[毒撚出城]大部份時間唔知自己做乜鳩關西10天

巴打依間airbnb我都住過

係咪日本橋果間，你果時個wifi正唔正常

鴨川個到笑左...drama queen
望到鴨川個景唔會覺得失望咩?
個景唔靚....我12月去真係去錯月份

鴨川個到笑左...drama queen
望到鴨川個景唔會覺得失望咩?
個景唔靚....我12月去真係去錯月份

我本身都預鴨川係咁上下樣，所以冇失望

Day5

有少少前言先，話說我本身呢一日（11號）係plan左去和歌山，而上貴船就係13號，因為我知道貴船神社果邊積雪既話夜晚會點燈，而我去之前check天氣預報13號會落雪，但去到10號果晚我睇貴船個fb fanpage見到當日有點燈，天氣不似預期地，我check天氣預報13號就唔落雪，而11號仲有少少雪落，掙扎左一陣，而月月話如果點燈佢都上貴船既情況，最後就行程調轉，11號呢一日去左貴船神社先，至於會唔會真係點燈呢，呢個係一場賭博 (?)

一早起身，觀察下出面環境

好白呀～ 由於我本身都預自己上貴船既話會訓飽先上，結果就返訓左，月月上晝仲有行程，我就訓撚飽先，點知一起身都已經11點 望一望出面見到d雪溶撚哂，個心有d慌亂下，梳洗+化妝


化妝果時飲左呢個對抗便秘，出得門都已經就快1點

而我真是on99，我行左去地鐵站，搭左地鐵諗住去轉叡電，但上左車先發覺出町柳站係京阪電車既車站黎，我仲要on99連續3個地鐵站出左去睇下環境，睇下有冇可能一出站就有巴士搭返去出町柳，結果最後都係要搭返去我本身上車個站即係同志社大學果邊，搭巴士 自吞一打先。 好彩今日先用ktp 等巴士果時見到出太陽然後d雪溶哂，我個心又繼續很慌亂。


搭巴士去到出町柳站就可以去搭叡電去貴船，個站京阪叡電兩份既(?)，響京阪既話就係7號出口出去就係叡電啦，真係不得不感嘆下我既攝影技術係如此......嗯.....就同我d字一樣。

距離下一班車開出仲有少少時間，我出返個站就見到附近有間賣d簡單飯團飯盒既舖頭，就入左去買2個飯團同玉子燒諗住野餐，究竟我果下點解會有咁荒謬既諗法，萬一真係積雪我何來搵個位野餐 ，間飯團野(?)呢叫おにぎり屋さん，非常之直接，入返個站之後又見到有間麵包舖喎，忍唔住又買左個飽，之後就入閘啦


叡電既月台


鞍馬線既列車係橙色的，睇維基話“路線顏色為貴船・鞍馬的楓葉的紅“


叡電比較特別既係有d列車既某d座位係會向住個窗，咁有紅葉果時搭呢架車坐呢d位就好撚正啦，我上車果時已經冇哂呢d位，但仲有毒撚位坐。


有睇開我遊記都知，我係好撚鐘意食麵飽的，日本既飽真係鳩買都好食，呢個煙肉唔知乜撚野包，麵包既外皮仲有少少脆，飽芯就仲係軟熟又有少少煙un，好好食 響我咬飽既同時車就開了。


搭車既途中不停留意住周圍d屋既積雪狀況
好快就到左要落車既車站，即係貴船口啦！






循例落車當然要影幾張相，響月台上面見到有積雪，個心都安定少少先，嗯...依家睇返相先留意到個月台原來好似有locker？

待續

痴線，一係就日頭唔食，一食夜晚就食咁多

你究竟係邊個！！

著和服食唔到野，胃痛

有無Jerjer聲片睇下，半夜肚餓
btw有幸收到Postcard[自爆］

留名

痴線，一係就日頭唔食，一食夜晚就食咁多

你究竟係邊個！！

著和服食唔到野，胃痛

有無Jerjer聲片睇下，半夜肚餓
btw有幸收到Postcard[自爆］

姐係邊個呀 講緊上次台南收postcard？
https://www.instagram.com/p/BQ3Oj1fD1W_/
你點的菜來了

Lm

打多少少去煮宵夜先

續day5
出左貴船口站之後，要搭巴士去到比較接近貴船神社既地方，如果冇危險，仲係日頭，自己評估過之後行過去係可行的，快既話應該行20分鐘就會到，點解我知，之後講 而因為我ktp包埋，咁就緊係搭巴士啦，冇ktp既話都係160yen，都冇咩好唔搭。


搭緊巴士睇窗外既景色都覺得好犀利，都係果句，鄉下仔，冇睇過雪丫嘛。


落車既地方，好撚白呀！！！！真係好白！！！！d樹枝都舖滿哂雪，完全冇諗過2月去京都都會見到咁多雪


落車仲要行少少路先會到貴船，我冇帶遮，就咁笠住頂帽就算，巴士站位置有廁所，我冇去，唔知乾唔乾淨，另外仲有一架好似係賣蕃薯既貨van


沿途景色，響雪襯托之下d紅色好靚


行一陣就會見到鳥居！天呀！我到左貴船神社啦！d燈仲積緊雪呀！只要佢唔極速溶撚左我就得米啦！！！！ 白天去既時侯仲未有咁多人，可以影到冇咩人既樓梯




成排紅色燈加埋雪，就算未點燈都已經好靚


上樓梯望返落下面，原諒我攝影技術太差，我影唔到佢地真實有幾靚


間唔時就會落雪，其實我分唔到係樹上面d雪跌落黎定真係落雪 當日係 紀元節 建国記念の日，手水舍後面有塊黑色牌寫住的


聽聞貴船神社係繪馬既發源地，類似係以前d人會因應想祈求既天氣(落雨／晴天）而響木板上面畫上黑馬/白馬再掛響貴船神社，再慢慢演變成今日既繪馬？所以貴船神社有黑白馬既像，但大概係形態關係，得白馬積雪，好似得佢好凍咁好慘


當然都要參拜一下


買左d御守，就求下簽啦，貴船d簽係所謂水占黎，放低200yen，響果疊簽度抽一張，再響隔離d水(?)度浸下就會現簽文啦！


就係咁樣 其實佢好親切地只要你掃下張簽個qr code，就會有中英韓（好似）既翻譯簽文睇，但唔知點解我scan極都scan唔到，最尾將簽文影左相，掛起左，等月月遲d幫我翻譯




玩完求簽，又由貴船神社望返落去，同兜下貴船神社咁


然後我就發現有人響度堆左個雪人 實在太可愛了，佢對眼同口仲要係貴船神社地下d石砌出黎 唔知係參拜d人砌定係d巫女無聊砌架呢

貴船神社入面有個涼亭咁既野係俾人休息，裡面仲有個暖爐，雖然對我黎講都仲係好撚凍 剛好可以響度解決我買左既飯團唔洗雪地野餐咁荒謬


飯團好簡單不過幾好食的，個蛋卷凍冰冰但因為落左湯去整，所以咬落去好多汁好正 個亭雖然封哂透明膠幕但仲可以睇到排燈，望住排燈，再睇住d人上上落落咁食飯團真係好放空好舒服(?)


食完野已經3點，到左貴船神社公佈當日會唔會點燈既時間，即刻check返，消息公佈會點燈！即刻cap圖send俾月月同佢講得米了 月月都表示自己當天行程已完結，準備出發黎呢邊。

咁我就食完飯散下步行下貴船神社個結社同奧宮啦！

待續

巴打依間airbnb我都住過

係咪日本橋果間，你果時個wifi正唔正常

你唔係住五條果間咩

好靚，你係去睇雪定去個陣咁岩落雪

好耐之前開始睇你post.六七年前

同你兄弟姐妹互相扶持定點

雪 全部都係雪

追緊

屌佢老味！！！打到一半firefox自己f5所有tab，做乜鳩呀

續day5






貴船神社既後樓梯(?)落返去，跟指示一直行就會到結社同奧宮，唔知關唔關事，不過比較少人行既路同樓梯路面會結冰，好撚跣，好撚驚，我上落樓梯怯到捉撚實個扶手。


其實果邊都有d餐廳可以食下野，立過下d menu，有平有貴啦。


到啦！貴船神社既中宮 結社，祭神係磐長姫命姐係緣結神


上結社果度有幾級樓梯，唔記得有冇扶手了，不過我冇仆街，大家放心，因為係緣結神既關係當日見到參拜既有夫妻同情侶，我就自己一個


呢度綁左好多綠色紙(?)，以前係拎樹葉黎打結綁上祈求良緣，但後來用綠色祈願紙取代左，好似話本宮果邊有得買呢d綠色祈願紙，我冇留意到

參拜完結社，就去奧宮啦！去奧宮既途中，會經過一個叫古事之森既地方

嗚呀！！！好厚雪呀！！！！！果個小山坡咁既野有d o靚仔響果度sir落黎玩雪，好正咁




咁多雪就當然有人堆雪人，同個雪人合個照先 仆街我個樣仲唔夠個雪人似人。

響度搓下雪球放返落地下，玩左陣雪之後就繼續行去奧宮




奧宮，地面結冰，好撚跣，好多人都係咁跣親，我係其中一個。


呢兩個好基友，我覺得佢地關係非比尋常
奧宮其實本來係貴船神社既原址（？）黎，但因為受到洪水災害，所以響1055年搬左去現址，而原址就變左依家既奧宮，利申唔識日文斷鳩估架咋。


洗手既地方都有迷你雪人




奧宮相對本宮冇咁華麗，由於少人又佔地(？）大，好幽靜，反而有種更莊嚴既感覺。


佢都積左雪，辛苦哂，唔好冷親 (?)
參拜完之後就行返轉頭去本宮果邊，諗住搵個地方等月月，其實，我好似冇乜提，但我真是覺得好撚凍 我廢青黎，我又唔受得凍又唔受得熱，雖然比起熱都係寧願凍

行到半路經過一間cafe，見到價錢合理，就入去飲杯熱野暖下身。
間cafe有英文版menu，店員見我是外國人就日英menu都俾左我睇，然後我就發覺佢英文版menu同日文既有d唔同，最後我叫左杯熱朱古力，唔知點解英文menu是冇呢樣野


成身凍冰冰果時飲熱朱古力真係好溫暖好正

hea下禁下電話，休息左一排之後就收到月月既line msg話佢就快到，咁我就起行叡電貴船口站度接佢，一出門口，呀呀呀呀呀！！好撚柒凍！好撚柒白(?)！岩岩響cafe裡面享受住暖笠笠既暖氣，響昏黃既燈光下飲熱朱古力就好似發撚左場夢咁

待續

我一月頭去京都無雪睇

好靚，你係去睇雪定去個陣咁岩落雪

買機票果時冇諗過會落，去之前雖然check過但都以為係毛毛雪（？），所以真係雀躍到仆街

好耐之前開始睇你post.六七年前

同你兄弟姐妹互相扶持定點

我認得你個名

文呢？