獨女英國荷蘭深度遊 總結篇 驚險 奇情 多圖多字

個閪闊左幾多？

咪撚搞事啦

個閪闊左幾多？

咪撚搞事啦

多謝你

留名支持下先，我9月都會去歐遊，睇曼聯

買咗機票？未出fixture喎
睇mu可以stay係liverpool

今日睇咗曼聯對Saint etienne
人生第一次睇波 現場好正 掛住睇周邊避咗排隊 排咗勁耐

大炒一定正啦
我最唔慣係冇旁述同replay

留名支持下先，我9月都會去歐遊，睇曼聯

買咗機票？未出fixture喎
睇mu可以stay係liverpool

今日睇咗曼聯對Saint etienne
人生第一次睇波 現場好正 掛住睇周邊避咗排隊 排咗勁耐

巴打邊到買飛？

今日睇咗曼聯對Saint etienne
人生第一次睇波 現場好正 掛住睇周邊避咗排隊 排咗勁耐

巴打邊到買飛？

你問我 定係 救命呀巴打？
如果係我睇番前少少有答過的

獌留名
好多字




Read later

Day 4 continue...

行完教堂，諗住去China Town睇下有冇年糕賣，因為我好想食，不過依邊個中國城好鳩屎，得幾間餐廳

中國城


記得London果個好大架，以為道道都係咁，仲記得果時同行個朋友死都要飲檸檬茶，就用左差唔多廿蚊港紙買一盒

其實係外地耐咗，真係會好掛住香港d野食，香港真係好多選擇

行完冇得買就搵間cafe食個tea



係香港，根本唔會有兩個鐘咩都唔做係間餐廳嘆咖啡，周圍既人都衝衝忙忙，搞到你齋坐好似個怪人咁，相反係到，仲要係一個人，d時間鍾意點用就點用，依d真係叫自由喇

抖完就番hostel沖涼，成日比我朋友話我係d咁騎尼嘅時間番hostel，冇計架，日頭同夜晚都好多人沖涼，女人又沖得慢，根本唔會輪到(我book依間6人female dorm有獨立廁所已經好好)

好彩Liverpool夠細，行兩行又行番hostel附近，所以我成日揀下晝45點番去沖涼 　

沖完涼就出去同韓妹Slovenia妹食晚飯，而家諗番好似冇做過嘢咁，但明明我係keep住周圍行，可能好多時間係停低慢慢影相掛

不過我鍾意去歐洲就係貪佢冇嘢做，對上一次去大板呀清邁呀馬來西亞呀，同班朋友明明com好咗話係hea玩

但果d地方太多景點太多嘢玩，根本hea玩都可以好full ，去完番黎仲攰過番工，唔覺得自己放咗假

反而今次就真係hea喇，身體同心理靈上都真係放鬆咗好多

Day 4 continue...

佢地知道今日係新年，聽講中國城有個show話好想睇，所以食飯前就去咗一轉

去到點知勁鳩，係射d燈去d建築物到再播d九唔搭八既歌，鳩到我相都廢事影，依張上網搵番的


睇完一秒就走左，而唔知咩驅使佢地覺得我嚟得果4日會好想食中國嘢，所以死都話要食中餐，咁就求其揀間平平地，反正點都唔正宗



諗咗好耐香港有咩特色嘢都諗唔到 所以就叫咗個上海粗炒 ，一個湯麵同海南雞飯，介紹咗紅豆冰比佢地飲，Slovenia妹唔知紅豆咩嚟，好彩佢地都鍾意食



等嘢食果陣，教佢地用筷子，因為韓妹一直都用錯，所以要改好難，反而Slovenia妹一學就識，仲教番韓妹轉頭

一邊食大家都講下自己生活嘅地方嘅文化，其實好鍾意依個環節，之前去旅行都係同同行嘅朋友傾計，都冇機會同其他人溝通

講到香港d樓全世界最貴果陣，Slovenia妹即刻vediocall佢屋企人，行一轉佢屋企比我地睇，兩層加兩個廚房加兩個車位，佢話已經係最普通

又講到韓國女仔個個都整容果陣，韓妹好大反應，話係一般人嘅誤解

又講到係Slovenia讀大學唔駛錢之餘，拎住學生証仲好多地方都有discount，例如好多餐廳都半價

傾到人地收工就番去喇，見到好多人著到好行應該係去浦，我問鬼妹係咪唔怕凍，Slovenia妹話其實唔係，只係佢地愛靚唔愛命

Day 5 會去York，會有多d靚相架喇

輕鬆咁就Live左 5月都會去歐洲 London入 Amsterdam出 留名

輕鬆咁就Live左 5月都會去歐洲 London入 Amsterdam出 留名

咁多字多謝你睇呀
已經冇文係手 又要執相
希望weekend 多d時間可以出快d啦

好想好似你咁係hostel識到人一齊傾下計

Day 5 (28.1)

今日係我好期待嘅一日，因為離開下利市去York，細個唔知喺邊道聽過New York係因為York嘅人移民咗過去所以叫New York，覺得好新奇，所以一直對York有個情意結

個人比較喜歡一d古城，周街都見到遺跡嘅感覺好正，好似羅馬咁，而York係英國都算係歷史幾悠久嘅城市，一日遊之後就更加鍾意依到

起身買個包就上火車，因為車程都要兩個鐘，9點去到11點，如果由London出發都係差唔多時間，來回車費42鎊，當然都係要早幾日買啦



係左邊位置嘅站落車，跟住人群行過咗條河(River Ouse)就會去到大部分景點嘅集中地

落車有少少雨又好凍，但都照有人爬艇


順住地圖行，首先會去到Museum Gardens，都係d草地呀榭呀花呀咁，夏天黎一定好靚


入面有個Yorkshire Museum，不過要比錢7鎊到，而我驚唔夠時間做其他嘢，所以冇入到去睇

St Mary's Abbey

正正就係我最鍾意嘅古蹟殘骸，不過係經歷咗d淒美既事情俾人惡意破壞到咁

直行會去到一間叫Betty's cafe tea room嘅地方，好似係好出名嘅，但我就冇去食到喇，只係買左盒茶做手信

再行會去到York Minster，約克大教堂，都係d出名大既教堂

但佢嘅位置比較狡猾，周圍都有建築物，要影佢全相都比較難

另一間小教堂


喺地圖會見到York係俾城牆圍住嘅，所以點行都會見到d城門城牆，有d城牆仲可以俾你喺上面行


York真係一個好靚嘅地方，建築物各有唔同特色，點影都好靚

有d似Chester d屋


有d城門上到去就係盡頭 不過都可以高處影下相嘅
York Art Gallery，入埸都係7鎊到，我都係冇入到嘅


York Theater Royal，亦係一個好有歷史份量既地方


行左陣竟然開始出太陽 即刻衝番去大教堂補影多幾張相


待續...

好想好似你咁係hostel識到人一齊傾下計

其實原來唔難
去之前我都諗住做摺友
但一句hi where are u from就可以打開無限話題

York 好多野睇 行到腳軟

係呀
我會揀夏天去多次 可能stay一晚

我都係利迷
比你搞到有衝動想去一轉
感覺就係差少少勇氣
同budget...

我都係利迷
比你搞到有衝動想去一轉
感覺就係差少少勇氣
同budget...

gogogo 買左機票就有勇氣
我兩次去歐洲都係咁
最近好多airline做緊promotion
依幾日就完 要買趁快
至於budget 齋睇波唔周圍去既
玩十日
機票 4000
住 2000
波飛兩場當 4000
食200日已經好多
total 12k

好睇

Day 5 York continue...
太陽只係放題一個鐘，影完相又變番陰天


至於甚麼哥德式建築呀定古羅馬設計呀，我唔係讀history又唔係讀建築所以都冇研究，只係從外觀覺得靚就影，佢唔似大部份教堂果種黑黑啡啡既外牆，雖然都好耐歷史但仲keep住象牙色既外殼，再配個藍天，完全冇教堂俾我果種陰森感覺


入去睇要10鎊，上埋個塔俾多5鎊，教堂入面對於我嚟講間間都差唔多，所以都廢事俾錢入去睇喇



York Minster一路散出去，有好多小路，d地鋪都係唔同特色嘅鋪頭，如果行哂d鋪頭，一日真係唔夠



除咗行鋪頭，抬頭望下都隨時有驚喜


平時影相都係影人多，第一次齋影景硬係影唔出咩感覺，難得有個人行過，就影下佢啦


黎York有一樣嘢好想睇嘅，就係harry potter既斜角巷Diagon Alley，早幾年去London既時候已經好想去個片場，可惜同行既朋友冇咩睇過harry potter，所以就冇去到，今次黎到有關於harry potter既地方，哪怕只係一條街，都要睇下

入條街之前，經過一個小廣場空地，有人表演中


而旁邊嘅就係York's Chocolate Story，11.5鎊入場費，睇下朱古力嘅歷史同埋可以親自整朱古力，但由於係星期六好多人，所以我都冇排到入場，諗諗下，一個入去仲要單拖咁自己整朱古力自得其樂成件事實在太毒 都係留番下次有人陪先入啦


其實Diagon Alley係參照依到，唔係exactly係到拍的，條街名叫Shambles，係York最古老嘅一條街，以前係賣鮮肉，兩邊行人路高d係方便沖走中間d血呀內臟呀咁，依條巷以前一定好噁心


d樓起到咁係廢事比陽光曬壞d肉

轉入去會有個Market，但其實係花園街style


畫


待續...

絲打我係Manchester 同你住同一間hostel 喎
不過遲你兩日
我去既地方又係同你一樣
Manchester > Liverpool > Netherlands

York continue...


行完York Minster果邊，就沿住地圖下方嘅Clifford's Tower進發

路中心毛啦啦有幾部兒童機動遊戲，轉得好快但d細路好high


沿途經過見到好多人排隊，事後search番先知係個75分鐘嘅恐怖show，講下York恐怖嘅一面，價錢10-26鎊，咁多人排，應該係幾出名，不過由於當時唔知係咩事，望兩望就繼續行喇我


行多幾分鐘，就見到座塔喇，以前佢對出係York Castle，座塔就係用嚟擺炮台守護個城嘅


而家個城就冇左，對出得番York Castle Museum同一座唔知仲用唔用嘅York Crown Court，入museum10鎊，其實如果想睇哂York Art Gallery，York Castle Museum同Yorkshire Museum可以買張pass，22鎊，全年無限次入場


而入個塔都係要錢嘅，4.7鎊，我見多人排諗住轉頭再上去，到我4點幾番番去果陣，佢已經收左 　原來，佢收4點 睇人地d相，夏天個山頭會開哂花好靚，唯有下次再嚟啦


依到行兩行又會見到教堂


俾佢發現我偷影佢tim


又係d好特別嘅建築物

睇完座塔，我就行去地圖最右邊嘅Walmgate


都有唔少人係喺城牆上面行，不過佢冇嘢欄住，都有少少淆

我行嚟依邊嘅目的係去城門間cafe，gatehouse coffee，由於果日太凍，中間果層坐滿哂人，於是我就一條毒撚上咗城門頂吹住風食嘢喇



其實如果唔計凍，都幾好feel架，高高地望下York嘅景色，夏天一定坐滿哂人

行到6點到，我就搭車番利市喇，見Slovenia妹聽日就走，所以就約佢地食飯，但番到嚟佢又話入咗急症，結果我好冇人性地食完個叮叮就自己去訓教

點知訓到12點幾，有人拍醒我，原來佢地叫人開門（因為佢地嫌星期六晚貴所以轉咗hostel），然後我就喺暖粒粒嘅被爬出嚟去廚房同佢地吹下水


全程由依隻嘢目及住

其實佢地都幾癲，入完醫院都專登嚟搵我，應該只係唔想放飛機咁衰仔，我都有d受寵若驚，喺依個旅程識到佢地都真係幾開心嘅


Slovenia妹仲好有心買咗份禮物做友誼嘅見證，雖然唔係咩貴重嘢，但老土都講句物輕情義重呀 好彩我都唔執輸，一早曬定琴日食飯張相比佢地留念，仲以為冇機會送出，點知咁夜都仲嚟搵我

唔知大家睇完York依part會唔會好想去下呢，我去完真係好鍾意，下次再嚟英國一定會去多次，同埋隔離個Leeds都好想去睇下

明天去Melwood追球星，待續

絲打我係Manchester 同你住同一間hostel 喎
不過遲你兩日
我去既地方又係同你一樣
Manchester > Liverpool > Netherlands

咁橋，如果你果時有睇Live post可能可以一齊玩

去到球場個種震撼感
我stadium tour個陣個人震哂
上年除夕去左睇獌打米堡
仲要尾段反cup
好想再番去奧脫福

去到球場個種震撼感
我stadium tour個陣個人震哂
上年除夕去左睇獌打米堡
仲要尾段反cup
好想再番去奧脫福

係呀 睇過一次真係番唔到轉頭
而家喺屋企睇直播個腦都飛咗去果邊
我決定一年最少去睇一次

btw我細個都係獌 跟老豆
最鍾意AlanSmith
大個咗先轉會做猁