[毒撚出城]大部份時間唔知自己做乜鳩關西10天

冇人睇嘿嘿
續day4


呢間神社，好似所有著和服既女仔都要入去影d波波(?) 我就不了
都係鳩行鳩行，又突然落雪




點呀大佬 擔住把遮又風雪中漫步，著住和服，中間束到好實，唔凍，但四肢就有d寒



然後又會突然停啦，都唔知自己行到去邊了，之後諗住行上高台寺


我一行上去，都未搵到高台寺其實響邊

https://www.instagram.com/p/BQ0ZA2IjjtI/
屌呀呀呀呀呀呀呀！！！！！！！！！！！！！


我仲諗住入去睇個涅槃大壁畫，因為我好鐘意涅槃呢個字，但，都係避下雪先
果度有間叫slow jet coffee既野，唔太多人，一於入去避雪，我舊同事好衰，係咁話我以避雪為名食野為實

待續

續day4

入到去之後，望一望menu，因為驚要痾尿（著和服去廁所好麻煩）就唔飲野，淨係叫左一件叫angel food cake既野，斷鳩估應該即係天使蛋糕吧。




海棉蛋糕，交叉淋上焦糖液，加cream，同灑糖霜杏仁片，好簡單既一款蛋糕，但焦糖液既淋法令舊蛋糕變得好誘人 蛋糕體本身係走彈性路線，焦糖本身就係另人高潮既味道，cream令舊蛋糕變得比較濕潤易入口，我咁講，姐係當你食哂d cream既時侯，舊蛋糕就會有d太乾 不過第一啖放入口真係覺得好治癒

食完舊蛋糕，hea左陣，等到冇雪又出去閒逛啦




岩岩就落雪，依家就出太陽


好似好溫暖咁

之後見冇咩做，就跟住指示，行過去惠比須神社果度，行過去條路都好舒服，會經過d民宅，有d賣菜既舖頭，成條街都冇咩人，好寧靜。


參拜完之後，就行返去清水果邊，換返套和服走啦，著就著好耐，除就除好快。

其實著和服真係幾好玩，揀和服真係好開心 下次如果天氣凍會再去京都我都想體驗多次，下次帶個腳架自己幫自己自拍，嘿。

待續

下次搵人同你影喇

留個靚名

留名。帶個識日本嘅朋友帶住好幸福

推呀

續day4

由於冇咩做，就去左行京都站，記得果邊有間超市，想買d沙律返去食，點知行左入porta，姐係京都站果條地下街就蕩失路，唔知點解行極都係同一個地方，好辛苦先上返地面 搵到間超市


見到d沙律又平又多款勁開心，影低左張相問月月要邊款，跟住我一拎起黎睇，屌呃人既！d菜得少少！點夠食，我便秘架嘛 然後就決定返去apartment附近間familymart買，期待買到尋日果超大盒菜，雖然最尾買唔到，嘿。


當然要影下京都塔啦 之後就搭巴士返去啦，由於全日冇乜食過野，我除左買左我同月月既沙律外，仲買左個多利亞同炸雞，一上到樓，開完暖氣，將d要放雪櫃既野放哂雪櫃，即刻拆撚左個炸雞黎cher


嗚呀！！好掛住d炸雞！點解便利店d炸雞可以咁撚柒正的！！！！


仲要咁多汁！正淫婦！等我奶哂你d汁！！！
食完抹抹嘴，就等月月返黎煮飯，我地既計劃係，佢煮，我洗野
月月返到黎休息下，我就襯呢個時間沖下apartment d碗碟同隻平底鑊先。




月月煮肉既呢個時侯我就好似d牙醫助護咁遞上工具同埋用微波爐叮返熱d野 順便拍照記錄。


大量既肉類，燒賣同沙律 ，仲有我買乳酪果日買埋既啤酒，d野食尤其個雞串用黎送啤酒好撚正 用錯filter影，影到黑蚊蚊添


familymart既多利亞，好好食 高質！肥！
食飽，因為覺得某隻肉平得黎又好食，我地就決定去超市行多轉，咁d碗碟就返黎先洗，嘿嘿

待續

好撚肚餓

續day4

我地響上面又飽又暖，一著返衫行落街竟然落雪，而且d車頂仲開始微微積雪，好興奮 仲未見過有積雪呀






結果行去超市既路上我就鄉下仔出城咩都影，你地要原諒我，咁第一次丫嘛
響超市買完野返返去既時侯，路過個停車場，突然月月停左響度唔知做乜，我行返轉頭，就見到佢刮條柱條雪落黎，我疑惑左一陣（月月話佢見到我個樣好疑惑），就明暸要做什麼，行去另一條柱度，刮d雪落黎


成果，人生中第一個堆既雪人，身高應該有6cm，嘿。


影多次呢兩架車先 由於我地太凍，咁就好想食關東煮，就決定上去放低d野，再落去familymart買關東煮食，我地簡直就係仰賴呢間familymart生存


叫月月幫我影低，積雪的我，嘿。
放低d野之後就落返去，咁我就同月月講我想兜路睇下個雪人咩環境

肥左一大圈，笑撚死 你地原諒我，咁我鄉下仔丫嘛，冇見過雪丫嘛

睇完個雪人既環境，繼續行去便利店，然後我就行行行，突然聽到月月叫我「蟲！！！」，之後我一擰轉面就feel到自己俾野掟，當下我個樣完全迷惘撚 ，然後我就發現月月拎雪球掟我，既同時仲要俾個路過既踩單車既人見到呢一幕，月月話見到個人偷笑 我問月月d雪是邊度得返黎，佢話佢響佢個身上面刮出黎，我諗住照辦煮碗，但我掟唔中月月，可惡


關東煮呀！好好食呀～雞蛋呀～蛋卷呀～大根呀～～腸～～～～呀～～～

咁食完，飽暖思淫慾，我洗埋d碗同隻平底鑊，各自梳洗，之後就去訓。

話說apartment果度係碌架床黎，我訓上面月月訓下面，咁煎雞串果時我錄左片，當晚都已經不停播，因為d jarjar聲好好聽 然後咁大家都準備訓啦熄哂燈好撚靜，咁我臨訓前會禁下電話睇下有咩相up上ig做生存記錄，點知唔小心禁左條煎雞串片，姐係成個環境好黑好正，月月就快訓著，然後突然

咋～～～～～～～～～～～～～～～～～～～

月月即刻屌出聲同笑到仆街，問我有冇咁撚鐘意，我就笑住好慌張咁熄左條片話我唔係特登我係唔小心哈哈哈哈哈哈哈哈

day4終於完，冇人睇，嘿

扔雪球呀

扔雪球呀

得你睇

痴線，一係就日頭唔食，一食夜晚就食咁多

痴線，一係就日頭唔食，一食夜晚就食咁多

你究竟係邊個！！

著和服食唔到野，胃痛

文呢？快d出

有無jarjar聲原片睇

巴打依間airbnb我都住過