見住啊妹咁 做啊哥又乜都幫唔上忙

用朋友角度呢個方法ok㗎其實，不過可以試下唔好一開始就 “勸” 啊妹先。用聆聽者嘅角度聽下啊妹內心世界係點樣，試下設身處地去體會佢嘅感受。 通常你一開波就矯正佢嘅錯處，佢梗係乜都唔同你講啦。

一邊聽嘅時候可以配以點頭，或講出 “我雖唔係你，未必100%明白你感受但我知你一定好痛苦” 類似嘅話語，令佢知道其實有人明白自己感受，慢慢佢會願意同你分享更多自己嘅內心世界。


不過呢，你啊妹有情緒問題要小心處理，睇嚟你妹妹嘅處理方法係傷害自己以為發洩，呢類型嘅朋友可能唔鐘意其他人做一啲太過關心自己嘅行為，佢哋反而有壓迫感而更加封閉自己，所以如果佢抗拒你太關心佢的話，你要比返少少空間佢，一步一步嚟，唔急得。

樓主，我背景同你地好似。中四五嗰陣又係好多行為問題。
我覺得你呀妹都係有堆心結未解先咁，有機會嘅睇下帶唔帶到佢去睇cp嗰啲啦，應該會有用。
至於你可以做乜，就係講多啲聽多啲知多啲， unlimited unconditional love。情緒好咗個人先會好

多謝你既提議巴/絲打我會嘗試下，希望仲未太遲啦。望就望佢仲會同我講

個人意見 ：我覺得唔多唔少啊妹都係覺得缺乏家人嘅愛，細個父母離婚嘅小朋友都可能有呢個問題。尤其事小學5， 6年班呢個時間父母離異更加對佢有更大傷害。

btw, 愛唔等於縱容。
利申依家 psyc+ counselling major
唔介意講吓我嘅experience睇吓幫唔幫到你地

佢嘅情緒好複雜，唔係冇嘗試過去了解
好多時候都會逐個逐個範疇去問佢，關於屋企/朋友/男朋友/錢/學業，希望逐個去問總會有一個問中
但好多時候佢答 唔知，我真係揣摩唔到

加油啊！ 妹妹會知道你同屋企人其實都係好愛佢

明你感受 我都經歷完
阿妹又係因為父母離婚問題變得好反叛
思想上變得好敏感 又成日諗埋一邊
同阿媽嘈交
但上年年尾經歷咗件大事
佢意識到我同阿媽係好關心佢
慢慢到今年佢都改變咗好多
過來人覺得有時真係要放手
跌過痛過 佢就會知道家人係重要
而且永遠都會係佢身邊

我會話問同了解係兩件事。
我呀媽以前都係咁問，問到我煩咪唔撚答囉
詳情可以tg再講
https://t.me/torianat

呢句真
想當初佢同心理醫生講 會出去拍拖都係因為
曾幾何時有個人好錫佢 但後尾冇咗果個人
所以先至想有人去愛錫佢
自問，呢頭家已經好愛佢，就算阿爸同阿媽離咗婚之後，爸爸對佢嘅關心都冇少過。但就始終唔係父愛，變咗個外來人，所以。。唉

多謝巴/絲打有人聽我講已經好開心

幸福既係 最後你啊妹返番來 呢樣野我亦都鄧你開心
但好唔好彩，原本得返一半既家 好似又要再拆咁真係唔忍心見到呢樣野出現

試下同佢一齊飲酒，傾住計咁，可能傾到啲你未傾過嘅野呢4，btw學業加油，一定要升返上去

係就係返咗黎，但都有代價
雖然件事未發展到話比人搞大個肚定同其他人發生關係
但都好嚴重 仲搞到上差館
希望佢經歷今次 佢真係識諗

可能講啲嘢好不切實際，不過有冇試過換過方式去表達對佢嘅愛？有時以提點啊，勸導，“哦”佢，呢啲方式未必令佢感受到佢愛，反而會反感。轉過表達方式可能會好啲。


利申：又係父母離婚後一段時間情緒受困擾

Feel到巴打真係好無助 咩方法都試過依然冇用
但如果你細妹真係去個依個level
咁真係要等佢奶過次嘢先會識諗 迷途知返

加油頂住啊巴打

呢個我都有諗過

我啊媽都有提意過不過唔知佢會唔會應承呢
盡能力啦，應該都係ou year2畢業了

上面個班問阿妹正唔正 借黎砌班撚樣
到底你地有冇同理心 鳩痕搵伯母幫手啦
屌你老母 成班仆街係到奚落人 睇撚到火滾

加油，比唔到d咩建議，幫你細妹之餘都要小心照顧自己，唔好令自己太大壓力

If you never try, you never know

其實無力感好重 不過冇辦法 佢此終大個教又唔聽又控制唔到 冇辦法

一心諗住入黎睇整mon

佢好好彩有你呢個阿哥！

Thanks