我好認同巴打嗰句“做到要求就算”
宜家仲係二十頭,問開身邊嘅朋友覺得一套西裝大約幾錢,佢地都係話二千鬆啲。當我話一套可以著翻5年左右嘅西裝(SuitSupply)係最少3xxx,好多時佢地都唔明白多嗰一千蚊嘅分别喺邊。
呢個好明顯係一大堆uneducated consumer所造成嘅現象,佢地唔知道fused/half-canvassed/full-canvassed嘅分别喺邊到,唔知道唔同嘅布係點,甚至唔知點先叫一套好睇嘅西裝。當連呢啲我地覺得係基本嘅概念都唔知,佢地點會覺得呢個extra $1000係值得洗?
就算唔計construction車工呢啲quality嘅嘢,淨係睇style,數下街上有幾多人著住黑色西裝都知冇乜人識呢啲嘢。衣著始終都係一個social construct,即係一樣深受社會常態影響嘅嘢。當後生仔嘅老豆、老闆、同事都係著緊skinny lapel, box cut, baggy trousers, 大陸懶佬鞋,佢地唔會認為咁樣著係有啲咩問題/唔好睇。所以就算係由啲鬼五馬六嘅鋪造出嚟嘅奇怪衫,佢地都睇唔出/唔覺有問題,因為可惜地,社會常態係咁。
當然仲有社會整體即食消費文化,主張quantity over quality,引致消費者唔傾向invest落一套西裝著幾年,寧願買完一套二千蚊g2000著完一年買過套。
揾到呢個post,入到嚟都仲skip #1做伸手黨係抵屌嘅,但呢個post我都大膽估計唔係mainstream。其他人,真係好難講,因為男裝喺香港唔係主流concern。唯有睇下有冇啲accessible啲嘅渠道,例如youtube。
利申:成個衣櫃都冇呢到啲大神嘅一套
新手一名,慢慢改進中