人生第一次一個人去旅行 去完番黎實在太回味 亦覺得自己已經愛上左獨遊 決定重新打過個遊記 當紀錄一下 同鼓勵下心郁郁想獨遊既人 之前開左個live post但成日玩得太攰冇update https://lihkg.com/thread/92748/page/1
今個旅程1月24號出發 2月6號走 主要係英國同荷蘭 發生左好多冇諗過亦都有好驚險既事 希望大家睇完有咩諗法都留個言話我知啦
講下個契機點解我會去依個trip啦 事原係我係一個足球迷 由2006年開始鍾意Liverpool(希望唔會因為你地係其他隊球迷而唔想睇落去啦 ) 一直都話要去Anfield睇一次波 直至2015年既時候係有機會去既 但個旅伴又縮縮地沙 果時既我又淆底一條女去所以就擱置左 (雖然12年已經去過歐洲玩左40日 但果時有朋友陪) 然後果一年球季完左Gerrard就離開左Liverpool 我已經好dum春 再係舊年聽到佢退休 我真好後悔
作為一個利撚 睇唔到Gerrard係Anfield踢一場波一定係我臨死前諗番既一個遺憾 就係咁 我唔想再比自己後悔 好驚睇唔到一場係利既Lallana (我而家好鍾意既一個Liverpool球員) 所以比一個獨遊開既女性朋友鼓勵下 由有依個念頭到買機票 只係用左一個星期既時間 而出發既日期係一個半月後 有時 人只要一d既衝動同勇氣 就可以做d你從來都唔敢做既野
由於一個人 所以只係book哂hostel機票波飛車飛就行喇 行程係邊去邊諗既
24.1-31.1 Liverpool 期間會睇兩場波 同去下Liverpool以外既地方
1.2-6.2 Amsterdam 揀荷蘭係因為離境稅平過英國 本身係德國同荷蘭揀 兩到都未去過 但因為驚難民又驚強姦又驚恐襲 所以最後揀左荷蘭走