭左幾轉，黎到和歌山又再次睇到海了


沿路返返去加太站


搭車見到海心情好舒暢，架車都係冇乜人


返到和歌山市站，要轉巴士去jr和歌山站


攝影大師月光蟲

JR同和歌山電鐵係用埋同一個站，我要坐和歌山電鐵去到貴志站睇貓站長，話說我搭巴士check住乘換案內，發覺時間非常緊逼，和歌山電鐵d車班次好疏下，但貓站長 4點就收工，一落巴士就衝去和歌山站搵和歌山電鐵，但唔知係咪太緊張反而搵唔到，有時真係唔可以硬頸，即刻去站裡面個類似觀光案內所問，原來係要直接入jr既月台行去9號月台就係和歌山電鐵，果下先醒起，係喎屌，我明明research果時有睇過


去到月台果時就會有指示教點行，真係就趕唔切，要跑過去


上和歌山電鐵既月台既樓梯已經有貓站長既畫同埋肉球裝飾


跑上樓梯之後就響個售票處咁既野度買和歌山電鐵1day pass，因為和歌山電鐵搭一轉要400yen，點都要來回起碼一次之下其實都冇咩理由唔買pass，職員uncle好好咁幫我刮埋使用日期，thanks

買左pass之後就狗衝入閘去搭車啦

估唔到一撞就撞到玩具電車！！！！衝上車先！

和歌山電鐵真係好撚努力，佢地前前後後整左4款特別列車，包括小玉電車，玩具電車，梅星電車同草莓電車，我去既果段時間唔知點解冇一日有小玉電車，然後響貴船咁開心多多少少有d代價，如果星期六日去應該d列車會開得比較齊，本身plan左去和歌山果日可以坐哂玩具梅星同草莓，後尾調左之後就淨係可以坐到玩具同草莓，但梅星都好靚，我都好想坐 岩岩google之後發現4部車都係水戸岡鋭治設計，再搵水戸岡鋭治既資料覺得佢好撚強


一日乘車券，今次時間唔夠，真係淨係來回左一次咁大把




玩具電車亦好值得坐，d凳既款式有幾種，凳墊(?)既布花色都有唔同


裡面仲有扭蛋機 但我去果時d扭蛋都唔太吸引就冇扭到




仲有放玩具既飾物櫃，下面果d應該係俾小朋友坐既長凳黎


扶手都唔同色，好似積木咁，車廂之間(?)個門框係屋仔型，可愛到癲


仲有bb床，唔知會唔會真係有人放個bb入去


其實係東京大阪應該好難將d車設計成咁，好撚嘥位下，和歌山呢d城市就應該無咩所謂卦

話說我影完架車坐響度果時望左好耐，個車長（其實可唔可以咁叫）雖然戴住口罩，但我覺得佢好靚仔，我真係忍唔住係咁望，希望可以望真d佢係咪真係靚仔


後來唔知點解架車要換人揸，佢就落左車，佢係咪真係一個靚仔定係其實我幻肢j緊一個醜男or阿叔就係解不開的謎了，我真係唔係特登影佢，信我！


由於伊太祈曽站係車庫，所以經過果時見到當日冇開車既梅星～呀～～梅星呀～～～

然後，就到左尾站，貓站長既所在站貴志站啦

待續

續day7


落左車當然要影返架車先，攝影大師月光蟲




貴志站充滿左初代站長小玉既裝飾


又有制服俾人著....




2010年果時直接將個站用左半年時間重新整成小玉主題車站（係呀我岩岩wiki既），連個外型都係貓型，兩邊分別有賣紀念商品既舖頭同小玉cafe，你地感唔感到佢地既努力






初代站長2015 rip左，死後被追封「和歌山縣招攬觀光大明神」，另外貴志站月台有座小玉神社紀念小玉，而小玉rip左之後佢徒弟二玉成位新既貓站長。


呢位就係二玉站長，八成半時間都訓緊覺，見佢訓緊，我就走入間舖度買定d postcard寄


和歌山電鐵都有毒野....買完出返去之後就見到站長擘大眼！！！




然後又訓返。


然後又擘返大眼


然後又訓返。

之後我就去左小玉cafe度買杯野飲順便寫postcard啦，因為諗住和歌山買既postcard點都要響和歌山寄左佢。






小玉cafe當然都係要充滿小玉，呢張凳好撚可愛


呢杯mocha除左個杯係小玉圖案，上面仲有貓掌圖案


飲完野寫完postcard之後見到站長坐左起身！仲伸脷咁精靈
好快就到4點，站長收工了，紀念品商品個伯伯會響佢個邊抱二玉收工。


其實貴志站周圍都係d住宅，好靜。
本身想等到下一班草莓電車黎到再走，但果度好撚凍，我就決定坐下一班普通車走算


呢班係普通車黎，但唔知點解兩傍吊左好多呢d紙人形


一樣係冇咩人，咁就等開車啦，但架車有班人，我估應該係有少少問題果d，係咁響隻大叫傾計大笑，實在太撚嘈，咁岩架車行到伊太祈曾，見到對面返貴志果架草莓電車唔知點解仲未開（我check過時間表，應該係已經要開左至係 ），即刻狗衝落車跑上架草莓電車返貴志 講明先我唔係歧視，我只係真係覺得好嘈頂唔順。


草莓電車既內部，一樣係木為主(?)，而且仲有枱


凳既布係草莓圖案，甜到漏 之後就返返去貴志站了




循例，草莓電車外面係白色，講外殼(?)都係梅星設計得最靚
之後就上返車影內部啦，趁住架車冇乜人




相對玩具電車，草莓裡面就好似設計得簡單d，不過張枱就幫左我一忙，話說我寫完postcard，郵票就早幾日買左唔驚冇郵票，但因為果時郵局已經關哂門，我搵唔到野黎濕郵票痴，我又冇理由響廁所完成呢個行為。

後尾我靈機一觸，坐左響草莓電車果d有枱既位度，響我個袋度摷左包滴露濕紙巾出黎，用d濕紙巾抹下d郵票等佢痴痴地再貼落postcard，屌，果下真係覺得自己好撚醒

之後就開車啦，返返和歌山站

已經黃昏，車裡面見到呢個日落，ok啦。

返到和歌山站，一出站就見到個郵筒，即刻dom哂d postcard落去
之後就去搵野食啦！因為架車delay搞到時間好趕，都冇乜食過野

待續

續day7

話說食咩呢，我去之前已經揀好左，話說和歌山有一間叫清乃既拉麵，位置比較偏遠，但響tabelog分數好撚高，有成4.04分，而2016年既tabelog拉麵排名佢就係第2，好似好撚正咁。當然，我冇可能走到咁遠，唯有食佢響和歌山站隔離既近鉄百貨分店，雖然分店得3.6分。

去到間舖已經臨近收工時間，得幾個位，但冇人食緊，咁我睇唔明menu，就求其指左碗拉麵，不過我食食下都仲有人入座。


黎到先知我叫左碗冇蛋既，清乃個湯呢，好濃好杰，好～～～鹹～～～～，對我黎講真係太鹹（定我叫錯野），但個麵質係食既，舊肉成舊都好肥，好食既，因為脂肪既味道就係好食的味道，我覺得太重口味，所以就唔覺得好好食，但又好想試下佢其他款拉麵，試真d丫嘛，有機會都想試返本舖

食完之後就坐返巴士返和歌山市站，一樣係巴士check乘換案內果時見到班車就開，好撚驚趕唔切，一落車就狗衝跑去市站，跑去月台，跑上車，搭返南海電鐵返難波。

今次和歌山之行都有d遺憾，包括加太線架鯛魚車，和歌山電鐵既小玉電車同梅星電車，仲有仲想再試真d既清乃拉麵，滿幸商店，和歌山城，好想再去多次和歌山呀...希望仲有機會再去啦

返返大阪之後，約左當日都響大阪既巴打食飯，個巴打見到我嫌我樣衰想走佬俾我攔截住

話說出閘果時咁我就正常咁入ktp啦，我前面就係韓妹a後面就係佢個fd韓妹b，我響佢兩個中間出閘，咁我用ktp應該會嘔返張飛出黎架嘛，我以為前面個韓妹都係用ktp咁佢就拎返張飛，但部機就冇嘔返張ktp俾我，我就呆左停響部機尾部(?)，之後個韓妹a都停左響度，好疑惑咁望一望張ktp，然後就默默放返響嘔飛果個位度，屌那星原來佢拎撚左我張飛 佢個動作自然到我以為果張飛係佢，佢好撚尷尬時我又忍唔住笑


求其入左間野食，漢堡扒麻麻地，食完係好飽既雖然我無耐前先食左清乃

之後就返京都啦，我條路線係由難波搭到梅田，轉阪急電鐵返去京都烏丸，行去京都地鐵四條站再搭返apartment附近個站，係好曲折，冇計啦，揸住張ktp唔想買jr飛。


雖然已經好夜但仲係好多人搭，好多都係放工，辛苦哂。
搭緊京都地鐵果時月月同我講佢已經準備訓，我就叫佢訓先唔好鎖門，我落左車之後就去超市買左枝水先行返去，返到去已經深夜，盡量放輕動作沖涼梳洗訓覺，希望冇嘈到月月啦

day7完

btw你話個架普通列車入面有人形公仔個架係女兒節列車

是日金句
脂肪既味道就係好食既味道

我都有去買個匙扣，好似40 幾50蚊個，雖然質量唔值呢個價。 留個記念。

我都有去買個匙扣，好似40 幾50蚊個，雖然質量唔值呢個價。 留個記念。

佢間手信鋪都賣得幾貴，我係個度買左盒tomytec既和歌山電鐵模型，出到去見到賣平千幾yen…

我都有去買個匙扣，好似40 幾50蚊個，雖然質量唔值呢個價。 留個記念。

佢間手信鋪都賣得幾貴，我係個度買左盒tomytec既和歌山電鐵模型，出到去見到賣平千幾yen…

所以我淨係買左postcard

月光蟲 記唔記得我

月光蟲 記唔記得我

記得你呀，你係好瘦好受果個，hello您好呀

是日金句
脂肪既味道就係好食既味道

你話我講得岩唔岩呀

Day8


呢一日要去奈良，由於預左會留到夜晚所以唔洗咁早出門，去到奈良有d雨。


首先就去左春日大社先，雖然我有去過奈良，不過上次淨係撚鹿




點可以唔影下d鹿呢


春日大社洗手果個位係鹿鹿造型


春日大社，二十二社之一，係呀岩岩wiki返黎


若宮十五社，我地由夫婦大國社開始行兜一圈


叫得夫婦大國社，當然係出名祈求美好姻緣，夫妻圓滿，即係唔關我事，另外佢既簽(?)係水占卜黎，張紙設計幾特別，好似d幼稚園既功課 我自己就冇玩

唔知點解冇乜相，中間略過 之後行出春日大社，天空下起小冰粒來，本身以為係落大雨，但發覺件衫唔濕先知落冰。

行行下見到有間舖既路口(?)有賣鹿餅，但佢其實係一個籠黎，自己擺錢落個箱再拎一疊，我一買就成堆鹿圍住我，我連拆開疊餅都有困難，仲係咁俾d鹿頂呀撞呀，嚇撚死我
餵左幾塊之後我就見到有幾個人都諗住響個籠度買鹿餅，我就好仆街咁向d鹿指住果班人話果度 好彩最後成功逃脫
袋住疊鹿餅繼續行，見到有隻鹿係咁鳩叫，好撚似d好重既門開關果時d 聲，然後我就行去餵佢，順便叫佢收聲唔好嘈，俾月月錄左片

話說我同月月講笑地整理左一堆 （鹿既）奈良公園生存法則，你地去過奈良既睇下有冇見過
一、禮多人不怪，大家都知奈良有d鹿拎野食果時會點頭，佢一同你點頭如果你身上有鹿餅就會餵俾佢，然後佢再同你點頭，然後點多幾次你又會忍唔住餵俾佢......我覺得呢招對我黎講係好有用

二、喪屍模式，守響賣鹿餅既地方，只要你一買佢地就衝上黎，俾佢地嚇到走唔到既話就淨係可以俾佢地搶哂，或者一見人餵鹿餅就衝哂過去，懷疑人地有鹿餅就跟住人，咬鳩人地，頂鳩人地，呢d太撚恐怖了，我通常會走佬

三、扮慘，包括鳩叫，食d冇草既地，或者食草但食幾啖又望你一下好似食草好撚慘，佢地本身係唔應該食草咁，你地要俾鹿餅佢食先岩，仲有妹鎖鍊，我成撚日都見到d鹿妹鎖鍊好似好淒涼咁，定其實佢地係磨緊牙？

四、如果覺得你衫袋入面有鹿餅，佢地會偷偷地響後面涉個頭去自己拎鹿餅食

五、定時定侯捕響d有賣鹿餅既舖頭門口，佢地有時會將d賣唔哂或者碎左既鹿餅響收舖果時倒哂俾d鹿食，一呼百應，個畫面好似魚塘餵魚咁...

六、勞力付出(?)，例如企定定坐定定俾人影相同人合照，任摸....以自己既肉體換取食物

暫時係諗到咁多先，諗到再補

https://www.instagram.com/p/BRCOKd1DST_/
呢個時侯又再落冰粒，我地就搵個有遮蓋既位避一避

突然，一隻對比起其他鹿相對大隻肥碩既鹿出現，仲不斷向我點頭，呢隻就係我所講既禮多人不怪既範例。

https://www.instagram.com/p/BRCOqa3DMUv/
佢食完又會即刻響你面前係咁點頭，係響我手上取得最多鹿餅既一隻，誠懇既表現係值得嘉獎，你唔再餵佢佢都唔會撞鳩你咬鳩你尾行你，抵你食到咁肥咁大

https://www.instagram.com/p/BRCPmQ5jr7W/
第一身視點

等d冰停左，我地就行過去奈良公園一大達空地(?)果邊啦！


當日天氣，有雨雲既範圍陰天落雨落冰，但冇雨雲果邊就藍天又有太陽




待續