早
上回講到原來目標人物係逆行者!
逆行者仲要搶咗飛揚把精神刀柄!發動綠光刀刃!
竟然係...綠光刀刃...
逆行者收咗兩個愛港愛國嘅大隻佬皮之後,一個轉身就與綽姿同飛揚擦身而過!
愛港愛國要綽姿同飛揚捉返逆行者返嚟!
但綽姿話要委託嘅話請跟返程序。
愛港愛國立即跟返程序委託,綽姿諗差唔多喇...就帶飛揚走人。
飛揚跟住綽姿沿路行返上去...途中見到唔少愛港愛國嘅人屍橫遍野咁...
而被囚禁嘅人眼中總帶住絲絲希望。
飛揚仲留意到剛才正被鞭打緊嘅人被救走!
係被逆行者...救走?
上返嚟見到架車仲健在,飛揚就放心了。
等到班愛港愛國追到出嚟,四散搜查。
飛揚同綽姿上返車,綽姿就一手擋住個Engine Start:「唔好開車住...你點睇?」
點睇?睇乜鬼?
『估唔到...黃傘之中...有逆行者...』雖然飛揚唔知黃傘係咩來頭...但一直都以為,逆行者只係同天門...仲有西貢獻命(雖然已經反咗面...)有關...
「唔係...」綽姿擰擰頭。
『唔係?』飛揚估錯咗?
「一直以嚟,都冇逆行者同黃傘有關連嘅情報...今次應該係第一次。」綽姿點一點頭。
『咁講法...呢個情報應該好值錢啦!』第一手喎!
「你終於似返個行者。」綽姿搭一搭飛揚膊頭。
『哦...多謝...』係唔係即係讚飛揚?有冇Get錯?
跟住既劇情發展又會係點呢?
準備出文
今晚出完