上回講到飛揚幫目標人物戴上頭套後,就繼續坐住喺大飛向荃灣進發!
喺茫茫大海之中真係拋到甩肺。
當飛揚就快要迷失喺大海之中之時,就見到光!
係岸上嘅燈光!
睇嚟就快到喇喎!
而海面上都多咗幾隻巨型貨船!
海賊左片右片咁!飛揚差啲就飛落海!
當差唔到埋岸之時,綽姿就捉住目標人物跳上岸!
飛揚都跟住跳!仲好紳士咁扶住目標人物!
梗係啦...一陣目標人物跌咗落海,一定又係飛揚落去拉佢上嚟㗎啦...
海賊就揸住隻大飛離開!
嘩...真係負責揸船㗎咋喎...
綽姿押住目標人物上飛揚喺晏晝預備好嘅共享車。
綽姿喺LCD塊上輸入好目的地之後,就要飛揚跟住導引駛過去。
又要個冇車牌嘅人揸車...
「開快啲。」綽姿仲係一邊留意倒後鏡中仲瞓喺凳上嘅目標人物,一邊催促飛揚。
『係。』你真係講就易...
大姐吖...飛揚無牌駕駛㗎...
一陣開得太快,超咗速俾警察截停,點解釋吖?
定係你想拒捕,踩盡油逃走吖?
GTA吖?咁易逃到吖?
跟住既劇情發展又會係點呢?
準備出文