近期啊妹成日夜返,有時甚至唔返。睇佢IG又成日同朋友出去飲酒,中四咋佢,學又唔返,同老豆老母又嘈交唉到底佢想點,呢排仲要去返工,時間日夜顛倒晒。
有時做啊哥好想幫到忙,但佢真係十問九唔應,同佢傾只會答 嗯/哦/好,對住個個都係咁。全家人已經冇人敢罵佢,一話佢又要自殘。之前屋企人試過cut佢電話號碼,因為有定冇都好,打佢電話又唔會通,WhatsApp又唔會應,但之後佢就send啲話會自殘既說話出來要脅大家。比錢佢用,希望佢可以似返個正常學生咁返學,週末先出下街,但佢就日頭成日扮病,夜晚就出去。
有親戚話一開始我地全家已經寵壞咗佢,但事實係我地真係唔知點面對。爸爸媽媽喺五年前離咗婚,自此之後媽媽一直灌輸一啲負面訊息落啊妹度,果陣佢仲細小五,我以為佢會一直冇事。點知一年前,佢中三果陣,有自殘傾向,後來入咗院之後又見心理醫生先知原來佢有情緒病。我地全家都唔知點面對。
啊妹對老豆印象由離婚開始轉壞,所以一直都冇好過,加上佢哋每次溝通都只係講錢。至於啊妺對媽咪既關係係由好轉壞近呢一年,屋企冇咗個男人督促啊妺,自然個角色落咗去媽咪到。成日囉嗦佢都只係為佢好,但佢永遠覺得好煩,加上有時候媽咪返工啲壓力都會射咗落我哋度,我理解到,但啊妹多數會頂嘴頂返轉頭。
自問曾幾何時我都沉淪過一段時間喺屋企人離婚嗰陣,但之後都好快振作返。我成日都希望可以用一個朋友嘅語氣同態度去同佢溝通而唔係阿哥,但就好似永遠都唔work已經好有耐性去同佢解釋中學既美好,啊哥上到大專有幾懷念,又同佢解釋佢而家仲細,返part time真係唔趕以後仲有大把時間可以返,又勸佢唔好飲酒食煙但始終兩樣都做齊好多嘢嘗試站於一個過來人嘅角度去同佢傾,二唔係直接ban佢嘅諗法,但就好似永遠叫唔醒佢一樣
包括自己在內,大家都開始出現放棄,唔係放棄佢,只係放棄咗同佢對抗,由佢做佢自己想做嘅事,可能佢會覺得好啲,或者某一日會真係翻返嚟呢個屋企投入返,而唔係而家好似當係洒店咁,冇錢就返,唔想返就唔翻。
過兩日要intern,離開香港10日。呢段時間真係好唔放心啊妹,更加唔放心我阿媽自己一個handle,始終屋企冇咗唯一一個男人。不如大家話俾我聽,到底我仲可以點做或者呢個屋企可以點做
(sorry第一次開po,打到1999,真係走投無路先上嚟問各位巴絲意見)