(青春/甜)有人走,有人前來
我不是地球人
597
回覆
117 Like
12 Dislike
第 1 頁
第 2 頁
第 3 頁
第 4 頁
第 5 頁
第 6 頁
第 7 頁
第 8 頁
第 9 頁
第 10 頁
第 11 頁
第 12 頁
第 13 頁
第 14 頁
第 15 頁
第 16 頁
第 17 頁
第 18 頁
第 19 頁
第 20 頁
第 21 頁
第 22 頁
第 23 頁
第 24 頁
我的命中命中
2019-05-31 05:37:07
新讀者留名!
我不是地球人
2019-05-31 07:23:12
打打下文係電腦面前訓咗,
等我訓醒就有文,sorry
漂泊的荷蘭人
2019-05-31 10:45:51
加油
釣你癮
2019-05-31 10:51:05
唔洗急最緊要快
辛苦晒
火龍王
2019-05-31 10:55:14
有冇得聽左個結局先
我不是地球人
2019-05-31 17:02:40
啱啱起身,俾啲時間我!!
氏名無
2019-06-01 01:15:42
好
我的命中命中
2019-06-01 04:22:16
任意依戀
2019-06-01 09:19:08
推
我不是地球人
2019-06-01 09:48:59
終於來到中學生涯嘅最後一年,基本上由開學第一日開始成個上堂氣氛都會好緊張。
每日就係瘋狂操past paper,放咗學連打波呢個唯一一個減壓嘅方法都要放棄,爭取每一分每一秒去補習。
講真,去到呢啲博殺期我都仲未感覺到少少危機感,與其話我個人懶散,不如話我唔認同香港嘅教育制度同社會風氣。
由細到大,我地都俾人灌輸咗「一定要入到大學,入到就係叻仔叻女」嘅概念。
當然我會貼地啲,唔會成日將Bill Gates, Steve Jobs 掛係口邊,話人地唔讀書都做到成功人士,因為我知道自己資質平庸絕對唔會係嗰個被選中嘅細路。
但覺得一個人成唔成功唔應該用一張沙紙去衡量,最重要係搵到自己嘅長處同興趣從而開發自己一個獨一無二嘅小宇宙。
記得之前睇過一個叫王迪詩嘅本地作家所寫嘅一本書,入面有提及到佢讀大學嘅原因,就係用四年時間去搵自己嘅興趣,同時學習同唔同人相處,建立自己嘅人際網絡。
我係非常之同意。好似講到離咗題咁,簡單啲講就係我對於入唔入到大學呢件事係隨緣嘅態度。
反正我jupas都係填咗design/fine art係band A,都係睇portfolio同即場interview表現。
相反,阿其俾好大壓力自己,就算讀唔到medic都要入神科希望可以減輕佢爸爸嘅負擔。
呢個係我地第一個出現嘅分歧,我唔會嬲佢掛住溫書而怱略我。佢仲會成日苦口婆心咁叫我溫書,有無野要佢教我添。
唔識嘅野係有好多,但我唔想影響到佢。只係想佢專心應戰就足夠啦。
慢慢,我地少咗好多真正相處嘅時間,我開始習慣咗身邊慢慢無咗佢嘅蹤跡。
唔知幾時開始,我對於我地嘅見面係會覺得係例行公事,唔見一星期我都唔會有好強烈掛住嘅感覺。
我以為呢一切只係因為步入平淡期嘅跡象,我唔想影響佢考試嘅心情,決定將呢一切都收埋係心入面。
我不是地球人
2019-06-01 09:56:00
係呢到同大家交代一下啦,
我呢幾日無咩點出文,除咗因為少少忙之外。
更多嘅係,我諗緊個故嘅去向。可能呢到有啲讀者俾個標題吸引咗入來,同時會帶咗一啲期望。幾時會有甜位呢等等。
甜位係會有,但唔係我最想表達嘅野。我更希望係用我嘅文字去表達我對某啲事嘅睇法,我睇呢個世界嘅角度,價值觀。希望唔會悶親大家。
再次感激仲支持緊我嘅人,你地每個留言/正負評我都有擺係心中。
多謝大家
我會努力啲更新架!
考唔到咪再考囉
2019-06-01 10:13:54
Here.
唔好唔愛我呀
2019-06-01 10:55:19
阿其好好
氏名無
2019-06-01 11:58:43
酸辣走辣
2019-06-01 17:29:15
樓豬終於出文
藍色雙子星
2019-06-02 02:32:27
DSE完要分手啦
我的命中命中
2019-06-02 06:01:26
甜呢
我不是地球人
2019-06-02 06:40:31
雖然少咗見面,但我每一日起身都會見到佢嘅訊息,
「早晨啊b,我落自修室溫書啦。」
的確,佢會用b稱呼我,但我都係會直呼佢做其。
外人聽落,應該會覺得我地之間好生外。
我係到諗,真正拍拖嘅情侶係唔係都會咁相處呢。我見阿基,阿晴佢地唔係咁樣架喎。
雖然一百對情侶都會有一百種唔同嘅相處方式,但都會有共同點就係入面會有愛,但我地會唔會就係第一百零一種?
我地都已經過拍咗一年拖,但我仲未想喺social media正式公開我地嘅關係。
我地出街,我唔會主動拖住佢,唔會係公眾地方有太多親匿嘅身體接觸。就算返到屋企後,我地接吻都只會係一下。擁抱更加係少之又少。
種種嘅行為究竟係出於咩原因呢?我反覆咁問自己。
直至有一日,我終於得到答案。
嗰日係我考中文口試嘅日子。
我仲要係第一日第一批考生考,入等候室時,我收到阿其嘅一大篇鼓勵文。理應會覺得好幸福,因為得到伴侶嘅支持,好似有人係你身邊陪住你奮鬥咁。
但我睇完只係覆咗句thanks!就熄咗電話,繼續注目於眼前一大疊嘅筆記。
中文科係我最擔心嘅一科,我一直都驚自己連3322最低入學門檻都達唔到。
不出所料,第一次應付公開試嘅我怯場,連埋首論發言我總共只係發言兩次。寫係題目紙嘅論點我一個都未能成功完全表達到。
出咗試場後,迎面行過來嘅就係一堆搵考生做問卷嘅人。我一一拒絕後,就見到有兩個同組嘅考生係我前面,行緊去巴士站。
「嘩,頭先2號個個女仔講嘅野你聽唔聽得明?佢d points亂到,我mark得好辛苦,完全唔識點接佢。」
「屌,1999。」
佢地講嘅2號考生就係我,佢地討論得咁興高采烈都應該無為意我係佢地後面。
我開始放慢腳步,唔想俾佢地再見到我,因為我呢一刻只係想搵窿損。
最後,我只能目送架巴士離開。
我唔想返屋企,因為我知道阿其同埋屋企人等緊我消息,我選擇咗係學校附近嘅公園溜達。
我坐係千秋上面,諗起阿其嘅一個承諾。
「希望可以永遠為你分擔傷心同埋煩惱。」
我打開電話,見到我覆完thanks後佢再send咗幾個message俾我。
「考完未啊?」
「你係邊啊?」
「擔心你啊快啲覆返我啊?」
我望住空白嘅對話欄,欲言由止。
我呢一刻應該需要一個聆聽者,一個膞頭,但我腦海中無任何適合人選,原來佢個名已經係名單上剔除咗。
我呢一刻除咗煩學業嘅問題,我仲會因為感情事而苦惱。
無諗到,我竟然寧願想自己一個冷靜都唔需要佢嘅陪伴,我知道我只要打一個電話,佢就會出現係我眼前。但我打唔出。
原來,我只係包裝緊自己成為一個體諒人嘅人,口𥚃話唔想影響佢考試嘅心情,事實係我逃避去面對對佢無咗感情嘅事實。
冷靜過後,我唔想咁無交帶要咁多人白擔心我一場。
我就send返message話俾佢地知我無事。
同時,我決定咗完咗dse後正式同佢坦白我心中嘅諗法。
我不是地球人
2019-06-02 06:43:36
講返出文進度嘅問題,你地會係想每日一小篇定幾日一大篇嘅模式?
飛𨋢(歐陸)
2019-06-02 10:20:37
日日有文睇會開心啲
最緊要唔好爛尾
唔好唔愛我呀
2019-06-02 11:00:02
點解唔鍾意阿其
其
任意依戀
2019-06-02 19:00:48
推
comesameda
2019-06-02 23:52:49
支持,點解唔鐘意阿其x2
八哥眼凸凸
2019-06-03 02:22:12
有啲人/事 鍾意不代表適合 而適合嘅又未必鍾意..
不過最緊要..忠於自己內心所想
新讀者留名 加油
我不是地球人
2019-06-03 04:32:16
考完中文口試後,基本上我每日就喺屋企溫書。
望住堆到成座山嘅筆記,我有啲後悔點解要臨急抱佛腳。係我準備放棄個時,阿其爸爸打俾我。
「阿韻啊,今日我下廚啊,煲咗湯留咗俾你,你過唔過來啊?」
本身,未考完dse前我都無打算見阿其,因為唔想影響我決定。但uncle盛意拳拳,我都唔好意思拒絕啦。
上到去後,uncle開門俾我,入屋後就拉咗我去廚房 ,
「其實係阿其叫我搵啲籍口,叫我叫你上來架,你地無野嗎?最近好少見你地見面。讀書好忙啊?」
我面有難色咁都唔知可以點應對。
唔通我同uncle講我想分手咩,好似哂咗佢一啖心機咁。uncle見到我唔想答,都無追問落去,仲叫我有咩需要可以隨時搵佢。
佢真係好似當咗我係半個女咁,我不禁有啲內疚,我真係值得你對我咁好?我即將成為一個傷害你個仔嘅人。
個晚我食過晚飯後,就打算搵籍口走,我唔想同阿其有太多獨處嘅時間。
臨走時,我仲叫阿其來緊嘅筆試要保持水準,加油應付埋個dse。
一出門口,我竟然有啲眼濕濕,大概係我知道今次應該係最後一次去佢屋企。呢個地方,的確帶咗一啲我嚮往好耐嘅野,就係家庭溫暖。
放學後,一響門鐘會有人應門,食飯時會有三餸一湯嘅住家飯,飯後,會同阿其佢坐係梳化睇電視。
呢一切,唔再係我坐係巴士前面坐位上所幻想嘅事,係我切切實實咁經歷過。
呢一切都係阿其送俾我嘅禮物。
第 1 頁
第 2 頁
第 3 頁
第 4 頁
第 5 頁
第 6 頁
第 7 頁
第 8 頁
第 9 頁
第 10 頁
第 11 頁
第 12 頁
第 13 頁
第 14 頁
第 15 頁
第 16 頁
第 17 頁
第 18 頁
第 19 頁
第 20 頁
第 21 頁
第 22 頁
第 23 頁
第 24 頁
吹水台
自選台
熱 門
最 新
手機台
時事台
政事台
World
體育台
娛樂台
動漫台
Apps台
遊戲台
影視台
講故台
健康台
感情台
家庭台
潮流台
美容台
上班台
財經台
房屋台
飲食台
旅遊台
學術台
校園台
汽車台
音樂台
創意台
硬件台
電器台
攝影台
玩具台
寵物台
軟件台
活動台
電訊台
直播台
站務台
黑 洞