續day4
間cafe可以揀既野好少,得幾款主餐(記得有意粉同咖喱飯),唔太多選擇既野飲同甜品,另外有熱狗同多士。
我揀左響吧枱位坐,間舖冇咩客,得門口有兩個都係著和服既台妹,叫左杯野飲就算
唔記得係咩野飲
其實間野都幾舒服,因為真係冇乜客,好溫暖,好靜
而且仲有個庭園,響度放空下發下呆,望下出面d雪同陽光,我係黎京都沉澱的(?)坐到咁上下餓餓地,但又驚食咖哩飯同意粉呢d會整污糟件和服,篩選過之後就得返多士揀
多士就真係普通多士,拎塊方包去烘加d牛油咁,我怕太寡就自己灑左d砂糖食,
咁你地知,烘麵包,好乾,咁就要飲水,仆街呀一飲就倒瀉水,仲整濕左件和服,好彩係清水黎,個阿姨唔知點解明明背住我但又知我發生左狀況,即刻擰轉面同我講張枱唔緊要架你件和服冇事丫嘛咁(我估啦,佢用日文),我同佢講話唔緊要,清水黎姐,之後等我處理好佢就話件和服好岩我,可惜日本冇農曆新年呢樣野,唔係等我都祝賀佢新年快樂丫嘛
呢個時侯有一男一女既鬼佬鬼婆入左黎,咁佢地就order左個咖哩飯,咁我坐吧枱位架嘛,就見到原來個咖哩飯係用即食咖喱加熱,雖然我都諗佢咁細個廚房應該都冇可能真係自己煲一大pan咖喱(而且如果日日都冇咩客咁個份量都好難控制),不過都心諗好彩我冇叫到咖喱食
因為和服束到好緊,食完個多士個胃漲左,俾和服cool住好痛,我就離開出去鳩行,走之前去左cafe廁所補返唇膏順便用塊大鏡影張全身相
話說間cafe個廁所超乾淨,打理得好好
然後就繼續響清水寺周邊遊走
待續
https://www.instagram.com/p/BQyEo7vjKZK/
你地話戴左手套係咪真係有另一番風味,嘿