（青春/甜）有人走，有人前來

推

推

題材好正 推！

仲有無架樓主？等左你好耐啦

等你呀樓主

想同各位講聲抱歉。
我真係分身不暇，處理唔到咁多事。
要讓大家久等了，只要你地仲肯睇，我就一定唔會棄故！！
都係嗰句，感激一直支持我嘅讀者，仲有西樓
去文

無諗過新一年我同阿其再次見面嘅地方會係醫院病房。

事源係因為我係泰國返來無耐，腳嘅傷口唔知係唔係掂到水上樂園嘅水而發炎引發併發症，仲要發高燒。

凝視著病房𥚃嘅全白天花，周圍都好寂靜，只係聽到機器一直運作嘅聲音。

但我嘅心都係得唔到一絲嘅平靜，臥係病床上，總係覺得好不安好寂莫，好想有一個人可以呵護照顧一下我。

我知道嗰個人係我嘅ex，果然去完一個旅行都係散唔到心，我仲係掛念緊佢。

呢一刻嘅不安感驅使咗我去一件事。

我本身唔係一個喜歡花太多時間經營自己社交媒體嘅人，其中一個原因係我覺得太麻煩，與其加好多濾鏡去修飾一張相，呈現好美好嘅生活俾其他人睇，倒不如用個心去感受紀錄嗰一個一瞬即逝嘅moment又或者學會接受生活中一d不完美有缺陷嘅地方，人亦如是。

第二個原因係我唔希望陌生人係透過社交媒體去了解我嘅為人，我會更加願意同人現實去交談分享想法同見解，咁樣先係真正認識一個人。

但我最後選擇影住我吊鹽水嘅一張相並且post咗係ig story上。
我渴望ex見到呢個story後，會關心我。那怕係一個幼稚嘅行為。

post完後，唔夠幾分鐘，我聽到通知聲就即刻拎起電話睇。現實總係同幻相背道而馳，chat room內關心我嘅人係阿其而唔係我ex。

message內寫住「喂，你做咩返咗香港又唔搵我，仲要入埋醫院？」

我難掩失望之情，好冷淡咁回覆佢。
「無事，腳發炎。」

佢即刻打俾我
「你住咩醫院，邊間房，我返hall攞日用品俾你。」係話筒嘅另一邊我聽得出佢嘅急焦。

「下 唔洗啦 咁遠 你無野做咩？」我唔想俾佢睇到我咁落魄嘅樣，亦都唔想再接受佢嘅好意。
呢個月發生嘅事根本就係一個錯誤，我係為咗向佢贖罪，再咁落去，我同佢之間嘅債永遠都唔會計得清。

「你唔好咁多廢話，總之我就係要見到你先安心。」佢既然咁堅持，我就只可以無奈地由得一件錯事繼續推進下去。

係我等緊阿其過來嘅時候，我收到我room mate嘅message。

「我知道你入咗醫院，你無事嘛？但我有啲事想同你講。」
「其實我覺得我地都唔係好夾，我apply咗調房，星期一就會走，呢幾日我會執走啲野。」
「仲有呢我可唔可以要張茶几啊。」

我睇完呢段message後，內心嘅心情其實好矛盾。好嬲又好唔開心。

嬲嘅係點解唔可以好地地坐低傾下大家有咩問題睇下有咩解決方法？點解連傾嘅機會都唔俾我就要即刻判我死刑？

呢一刻嘅經歷有少少似曾相識，三年前我同阿其講分手時我都係無俾機會佢，毫無預兆下就拋低咗佢。

現在調換咗角色，原來被告知者真係會好無奈，無論點樣垂死掙扎都改變唔到嗰結局。

推

推

樓主最近安好嘛

12.8

新讀者留名 好睇

幫推

12.8

lm 加油

細力一推

推

lm

追到live咗 好懷念既青春味道

係唔係無人睇我個故啦？
對唔住啊成日都唔出文

推！！

推！！

推！！

你一日唔棄故！
我都唔會棄！
知道呢排有更多更重要既野等住我地去做！
所以等耐啲都唔緊要

Lm

讀者揮手區