續day9
我地響心齋橋落車,本身揀好左一間燒肉做晚餐,但去到登記完之後話十點先有得食,決定一路周圍鳩下行再睇下有冇其他燒肉
一路行到道頓堀果邊見到有間燒肉唔洗等位就入左去食了
其實我唔知sawa同chu hi有咩分別,呢間野淨係得chu hi
一大堆唔知咩既肉
菜,佢最初黎果碟有洋蔥,我地一人一舊格硬食左之後再落單果時我特登同佢講no onion,佢換d類似青椒仔既野俾我哈哈哈哈哈thanks。
有個疑似店主好撚活潑既人,識講d普通話,但空耳聽唔明,臨走仲同我地講左句廣東話,好學到不得了。
食物我覺得一般啦,麻麻地...
雖然係咁,唔知點解我地食完出門果時突然間會有人排隊
食完就諗住去驚安行下,去左條河定渠隔離果間,屌那星多人到仆街,仲要響條街排隊退稅,咁撚凍,不了。月月提議話聽朝再黎行冇咁多人,後來我地諗住行返難波再行返酒店既途中見到有間驚安!仲要冇乜人!
入到去睇睇下野聽到有廣播話當晚凌晨1點暫停營業,點都好,我地決定返酒店check 左in先再返返黎行。
check 完in之後上到去見到有幫我地開定空氣清新機,暖氣好撚暖好正,廁所同浴室係分開呢樣我幾鐘意而且各自空間好似變得大左咁,另外
呢間酒店係有碌架床房揀哈哈哈哈哈哈哈哈哈,因為雙人床我地又怕太細會爭位打交,有碌架床真係太好了,而且佢張碌架床仲好大下 唔知係咪因為碌架床向上發展,間房好大好夠位,攤開哂兩個28,9寸喼都仲有位淨 但係,間野10點就要退房,希望佢之後可以起碼多一個鐘去到11點啦
參觀完間房,我地就去返驚安度繼續行,但一路行佢就每15分鐘廣播一次今晚會1點就會收舖,仲keep住播友誼萬歲,屌那星可唔可以唔好再播!!搞到我個人好慌亂,明明就仲有個幾鐘先收工佢地唔可以最後15分鐘先播架咩
唔知邊首係友誼萬歲既:
https://www.youtube.com/watch?v=Htzkrxnf3NA
最後求其執左d零食藥妝就去俾錢退稅,呢間連退稅都唔洗等,岩岩d人可能仲排緊隊等退
買完之後就返返去酒店,仲難得打開左個電視黎播下,雖然冇咩睇,然後就訓啦
btw間酒店個暖氣直情暖到有d熱
day9完