得㗎啦巴打 我預咗
有時睇其他人嘅Po 見到呢啲留言自己都會好火滾
但去到一個地步係感同身受或者發生係自己身上,原來冇嘢比心痛更大感受
Anyway thank you
過來人
我都有個妹,仲相隔9年,代溝更加大。以前會成日蝦佢,佢亦成日同屋企嘈,當時屋企一個更年期一個青春期,火星撞地球咁。
後來有一次家長日我代左呀媽去見老師,我喺佢同老師面前,用佢既角度,講出晒佢面對嘅問題同壓力,我同老師講呢番說話有d冒險,因為大家都知,家庭事同外人講,拿捏得唔好就變成是非。
但因為無一個真正機會可以俾我坐落黎慢慢同佢傾。唯有趁呢個機會去表達自己有幾關心佢,並唔係數臭佢,同時都希望將佢咁多年既心結解開。
果一刻佢喊到停唔到,知道原來呢個世界,仲有人知道佢面對緊目前同將來嘅問題。之後我同佢嘅心結解開左。佢有乜事都會搵我同我傾。有時d嘢唔怕肉麻少少。希望幫到你!