當我搵到個位坐低，飲左啖茶，插好個尿袋幫電話叉電，就拎個冬甩出黎準備開餐，點知我一拎出黎個冬甩d糖粉就飛哂出黎，我成隻袖成件衫都係，咁我就下意識咁舉高隻手，拍下隻袖同件衫拍走d糖粉，拍拍拍
啪！
我俾下聲嚇一嚇，同時間我隻食指同姆指就痴埋左，我望一望我隻手，我發覺我個冬甩唔見左，好似變魔術咁，唔見左，啪一聲，唔見左
呢個時侯我就諗起d blog話，鴨川d烏鴉會搶野食，但我連見都冇見到佢搶，我個冬甩呀....一啖都未食架...俾我食一啖都好丫 我line 同舊同事同月月講我俾烏鴉搶左個冬甩佢地仲恥笑我嗚嗚嗚嗚嗚嗚嗚嗚
然後我就唯有淨坐同飲茶，我既鴨川野餐夢碎了，坐一陣就繼續聽住歌行鴨川聽住果隻album黎行鴨川真係好正，行到攰就坐下，雖然d風吹撚到我好撚凍，但好舒服好正
呢度好似就係我俾隻烏鴉搶走野食既地方，嘿
行行行，我就咁行到去三条，而我點發覺自己行到去鬧區呢
就係因為我見到傳說中既鴨川等間隔法則啦
wiki： 三條大橋和四條大橋之間，由於靠近中心商業區等原因，從週末的下午到晚上會有許多人在此逗留。但是據說不管人數如何增加，情侶或人群之間的間隔都會成為等間格，此現象有時便被稱為「鴨川等間隔的法則」
已經黃昏，我就諗住去搵間cafe坐下，食d甜野安撫下食唔到冬甩既怨恨，上返去，呢頭附近真係好熱鬧，我求其搵左間cafe，入到去一個人都要等位，因為好凍，我唔想再行了我就決定等
其實就係komeda囉，都係連鎖店黎，來自名古屋好似係，唔係等左好耐就有位啦，我入到望下menu，見到有個厚厚地有pat cream咁既野，就叫左，完全冇理到佢係情人節宣傳menu上面出現既野，另外叫左杯咖啡，咖啡幾好飲
唔知點解有包花生，我冇食到
屌，我知，好撚似屎，唔洗你地講，我都覺，同埋佢同我想像中完全唔同，我本身以為係蛋糕咁既野，點知佢係成舊類似牛角飽咁既野，好撚大舊，而且上面仲係一大pat朱古力雪糕，是咪想飽撚死人，肥死了肥死了，一邊食一邊覺得好罪惡同好撚凍，我響室內都凍撚到縮埋一舊，食到反胃終於食哂，又頂到上喉嚨差d嘔，就決定響呢個京都鬧區（？）行下街散下步了
待續
