（青春/甜）有人走，有人前來

不因氣壓搖擺 2020-01-19 01:21:22

出咁慢嘅.... 我睇完有啲唔鍾意樓主，哈哈，因為我就係你冇俾機會阿其個種人，特別係當我睇到你話因為男朋友唔會答應阿其夠佢，雖然正常，但係睇到你話唔會係天使而係惡意，我就好撚嬲，ex都係你呢種人。不過我只係憎同掛住ex姐。

不因氣壓搖擺 2020-01-19 01:24:14

陪佢*

不因氣壓搖擺 2020-01-19 01:24:44

惡魔* sor 成日打錯字

真毒化妝師 2020-01-19 11:43:17

live咗

我不是地球人 2020-01-20 12:29:55

「Hello Kate。我係miko啊，你係唔係搵緊新room mate（笑喊）」

等緊佢回覆時，我按咗入佢張icon睇。

佢張相並沒有港女必備嘅超級美肌filter，係一張好簡單嘅自拍大頭照。有一把長到胸前霧綠色嘅頭髮，斜瀏海，配上一副金絲手工眼鏡，腦海𥚃即刻彈出「文青」呢個term。

諗返起，阿其曾經同我講過kate係修讀文學。
咁佢有呢一身打扮都係一件好合理嘅事。

就咁憑外表判斷，佢應該係一個幾斯文同賢淑嘅女仔來嘅。不過果然人不可以貌相。

過咗半日左右，佢回覆咗我。
「hello，係啊係啊。」
「你有無ig啊，不如我地交換啊。」
十足十網上交友咁。

「你讀design架？我都想minor design啊。」
我睇完佢ig版面同影嘅相，其實我覺得佢係有art sense嘅。
起碼就咁睇佢影嘅相我會感覺到佢想係拍攝當中帶點訊息俾人。

同埋有一樣幾令我上心嘅係佢成日去睇band show，令我不禁係到諗其實我地係唔係曾經相遇過。
因為我都成日去工廈 TTN睇show。

閒談咗幾句之後，我地就約好咗搵一晚上大家嘅房參觀下。更甚嘅係可以面對面傾下計，進一步了解下佢為人性格。

當晚，我企係佢門前等佢應門時，我已經隱弱地聞到一陣熟悉嘅氣味。但我唔確定。

係佢開門之際，一股刺鼻嘅氣味湧出來，我肯定我嘅推斷無錯，之前阿其講我地嘅臭味相投係指我地都係stoner。

呢一點令到我好驚訝亦令我心生興奮，估唔到會係呢個形式下認識到一個homie。

「嘩！！你有聽勁多indie band！仲要買哂佢地d album同poster！Wild nothing，catfish and bottlemen ，summersalt！全部我都勁鐘意！我地聽開嘅genre 超似，都係dream pop，shoegaze為主。」我難掩興奮咁對佢說。

唔知你地明唔明，喺呢個世界上，好多人會認為主流文化先係大眾認可，而熱愛小眾文化嘅一群人往往就會覺得自己係異類，覺得同呢個世界無法接軌。但諷刺嘅係我始終係人類，會渴望群體生活，要努力去fit in。

例如，一班人party時，到我播歌就要播大路k歌，記得有一次我播咗那我懂你意思時，全場嘅人都笑我，播喃嘸歌。

從此以後，我只能趁撘車，臨訓前帶起耳筒聽「喃嘸歌。」我好珍惜個幾首歌時間，喺嗰段時間我先意識到我係真係存在，我係做緊我自己。

好似扯得好遠，簡單啲講就係搵到一個知音人真係會好開心。

「係啊係啊，我地以後可以用喇叭一起聽歌。」
聽到呢句，我真係哭笑不得。

嗰晚傾咗啲咩我都無咩印象啦，只係記得我地坐係窗台兩邊，一枝一枝香煙咁燃點著，訴說我們的經歷和一些事嘅看法。

反正，我地嗰晚已經填好form，準備成為roommate。

嗰晚我真係好開心，好耐無同人隨心所欲咁傾計，仲要係一個陌生人，不過僅此一晚。

我不是地球人 2020-01-20 12:30:39

有文啦。
再帶實d頭盔啊，本故事純屬虛構。