《香港傭兵》(26)

飲水都會痾㗎

屙水
醫生話嚴重嗰啲係一晚屙三十幾次

屙到脫水

唔好呀唔好呀...

色字頭上一把刀...

把刀仲要係紅色㗎！

命仔緊要...命仔緊要！

對綽姿有非分之想嘅話...真係隨時連命仔都冇...

『呃...係呢...點解會嚟咗...時鐘酒店嘅？』望住綽姿嘅背影...雪白幼嫩嘅背脊...仲要喺時鐘酒店...仲要喺床上...

嗚呀！！！點忍吖？！

「仲要問？」綽姿冷冷放下一句。

『呃...』唔使問嘅話...係唔係做得喇？

「尋晚你又突然進入深層睡眠，唔方便帶你返入去特殊區...本來打算搵時鐘太空艙...不過算啦...都係瞓好啲。」綽姿一個轉身，就瞓咗喺我身邊！

綽姿瞓咗喺我身邊...綽姿瞓咗喺我身邊呀！！！

『呃...你...尋晚...就瞓喺...度？』我望住瞓平個人...對小饅頭都扁晒嘅綽姿...

「嗯。」綽姿望住天花，點點頭。

我同綽姿瞓同一張床...仲要瞓咗成晚呀！！！

究竟我有冇對綽姿做咗啲奇怪嘢呢？

有冇手多多呢？

點解吖？點解我要瞓得咁冧吖？

錯失機會喇！！！

「有問題？」綽姿望一望我。

『哦！冇！冇...好奇點解係雙人床...咋嘛...』張床仲要咁有彈性...咁好Un咁...

「嗯？時鐘酒店就只有雙人床。我唔明你好奇啲乜。」綽姿皺一皺眉。

時鐘酒店...只有雙人床...

時鐘酒店...時鐘酒店...

係喎！時鐘酒店係俾人上嚟扑嘢㗎嘛！咁就梗係得雙人床啦！

扑嘢...瞓喺呢張床...同綽姿...

『呃...冇...冇...係呢...我哋瞓咗幾耐？』都係唔好FF咁多喇！！！搵其他話題講啦！！！

係咯...而家幾點？點解時鐘酒店冇鐘㗎呢？

「我瞓咗兩個鐘左右。你就瞓咗差唔多九個鐘。都唔知點解你可以咁好瞓。」綽姿冷眼打量住我。

『呃...係咯...係咯...』原來...綽姿喺我身邊都係瞓咗兩個鐘咋...

咁都應該冇乜嘢發生過嘅...

唔知點解...總係有一點點失落...

『呃...係呢...有冇放逆行者啲情報上去賣吖？唔知賣到幾多Sil呢？』我一邊落床...一邊望望自己部電話放喺邊...

都係落床好...都係落床好...

同綽姿瞓埋同一張床...總係控制唔到個腦亂FF...（更控制唔到下面唔扯到硬一硬...）

電話呢...電話呢...吖～喺茶几上～

「我冇放上情報庫賣...我咪講過呢啲情報好珍貴，唔會隨便放上情報庫。所以話你真係只有市儈方面似行者。」綽姿瞓喺張床上擰擰頭。

咩姐...又要俾你話...

我拎住部電話，繼續解鎖，繼續打開個SPIRIT App一睇...

『咦？點解係...681 Sil？』我第一時間就係睇右上角個Balance...

我記得...我本來係有680 Sil...

「又有乜問題？」綽姿望住塊天花板。

『我記得本來係680 Sil...點解淨係多1 Sil嘅？尋晚個委託30 Sil㗎嘛...』我冇記錯㗎...

「係吖。尋晚個委託係30 Sil。」綽姿都點點頭。

『係咯...平分應該係每人10 Sil㗎...』尋晚個委託...淨係得我、綽姿同海賊咋嘛...

「點解平分係10 Sil？平分係15 Sil。」綽姿繼續望住塊天花板。

『咩吖...三個人平分咪每人10 Sil囉...』識唔識計數㗎？除數咋喎！

「邊個話三個人？兩個。我哋加埋再同海賊平分。」綽姿繼續望住塊天花板點點頭。

『咩吖...』我同綽姿加埋...

「咩吖？都話咗你係我嘅隨行者，我哋兩個加埋為之一份...你要我重複幾多次先夠？」綽姿皺一皺眉。

『咁...咁點解我係分得1 Sil㗎？』我同你除返開每人應該7.5 Sil啦！

「嫌多？」綽姿冷眼望一望我。

『少呀！』仲要問呀？！

「分1 Sil俾你仲想點？你尋晚做嘅任務咁簡單。」綽姿又望住塊天花板。

『嘩...簡單吖？又要搵車又要去搵目標人物...時間都要錢啦吓話？』Time is money Friend～

「你係我嘅隨行者，我可以1 Sil都唔分俾你。」綽姿又冷眼望一望我。

『係係...』你係大佬我唔係...

唉...真係唔好計嗰十萬按金...租車錢都蝕埋...

係喎...講開租車...

『你幫我停咗個租車㗎喇嘛？』尋晚話進入深層睡眠就進入深層睡眠...

唉...睇嚟真係要搵搵方法變強先得...

「冇。」綽姿繼續望住塊天花板。

『吓...冇？』

「嗯...冇停租車。」

『吓？點解唔幫我停呀？！』

「我點幫你停吖？」

『喂我係你嘅隨行者嚟㗎嘛！我跟你㗎嘛！』

「咁又點？我都解唔到你部電話個鎖。」

『係咁㗎咩？』

「唔係點吖？」

嘩我屌！咁咪好甘？！

我立即開返個租車App！停止使用！！！

睇一睇...收咗我...嘩屌成二千蚊呀！！！

『蝕吖蝕吖...真係租車錢都蝕埋喇...』貼錢做委託呀呀呀呀呀呀！！！

「邊個叫你租姐？」綽姿冷冷放下一句。

『唔租邊有車吖？』百變小櫻吖？話變就變吖？

「你可以去偷。你可以去搶。」綽姿坐返起身，伸一伸懶腰。

嘩...你就講得輕鬆...又唔係你去偷...又唔係你去搶...

我鬼識咩...

望住綽姿挺起對小饅頭...

個Bra咁薄...對乳尖就快...就快...凸出嚟...

唔止係乳尖...就連對小饅頭都就快要彈出嚟！！！

望住綽姿對小饅頭...雪白幼嫩嘅胸肉...我下面又彈一彈...硬一硬...

好扯旗吖...綽姿真係...好好J...