day4
呢一日我既預定就淨係得和服體驗，月月唔玩，我毒撚自己一個...玩....嘿......
約左10：30，砌完樣出門冇時間食早餐了
揀左一間係清水寺附近既，搭巴士去清水道
途中經過呢間牙醫診所覺得好靚，影低左
去到仲有少少時間，見到落車對面有間郵局，就買定d郵票寄postcard
買完就行過去間和服體驗既舖頭啦。
以下純文字討論，因為個staff唔俾我拎電話響身
去到首先要換左件和服內襯先，跟住個staff就會叫你去揀和服，間野請左2個台灣人一個中國人（係，我同個台灣姐姐八返黎既
）
咁我本身就揀左2件都係比較素既，個台灣staff A就走埋黎話幫我睇下，之後就話兩件都可以，然後就再幫我揀多2件，其中一件我披完上身就話 「這件我會撐不起來吧，我覺得我好像一個紅包喔哈哈哈哈哈」，跟住個姐姐就喪笑話「怎麼會像一個紅包呢，我覺得你還撐得起來呀！」，掙扎左一輪之後台灣staff B就走埋黎話睇下，我問佢邊件最好，佢就話覺得利是封果件最好，決定無條件信任果度做既兩位姐姐，就揀左利是封果件
揀好和服就上去等set頭，set頭冇咩好講啦佢有4款揀，求其揀左款，之後就等著，咁著果時你企響度就得，佢就開始扎你(?)，涉完毛巾再扎你，有幾下佢拉到好緊再綁我真係有少少翻白眼，然後佢問我o唔ok，我：
之後仲要揀腰帶同腰繩(?)，都係俾哂d有經驗既阿姨揀就算，我唔識揀，然後著完之後佢地就會好客套地同你講 好靚，我等緊果時聽住佢地個個都可愛，好靚，嘿嘿。
之後就去揀頭飾同揀手袋仔裝住d野，呢個時侯又撞返個台灣staff，唔記得A定B，就係咁同我講 「我覺得還蠻好看的呀！」「適合呀！撐得起來呀」之後我就話我著起身好似人地老母，仲指住隔離個揀緊手袋既妹妹講「我應該是她媽媽吧」，屌點知個妹妹響度笑
原來個妹妹台灣人黎，屌，柒左
跟住個staff就「哈哈哈！！怎麼會！！！怎麼會像媽媽呢？」係咁讚，因為佢地讚得黎又好中規中矩好似真既一樣， 忍唔住同佢地講「你們也太會說話了，來了日本都學會客套了！」
揀完手袋又揀披肩，咁撚多野要揀，著哂落到去又同d台灣staff吹水，我仲玩多次個利是封梗，同佢地拜年同佢地講新年快樂
佢地笑完之後就話我呢件和服係古董黎架，仲係比較貴果d，我心諗你地講咩都得我都唔識睇
然後又問我邊度人，點解講野咁好笑，我話我香港人黎佢地就問我點解冇口音，因為我睇左好多年康熙來了丫嘛
最後個姐姐話覺得我一個人冇人幫我影相好慘，幫我影左幾張，謝謝你地，同你地傾計好好玩呀，有你地我先唔會咁傍徨(?)
我打算出去行果d坂（？）既時侯咁岩落雪，同佢地借左把j先出去...
待續
https://na.cx/i/5GCY9pU.jpg
你地話係咪真係有d似利是封，祝福大家新年快樂
？
呢一日就咁完左