獨女英國荷蘭深度遊 總結篇 驚險 奇情 多圖多字

荷蘭有邊到好玩？
諗住去

我寫緊果個小鎮極力推介
春夏天會多d野睇
風車村 花market 芝士market
冬天去係鳩柒

好想去風車村

配埋藍天影相一定好靚

今日屎忽痕自己走左去Den Haag行咗一轉
利申：係荷蘭讀書

我之前提識果個澳門女仔去左半日話悶到抽筋

因為我先去左唔夠一個月 所以都唔敢周圍行
但都幾有新鮮感 同埋來回先7歐
所以都不過不失

Day 11 (3.2) Maastricht
今日嘅行程係行山洞，前一日已經買左飛，10.2歐包行山洞加城堡，由於12:30先開始，於是我就早少少起身，食個早餐再周圍行下



路過河邊依間博物館嘅物體，見有間coffee shop，就入去食早餐，食完發現樓下有展覽，順便睇下



除咗相展，仲有d諷刺時事嘅漫畫，張張都好有意思



睇完就過橋去舊城區，條橋側邊有條坑，方便單車友推上去，而我又再一次on99咁行喺果d位，阻住個地球轉


又嚟我在橋上看風景


其實喺Maastricht真係好relax，都無咩諗嘢，連點行都唔洗諗，所以冇咩感想，只有靚相

眼超超的狗

見到個大水車去八下，點知一行近臭到仆街

臨近情人節嘅裝飾

行行下聞到好香，發現一間好正嘅麵包鋪，所以再食多份早餐


行行下又見番琴日條城牆嘅盡頭

然後行行下，又見到條橋，通去琴日見到鴨仔果條河


河嘅另一邊，有個不知明嘅地方，養咗d鹿

得一隻公，佢一食飽就追鳩d乸，可能食飽想扑嘢掛


睇下睇下，都差唔多時間，所以我就慢慢行去集合嘅地方喇，其實唔係好遠，市中心行去4-5個字都到，治途d風景都靚


12:30-13:30 會行個堡
14:00-15:00 會行山洞

佢個tour有分荷蘭文同英文，我就建議大家如果去可以早d買定飛，睇定d時間，因為唔係隨時有英文團


由集合地點望番落去，突然露咗少少藍天


城堡tour比較少人行，我見自己有時間多所以先報埋
個堡個名叫Fort St. Pieter，我好on9地將佢同Saint Petersburg撈埋一齊諗，以為係個好宏偉嘅城堡，點知只係一舊嘢


依舊嘢其實係個保衛城市嘅城堡，入面都係用嚟放炮台同觀察下有冇敵人，都有d似York山頭上面舊嘢嘅用途

個tour guide仲叫我拎碌嘢整郁個炮台，點知真係唔係好洗用力都整得郁

個堡都俾人打到溶溶爛爛

另外仲有d係喺個地底行，講下以前d士兵點溝通點移動咁樣，貶下眼就一個鐘，如果你地係諗住day trip玩依到，可以唔駛報依個tour，淨係行山洞都OK

距離山洞tour有半個鐘時間，果到有間餐廳，個個都會喺果到休息，我口痕就叫咗個rice cake食，又幾好味喎

準備入山洞喇，今次就多人d，但竟然荷蘭文仲多人過英文

依個山洞有成二萬幾條通道，係以前d人發現座山d石幾啱用嚟起嘢，所以個個都嚟掘，掘下掘下就掘咁多條路出嚟，如果冇導遊，一個人喺入面一定仆街死，又冇燈又多路，佢話以前真係有兩個細路喺入面走失咗，之後死咗，佢話正常唔可以生存多過三日，一嚟凍(8-10度，夏天去最好帶件褸）二嚟係果到嘅濕度同空氣都唔適宜長時間逗留，三日係極限


打仗果陣，d人走哂入去避難，得閒冇嘢做，就畫下畫，所以入面好多畫，同好多到此一遊

不過依個呀毛都有d口音，有時都唔係好聽得明佢講咩，同埋佢又有少少老，喺到諗如果佢突然唔記得點行，我地全部人真係GG

入面菜都有得種，又有個小水池，屎坑呀廚房呀都有


臨尾有段路係直行冇分叉路嘅，佢叫我地試下摸黑行，佢會拎走哂d燈，叫邊個驚嘅就跟佢走，我本身想跟嘅，但點知冇人咁做，我廢事柒，就捉住個都係單拖嘅俄羅斯妹一齊行，原來喺完全黑嘅環境，就算知道前面冇嘢擋，十幾步嘅路都可以行好耐，行完就出番去，毛啦啦又好天，就繼續亂行影下相喇






之後又食下嘢，依到d人好鍾意飲d草沉水，原來係mint tea，之後有次飲過一啖，好難飲的


食完行番去市政廳果頭，先醒今日有個market，可惜已經太遲，個個都收緊檔了



行到咁上下，又唔想咁早番Ams，所以就喺河邊坐喺到發呆，欣賞下最後嘅風景


番到Ams 9點幾，去到hostel門口，可怕嘅事情就發生喇...

有冇食草？

冇，一嚟唔食煙，二嚟未對過草，三嚟一個人想試都廢事，四嚟真係完全唔想試

去到hostel門口，發覺條鎖匙插唔入，門口個鎖匙箱都冇咗，我再望下周圍，明明我去啱地址，究竟發生咩事

我第一時間就諗起琴朝city hall d人，但我已經冇時間分析，連喊嘅時間都冇，我d行李喺哂入面，同埋我仲要解決今晚訓邊嘅問題

等我稍為冷靜少少，就開番airbnb個chat box諗住搵個屋主，點知原來佢喺下晝send咗個msg比我，話間嘢火燭，已經唔可以再入去，叫我有咩打俾佢，而個電話number個係咁樣嘅---> (hidden number)

我當堂企咗喺到，條街又黑，連電話都唔知打幾多號，好辛苦搵番之前嘅對話，好彩有提過個號碼（其實真係好辛苦咁搵，因為之前提過唔知點解嚟到荷蘭張卡明明收LTE但好似56k咁慢，我愈心急個電話就愈慢 ）

因為我果張只係上網卡，所以就搵下d路人借電話俾我打，第一個女人竟然話冇帶電話，好似驚我呃佢咁 明明我都拎住部電話叫佢打果個number，anyway我都要繼續搵搵到有人肯借俾我為止

好彩，下個人佢話冇荷蘭number，不過佢咁啱搵朋友，就叫佢拎個電話落嚟借俾我，仲食住風咁聽我講咗十分鐘，真係好感激佢地

終於搵到個仆街屋主，佢話拎哂我d行李，叫我去火車站等佢，等佢果陣，我就搵地方過夜，順便開咗個post [仆街喇 人在荷蘭 Hostel封左 今晚訓邊] https://lihkg.com/thread/106652/page/1（睇番post會感受到我果時幾無助 ）

本身搵到d單人房嘅，但我手腳慢轉個頭又冇咗 幾經辛苦book到間hostel（好糾結架，人生第一次住mixed dorm，好驚d鬼對完草強姦我呀大佬，雖然我唔係咩天姿國色，但鬼佬嘅口味好難講架嘛 ）

等咗陣，個仆街屋主就到喇，我發現d行李原來唔齊，因為我有d擺咗喺枕頭底，有d擺咗喺佢提供果個locker到，佢仲西口西面咁款，話唔係佢執唔撚知，猛話之後入得番去會寄番比我，我信都on99，我一定會嘗試自己解決

之後我仲迫佢幫我拎d嘢去新hostel，當然佢緊係好唔鋸啦，但我睬鳩佢

入到房，見到有一個女仔，都放心d，雖然其餘7個都係男仔 但佢地個個都出哂去玩，所以我沖個涼就訓喇，好彩果晚有班連登仔陪我吹下水，我先冇咁難過

終於有文啦

我黎緊4月都會去AMS呀,頭兩日會同FD去Keukenhof 睇花同Zaanse Schans睇風車 最尾一日得番自己一個重未諗去邊好 樓主有無咩地方推介

6-7月會係愛丁堡讀summer school
之後諗住用半個月-1個月時間遊下英國荷蘭法國（其實仲係無概念去邊）
絲打去啲地方好正
好彩你係荷蘭個到無事

我黎緊4月都會去AMS呀,頭兩日會同FD去Keukenhof 睇花同Zaanse Schans睇風車 最尾一日得番自己一個重未諗去邊好 樓主有無咩地方推介

我本身想去heiniken個museum 但大多人排所以冇去到 如果你去可以上網買定飛 最後我自己去左動物園 一個人鳩行都行到三個鐘 另外ams都好多museum 如果你鍾意睇應該都睇到一日

6-7月會係愛丁堡讀summer school
之後諗住用半個月-1個月時間遊下英國荷蘭法國（其實仲係無概念去邊）
絲打去啲地方好正
好彩你係荷蘭個到無事

愛丁堡真係好正好舒服
成個歐洲大把野玩
留得幾耐得幾耐啦
出左黎做野冇咩機會放咁長假

曼迷留名

我黎緊4月都會去AMS呀,頭兩日會同FD去Keukenhof 睇花同Zaanse Schans睇風車 最尾一日得番自己一個重未諗去邊好 樓主有無咩地方推介

羊角村

我黎緊4月都會去AMS呀,頭兩日會同FD去Keukenhof 睇花同Zaanse Schans睇風車 最尾一日得番自己一個重未諗去邊好 樓主有無咩地方推介

羊角村

我初頭都有諗過去 但好似好遠 因為我得一日時間 如果即日來回可唔可行？

Day 12 (4.2)
經歷完一個驚險嘅晚上，接住落嚟就要解決問題，一起身就去番間垃圾hostel門口影番張封條，方便報警果時俾d警察睇


當然，我係唔撚識睇架啦，所以就求個路人幫我解下講咩，原來係佢瀨咗消防條例又犯法咁租出去俾人住，之後新聞仲有報tim http://www.dutchnews.nl/news/archives/2017/02/amsterdam-hits-illegal-airbnb-landlord-with-e300000-fine/

我咁都屎忽撞棍撞正個大型掃場行動，仲要淨係掃我果頭，我都冇嘢好講喇

沿途行去警局果時，見到noordermarkt開緊檔，可惜我都冇心機睇，淨係想快d報警希望佢地可以幫我開門

問左幾個人都唔知警局喺邊 行咗好多冤枉路先去到

喺香港都未試過報警，估唔到人生第一次就喺荷蘭，我以為會有報案室之類嘅地方，點知所有嘢都係喺個counter搞掂

幫我錄口供果個係個呀婆嚟，係咁唔俾我講嘢好彩最後佢都明成件事係點，我呃佢話張香港身份證喺入面，諗住佢會幫我開門啦，點知佢話佢地都做唔到d咩，淨係幫我lock咗我個id no，唔俾人盜用，聲稱係全世界都lock咗 心諗，又多樣嘢煩

前後都係用左一個鐘，我d朋友話好快，佢之前試過喺意大利唔見銀包，因為冇人識英文，等咗四粒鐘，都搵唔到個識英文嘅人，於是佢就放棄了

個呀婆毛啦啦塞張咁嘅嘢嚟，如果你地嚟緊會去ams，自己留意下喇

雖然果邊d差佬做嘢都heahea地，一邊食住嘢，又講閒話，中間又聽私人電話，但其實佢地都幾忙幾多嘢做，短短一個鐘都見到唔少人報案，例如有幾個台灣人，佢地on99咁放低個袋影相轉個頭就冇咗，又有個當地人執到個美國佬嘅公事包，又有對西班牙情侶話唔見左銀包，仲有個難民物體入嚟話冇錢搭車即刻俾個呀婆屌走咗



報完個冇撚用嘅案就繼續我嘅旅程，由於個相機叉電喺間仆街hostel入面，之後睇到嘅相都係iphone影，實情係，我連影相都冇咩心機，個腦淨係諗緊星期一去cityhall點做先可以拎得番我嘅嘢


諗唔到去邊，就打算去最出名果個Albert Cuyp Market，由於唔識搭車，我就問下琴晚聯絡過果位巴打，點知佢話多咗張八達通嘅物體，就話拎出嚟俾我喇

其實喺ams搭輕鐵呢，俾一次錢，就可以一個鐘任搭，記得上落車拍卡就得喇，不過呢，佢地d卡成日壞，搞到你轉車果時又要再買過飛，聽聞淨係咁樣，都坤到成百萬定成千萬一年

個巴打比咗張卡我，陪我行咗個圈，食咗個lunch，佢就去做自己嘢喇
講番個market，其實鳩到無輪，又冇咩嘢食，又冇咩特別嘢買，仲衰過花園街，唔明點解search親d blog都會去果到仲講到好多嘢睇咁

鳩形嘅食物就見得多，閪形真係第一次見

同巴打食完嘢，喺maastricht識果個澳門女仔話嚟搵我，所以我就搵間餐廳一邊睇波一邊等佢，我想講，依到d人好似唔鍾意睇波咁，好難先搵到一間有直播，仲要其實係冇人睇緊


等到靚女嚟(叫佢澳門妹好似好怪咁，佢又真係幾靚，就叫佢靚女啦)，我地吹咗陣水，就諗住去heineken個museum到玩，點知去到勁多人，落住雨出面都有成幾十人喺到等緊，個職員話最少要等一個鐘，所以我地就收皮喇

如果你地想去，可以上網買定飛，唔好學我地白撞，特別係weekend，例牌多人

我地mimimormor都搞到天黑，諗唔到做咩，靚女話帶我去紅燈區見識下，咁啱巴打話做完嘢，就join埋喇



其實我個腦對紅燈區係有一個畫面嘅，細個唔知係睇書定老師講，紅燈區係好五光十色，一條大路兩邊d櫥窗都有d棵女喺到跳舞，周圍d人都係隊住草，成件事係好華麗嘅，但係現實並唔係咁樣...待續


希望大家唔會嫌冇咩圖啦，果時真係冇心情影相，仲有兩日就打完，如果你地仲追緊，真係好多謝，因為我身邊九成嘅人都嫌多字已經冇再睇 做完嘢今晚再打，等我

Day 12 continue...
上回講到紅燈區，現實係中間有條河，兩邊d路好窄，櫥窗係冇咩嘢嘅，轉入d巷仔，有d一格格好似廁格嘅嘢，好疏落咁會有d著到好性感嘅女人喺入面，但大部分都好撚樣衰或者好撚肥，同我想像中嘅紅燈區完全相反

聽巴打講，喺紅燈區係唔可以影相，如果比間鋪嘅實Ｑ見到，會掟走你個相機電話，警察嚟都唔會幫手

番到嚟聽同事講，話佢果時去燈區，佢朋友試過入果d廁格嘅物體，至於佢嘅朋友係咪佢，我就不得而知喇 佢話果d廁格係逐分鐘收費齋打飛機，做其他嘢會另外收錢，例如揸波，最後佢朋友因為太趕急，連扯旗嘅mood都冇，15分鐘就好似收咗幾舊水定過千 講到尾，紅燈區都只係遊客區

行完個濕鳩紅燈區就同靚女同巴打一齊食飯，之後就番hostel喇，今日同琴日一樣間房d人都出哂去玩，唯獨一個美國仔，佢住喺黃色門入面

我沖完涼出嚟，佢i住個門框，用一個好迷幻嘅眼神望住我，好似想強姦我咁，我問佢係咪想去廁所，佢話唔係，就行番入房，之後間房就充斥住大麻味

Day 13 (5.2)
今日想離開下ams，所以打算去rottendam同delft行下，巴打話佢都得閒，所以我就冇咩做research，由佢帶路喇

由ams去rottendam，搭火車40-70分鐘不等，本身我地想搭快車，問d車站職員，佢話好貴，於是我地就搭慢車喇，好唔好彩，又撞正整路，搭搭下又要轉車，轉轉下可以轉到去機場，最後又要補錢，搭番我地想搭果種車，根本就唔貴，巴打話荷蘭人係好度縮，所以少少嘢都嗌貴

前前後後都唔知有冇搭左兩個鐘，終於到rottendam，都話我同荷蘭八字唔夾架啦，做咩都柒下柒下咁

rottendam嘅建築物全部都好新，完全睇唔出有任何歷史嘅痕跡，因為WWII果陣，rottendam俾人炸到移為平地，所以大部分建築物都係新起，仲起到懶有特色，三尖八角


逃過大難嘅聖羅倫斯教堂

落車行十幾分鐘，就會去到依個market，成舊嘢入面都係賣嘢食，本人表示係成個trip最正嘅market


荷蘭臘腸


如果我再嚟荷蘭，可能我會揀住喺rottendam，一嚟人少d，二嚟起碼依個market大把餐廳，不過最奇怪係，明明有咁多嘢食，d荷蘭人都係會食薯條，依到d人真係好鍾意食薯條

食完就行去隔離個方塊屋睇下喇


竟然有示範單位，入去睇一睇盛惠3歐


其實仲有一部分係hostel，如果大家屎忽痕，可以住番晚
隔離就係另一座古怪建築，鉛筆屋


行番出嚟嘅時候，見到河入面有d嘢出煙又會郁，由於我地太無聊，所以決定追去睇下咩嚟


追咗九條街，終於追到，原來係有班人喺到沉溫泉，叫hottug，但我真係唔敢試，如果彈咗d河水上嚟我應該會崩潰


其實rottendam搭一個鐘車就會去到風車聖地"小孩堤防"，不過聽聞冬天去係減一百分，所以都係留番下次春夏天嚟先去啦

睇完就搭車去delft，靚女話同佢個roommate行海牙行到好悶，所以話嚟join我地
delft其實都似ams，都係好多河好多橋，不過就再靜d，同再舊d，但就好細，好快就行完


明明話有個sunday market，但去到又咩都冇






周街都會見到貓，原來荷蘭人係會放養貓


之後都係食飯搭車，聽日就去cityhall打大佬

仲追緊！

仲追緊！

好感動 等我爆seed打埋最後一日先

Live左

仲追緊！

好感動 等我爆seed打埋最後一日先

等你啊