獨女英國荷蘭深度遊 總結篇 驚險 奇情 多圖多字

利迷來留名

Day 7
上回講到做毒撚一個人喺廚房食嘢...

根住落嚟係純文字，但我相信喺一般遊記唔會睇到，希望大家比d耐性睇埋去啦

講下間hostel嘅結構先，Common area有枱有櫈係食免費早餐嘅地方，廚房喺另一層有哂餐具爐頭微波爐，出面都有Common area又係有枱有櫈有電視，所以通常喺廚房整完嘢食都係直接喺出面d枱櫈食嘅

而我今日就係一個人叮完嘢坐喺sofa睇住電視食，食食下就有個意大利男Ａ入嚟，佢叮完飯就同我搭爹問我any good show(佢指電視)，咁我就指住電視話睇佢(Jamie Oliver)煮嘢食，原來佢唔識JO 搞到我要解釋一餐佢好出名，喺英國做好多嘢希望d人食得健康d (我開親電視都淨係睇NOW213 Travel and Living )

其實前一晚都同意男A喺依到見過，不過只係打左招呼冇吹水，之後我地就從一般吹水pattern開始講起，邊道嚟呀，嚟做咩呀咁，原來佢已經32歲，離開意大利除咗經濟唔好之外，就係想嚟英國學好d英文，考個資格，第時番去教英文

佢去過London, Manchester等等唔同嘅英國城市，最後嚟到Liverpool，覺得好舒服，於是就揀咗喺到停留一排，仲搵埋工同租埋樓，佢話鍾意依到其中一個原因係近海，其實對於好多國家嘅人嚟講，海景係難得一見嘅事，佢係會專登揸4個鐘車去海邊，當我講到我屋企就海隔離，佢就想中鳩我喇

喺講到佢有朋友去過廣州做嘢嘅時候，巴西男就行過，仲同意男Ａ打招呼，成個timing令我覺得巴西男就係佢講果個朋友，於是我就問巴西男點解會去大陸 然後佢一頭霧水，我先發覺我on9咗 　

但錯有錯著，又多條友一齊吹水，講到香港果陣，我好努力解釋個分別（因為琴日有個葡萄牙人問我香港係咪會食貓貓狗狗 ）當然，我出盡力講有幾撚憎支那啦，講到佢地都笑我

冇耐，又有個意男B加入，佢好有情調咁煎咗塊牛扒食，仲開咗支紅酒，傾傾下先知原來係佢生日，生到30歲咁款但只係21歲 諗番我生日果晚淨係食個公仔麵，意男B依個行為真係好浪漫

最後，有個美國妹岩岩到Liverpool，落嚟廚房沖嘢飲，亦都加入咗我地嘅吹水環節

佢地４個都玩過哂半個地球咁制，相比起佢地，我真係一個切切實實嘅港豬，其實３個鐘頭入面，除咗一開波同意男Ａ one on one咁講好多嘢之外，一大班人嘅時候我都係聽多，一嚟唔識插嘴，鬼佬真係好鍾意搭住聲講嘢 二嚟係佢地講既地方我好多都唔知邊道，可能我地慣咗用中文，自問睇開波都識好多地方

但係聽都已經好開心，由意男Ａ係澳洲差d俾海豹讓撃，到連美國妹都聽唔明d英式口音，到巴西男係北歐負三十幾度差d凍死，到意男Ｂ嘅志願係個bartendar，到侵侵上埸，傾到長駐廚房嘅貓仔都頂唔順出咗去抖氣

過程中，發現自己係幾咁無知，唔係話去暈全世界就代表好有眼界好有學識，只係喺旅行當中你睇嘅嘢多咗，思考嘅空間大咗，而世界上又真係有唔少人係透過旅行，重新定位人生（果d亞洲買買買飲飲食食團就另計啦，根本稱唔上係遊歷，經過今次之後，我應該會盡量避免依種浪費光陰嘅旅遊模式，雖然本身都好少係咁）仲記得細個聽過一句，你愈睇得多書愈發覺自己嘅愚昧，用喺旅行，可能就係愈去得多地方愈發現自己嘅渺小

再諗番香港依個社會，搵錢多就代表叻代表成功，八九十年代幾皮嘢上到樓就覺得自己好威一句話而家D後生緊係買唔到樓啦一年換一部電話果班離地人，見識過金錢依個花花世界然後睇唔起自己條仔搵錢少過自己一句唔該都冇就結束六七年感情既臭閪港女，對住個小四嘅女屌鳩佢話再唔俾心機讀書第時挺做雞嘅瘋狂父母，講到尾，只係錢

唔需要見識，只需要知識；唔需要思考，只需要複製；唔需要愛心，只需要貪心。如果，真係有神，我成日覺得佢賜條生命俾你，只係為左搵錢、買嘢、破壞，對世界一Ｄ貢獻都冇，咁你一定係上世壞事做盡，今世唔賜個腦俾你，要你一世為左錢矇閉雙眼，或者，生喺香港依個地方嘅所有人，前世都種落唔少孽，先要俾金錢折磨到咁

同佢地傾完計之後嘅每一日，我都喺到諗我嘅人生應該要點行，喺芸芸一堆混亂思路當中，有樣肯定嘅就係我會趁仲係自由之身，去得幾多地方得幾多，引用一句不知出處嘅quote "Live your life, take chances, be crazy. Don't wait, cause right now is the oldest you've ever been and the youngest you'll be ever again."

好，感性完畢，聽日睇多場英超就會離開Liverpool喇

好好睇 睇完好想快d去歐洲玩
btw想問下絲打係咪hostelworld到book hostel

GOGOGO 歐洲真係去完番唔到轉頭

對 都係hostelworld hostelbooker果d

我就唔一定要近centralstation
但一定要近車站
抬住d野行十分鐘都唔係講笑

另外就係有免費早餐
有d hostel都幾豐富架
同埋廚房 唔係間間有
有時夜晚可以煮下意粉食

睇comment都好重要
有d要住落先知例如唔隔音

sofar 9成住過既hostel都係滿意既

好好睇 睇完好想快d去歐洲玩
btw想問下絲打係咪hostelworld到book hostel

GOGOGO 歐洲真係去完番唔到轉頭

對 都係hostelworld hostelbooker果d

我就唔一定要近centralstation
但一定要近車站
抬住d野行十分鐘都唔係講笑

另外就係有免費早餐
有d hostel都幾豐富架
同埋廚房 唔係間間有
有時夜晚可以煮下意粉食

睇comment都好重要
有d要住落先知例如唔隔音

sofar 9成住過既hostel都係滿意既

發覺絲打好鐘意鼓勵人去歐洲
有冇諗下次去邊到玩

發覺絲打好鐘意鼓勵人去歐洲
有冇諗下次去邊到玩

反而下次想去美國睇nba

利撚係垃圾

好好睇 睇完好想快d去歐洲玩
btw想問下絲打係咪hostelworld到book hostel

GOGOGO 歐洲真係去完番唔到轉頭

對 都係hostelworld hostelbooker果d

我就唔一定要近centralstation
但一定要近車站
抬住d野行十分鐘都唔係講笑

另外就係有免費早餐
有d hostel都幾豐富架
同埋廚房 唔係間間有
有時夜晚可以煮下意粉食

睇comment都好重要
有d要住落先知例如唔隔音

sofar 9成住過既hostel都係滿意既

或者booking.com 都得，佢間唔中就有優惠

我同你諗法差唔多，我都係想用賺到既錢黎去旅行，見識唔多國家，擴闊自己眼界，好過辛辛苦苦儲錢買層樓，但失去好多見識其他地方既機會
了解唔同國家文化差異，睇睇大自然風景，我覺得值得好多

原來係絲打

我同你諗法差唔多，我都係想用賺到既錢黎去旅行，見識唔多國家，擴闊自己眼界，好過辛辛苦苦儲錢買層樓，但失去好多見識其他地方既機會
了解唔同國家文化差異，睇睇大自然風景，我覺得值得好多

講得岩
有層供足三十年既樓就叫人生勝利組
我只能講句道不同

原來係絲打

搞錯呀 睇左幾個post而家先知

利撚係垃圾

唔好咁啦
你估我唔想佢地攞英超冠軍咩

黎緊都準備英國深遊一個月
諗住去睇場阿仙奴
姦想絲打用左幾錢

你google search英超波飛就有
但真係唔平 我睇場對車2600
同日有個巴打去anfield門口R飛
40鎊就買到人地張季票
我roommate果朝都係球場official買到又係40鎊
我係唔想山長水遠去到搏有冇飛先捱貴飛
正常係好多人買左全年入場然後唔得閒或者想賺下錢放比我地 八達通咁do入場 睇完約番個地方交收

已經係利市接近一個月
暫時睇足主場兩場對車同熱

熱果場一定好撚正
咁岩依期差唔多場場主場

係 可惜mane hat trick 唔到
略嫌熱刺太廢唔夠刺激
Btw係度settle左住落真係好舒服 退休一流

去緊睇曼城

熱果場一定好撚正
咁岩依期差唔多場場主場

係 可惜mane hat trick 唔到
略嫌熱刺太廢唔夠刺激
Btw係度settle左住落真係好舒服 退休一流[/quote]

你黎讀書定玩呀？stay咁耐既

Day 8 (31.1)
嚟到喺Liverpool嘅最後一日，晚上嘅行程已經定好咗，就係睇波，日頭就打算周圍hea下同執行李，因為聽日７點機５點起身

執行李其實都係一大挑戰，坐easyjet ryanair依類嘅廉航，係快同平，但行李限制多多，通常只可以帶係8定10kg上機，可以去冇開嘅checkin counter磅下，唔好俾錢磅咁笨，我笨過 另外仲有size限制，一時會度一時唔會度，但正常唔會搏啦

而我今次飛Amsterdam知道自己一定會帶好多嘢，所以買機票果陣都俾錢加多個寄倉，但問題係，我嚟嘅時候已經質爆咗個大backpack同一個喼，我堆利物浦手信係完全冇位擺

執完行李就同新roomate，韓妹Ｂ一齊去球場，今日嘅乳勢有時頗大，喺球場出面影陣相已經濕哂

今次繼續做痴漢，喺到等巴士入場，但其實好on9，架巴士Ｄ窗係黑色，乜鳩都睇唔到，唔明點解咁多人企喺到等


今次個位冇上次咁靚，但都叫坐下排


所以我緊係把握開波前嘅時間，衝落去球員通道附近啦

打到hang hang地 up左先
既然個天逼我訓教
唯有聽日先再寫啦
寫埋下半part就會進入荷蘭架喇

Day 8 (31.1)
嚟到喺Liverpool嘅最後一日，晚上嘅行程已經定好咗，就係睇波，日頭就打算周圍hea下同執行李，因為聽日７點機５點起身

執行李其實都係一大挑戰，坐easyjet ryanair依類嘅廉航，係快同平，但行李限制多多，通常只可以帶係8定10kg上機，可以去冇開嘅checkin counter磅下，唔好俾錢磅咁笨，我笨過 另外仲有size限制，一時會度一時唔會度，但正常唔會搏啦

而我今次飛Amsterdam知道自己一定會帶好多嘢，所以買機票果陣都俾錢加多個寄倉，但問題係，我嚟嘅時候已經質爆咗個大backpack同一個喼，我堆利物浦手信係完全冇位擺

執完行李就同新roomate，韓妹Ｂ一齊去球場，今日嘅乳勢有時頗大，喺球場出面影陣相已經濕哂

今次繼續做痴漢，喺到等巴士入場，但其實好on9，架巴士Ｄ窗係黑色，乜鳩都睇唔到，唔明點解咁多人企喺到等


今次個位冇上次咁靚，但都叫坐下排


所以我緊係把握開波前嘅時間，衝落去球員通道附近啦

好似果日咁岩轉左新巴士

好似果日咁岩轉左新巴士

Yesyes 其中一粒就係我

想問有無人知英國有間餐廳好靚 好似皇室宴會廳咁好古典 但食野唔貴既 我之前係旅行台睇過已經搵唔番
唔肯定係英國

好好睇 有個鐘意運動既女友真好

Day 8 continue...

今場波個氣氛都正嘅，一嚟係對車仔啦，二嚟我個位係同車仔球迷好近，我附近d男人係咁向佢地舉中指同唱歌笑鳩佢地，估唔到唔坐近KOPEND(熱血球迷區)都有另類體驗

話說我喺到嘅一個星期Liverpool已經輸哂兩場波同時兩個盃賽都出局 當我以為我係燈神燈死隊波果陣(輸緊1粒)，好彩都俾我睇到入波同救12碼，和波收場，總算唔係燈死哂

睇完波就番hostel約左韓妹B一齊食野，之後韓妹A send咗依堆嘢出嚟，因為佢都有睇，完咗仲喺出面等佢地，結果就拎到幾個簽名


又一個原因令我一定要番嚟，其實每去一個地方都留少少遺憾，就有藉口再去喇

唔好以為係同一張相，我又食叮叮喇 又撞到意男Ａ，所以就同韓妹Ｂ意男Ａ路人乙一邊睇精華一邊吹水，臨番房果時，意男Ａ知道我要離開利市，就嚟個面頰kiss goodbye，即係面掂面左右一下姐 事後佢見我呆咗，好緊張咁解釋依個佢地文化


訓咗陣就起身，因為七點半機，去機場預一粒鐘，天未光，仲毛毛雨，因為我事先冇check好時間，結果如果等機場巴士要等好耐，我就揀左轉車，搭搭下發覺其實都可以唔洗轉，落車行十分鐘到就到，點知仆街條路封咗googlemap冇update，要兜一大個圈先到，行咗成四五個字，周圍又冇人，天又未光，嚟到機場諗番真係好似發咗場夢咁，差Ｄ必咗滴眼淚出嚟


就係咁，我嘅利物浦之旅就完結喇















其實未完，因為delay咗3個鐘

想問有無人知英國有間餐廳好靚 好似皇室宴會廳咁好古典 但食野唔貴既 我之前係旅行台睇過已經搵唔番
唔肯定係英國

我就未見過喇，睇下有冇人知你講邊道啦

好好睇 有個鐘意運動既女友真好

可惜我都只係孤芳自賞 另一半係唔睇波嘅