(青春/甜)有人走,有人前來
我不是地球人
597
回覆
117 Like
12 Dislike
第 1 頁
第 2 頁
第 3 頁
第 4 頁
第 5 頁
第 6 頁
第 7 頁
第 8 頁
第 9 頁
第 10 頁
第 11 頁
第 12 頁
第 13 頁
第 14 頁
第 15 頁
第 16 頁
第 17 頁
第 18 頁
第 19 頁
第 20 頁
第 21 頁
第 22 頁
第 23 頁
第 24 頁
任意依戀
2019-06-12 22:56:07
樓主有冇事
唔使出文
報平安pls
任意依戀
2019-06-13 23:45:27
樓主
夢中大師
2019-06-13 23:58:22
614 油油行動 正式啟動
大家一齊入黎發夢,幫手推同share出去
614 油油行動 正式啟動
https://lih.kg/1217162
- 分享自 LIHKG 討論區
小能維妮
2019-06-14 21:34:28
支持
任意依戀
2019-06-14 22:29:48
樓主
我不是地球人
2019-06-15 05:20:43
我安全。多謝哂你地嘅關心!
呢幾日發生咗太多事,如果遲啲有機會會同大家分享下我感受同經歷。
大家都要好好休息同時保持警覺,我地16/6再見。
故就唔會爛尾嘅,係settle好呢件事後就會更新。
六九方塊酥
2019-06-15 08:34:45
支持!
小能維妮
2019-06-15 10:12:50
支持
漂泊的荷蘭人
2019-06-15 15:08:34
加油
任意依戀
2019-06-15 22:08:35
無事就好
我不是地球人
2019-06-19 03:20:05
同阿其分開之後,我生活依舊平淡。
某程度上我會質疑自己究竟係唔係一個薄情嘅人,對於初戀我竟然用咗個幾月嘅時間就放低到佢。佢就好似從來無出現過係我生命入面咁樣。
係大約半年後,我都踏入咗人生一個新階段。
大學嘅生活果然係多姿多采,我會形容係全部人都浸咗入一個大染缸入面,而吸收到幾多染料就睇你自己個人造化。
件事嘅本質上就無分對錯嘅,睇你享唔享受呢啲生活。
有一日,我打完通宵牌準備訓到昏迷之際,電話突然響起。
我發著嘮騷好唔情願咁接咗電話,電話𥚃頭響起一把熟悉嘅聲音,但我個時實在太眼訓,未load到佢係邊個。
「喂,阿韻。有無阻住你?」
我嗰刻聽到有人咁稱呼我,就知佢係阿其。我即刻精神哂,因為我估唔到有咩原因會驅使佢半年後搵返我。
佢繼續講 「我老豆出咗事,你會唔會想去醫院睇下佢?」
我二話不說換衫出門,即使我身體有幾疲累都好,我都要去了解發生咩事。
去到醫院門口,阿其個樣十分之憔悴。
無諗過,我地再次見面,唔係係街角偶然撞到,而係相約於呢個充滿歡樂與悲傷兩極嘅地方。
沿路上病房嘅路程,阿其都係無出過聲,我未了解來龍去脈嘅時候亦都唔夠膽多言。
推開一道道大門後,映入我眼簾嘅係久違不見嘅世伯。但佢今次唔係面帶笑容咁企係門口迎接我,而係訓喺病床上等緊護士幫佢量血壓。
佢似乎仲未發現我同阿其入咗去。望見世伯,我頓時有一種心痛嘅感覺,以前我覺得佢好有福氣,有一個啤酒肚配上一個半秃嘅髮型;但現在,佢雙眼無神,啤酒肚都消失不見。
我忍唔住要向阿其問個究竟。原來,係同我分開無耐,世伯被確診患有胃癌第三期。
由於發現嘅時間比較遲,所以化療電療嘅效果都唔太顯著。帶來嘅副作用,就係體重激減,脫髮,食慾不振等。
我實在唔忍心再聽落去,我強忍淚水走去病床面前向世伯問好。我擠出一個笑容拍一拍佢嘅膞頭:「你幾好嗎?」我知道佢一定過得唔好,但除咗呢句,我嗰刻真係諗唔到任何開場白。
點知世伯握著我手,話佢幾好。仲怪阿其點解要帶我來,見到佢咁失禮嘅樣。
我連忙同佢講:「點會失禮啊,我呢半年好掛住你啊,仲諗緊幾時又過來痴餐煩住你!唔好怪阿其啊,係我想過來見你炸!」
我真係唔知再講咩安慰世伯,只係想陪多佢一陣。
旁人成日叫病人好好振作,要保持心境開朗,先可以戰勝病魔。
但我地又點體會到佢地打呢場仗時受咗幾多苦?
佢地好多時候唔想身為身邊嘅人嘅包伏,又要照顧我地感受,唔想其他人為佢地操心。
咁佢地可以依靠邊個?大概只能喺夜晚嘅時候偷偷地啜泣。
我呢一刻真係好想放聲痛哭,我好想指住個天鬧點解要一個咁和藹可親嘅人受苦,點解要阿其失去一個家。點解個天要咁唔公平。
以前,我係阿其屋企嘅一幕幕記憶突然係我腦海喚醒咗出來。
「夠唔夠飽啊?」「唔好俾我知你蝦佢啊!」「得閒再上來食飯啊。」
呢d說話總係聽極唔厭,但原來去到呢一刻,所有野都唔係必然。
「完咗探病時間啦。」護士用冷冰冰嘅語氣對住我地講。
我唔想係最後一次。
我再次握著世伯對手,同佢講「下次我再來見你嘅時候係接你出院架!」
我唔夠膽回頭,我希望會有下一次。
離開病房後,阿其向我道謝。問我可唔可以去佢屋企陪佢過一晚。
我不是地球人
2019-06-19 03:20:45
終於更新了。多謝大家默默咁等待。
我不是地球人
2019-06-19 03:21:26
推一下。
宅急便
2019-06-19 05:24:14
眼濕濕
毒自上高登
2019-06-19 09:44:59
我不是地球人
2019-06-19 13:18:39
佢突然提出呢個要求,令到我頓時唔知點應對好。
我心知呢半年來佢都無得依靠其他人,全部事都要獨自承受,一定會好大壓力。
作為一個曾經與佢相愛過嘅人,自覺有責任同佢分擔呢一切。
但另一方面,其實我現在有拍拖,我唔想令現任會誤會,都應該要避嫌,更何況我唔希望令阿其誤會我地會有復合嘅可能。
所以最後我都係拒絕咗佢,
「可能你夜晚會失眠,叫你唔好亂諗都無用架啦,試下聽下歌放鬆下,如果真係唔掂嘅話試下搵阿基佢地傾下陪下你。世伯嗰邊,有咩進展嘅話唔好驚尷尬啊記住第一時間話我知。我陪唔到你,唔好意思。」
佢聽完之後,都無話好失望咁樣。只係淡淡咁吐出一句話
「嗯,始終我都唔係你邊個嘅。老豆嗰邊你都唔好太擔心啦,我仲頂得住。」
估唔到去到呢一刻,佢都仲要係我面前扮堅強。不過,就算佢向我求助,我都唔會係拯救佢嘅天使,反而係將佢推落深淵嘅魔鬼。
嗰次係醫院係我最後一次見到阿其,雖則我斷斷續續都有去探世伯,但阿其應該係有心避開我,我無再同佢同時出現係病房入面。
不過好人真係有好報,世伯過咗一個月之後接受咗腫瘤切除手術,而手術都好成功,暫時無復發嘅跡象。但最後,我無向世伯兌現到承諾,佢出院時我無去接到佢,但最少我知道佢現在健康咁生活落去就夠。
我嘗試向阿基打聽阿其嘅近況,但得來嘅回應係佢地自從放榜後已經無聯絡,阿基有試下搞飯局但阿其都係無出席。
去到year3 sem 1 嘅sem break,正值12月嘅時間。
嗰時係我嘅人生低潮期,我又訓到唔知幾點,見肚餓,就咁帶頂帽踢住拖落街買飯。
行行下,我竟然見到前方有一張熟悉嘅面孔。我肯定嗰個係阿其,但佢旁邊拖住一個好成熟嘅女仔。
迎面行過來個時,嗰個女仔同我有眼神接觸,直程好似同我打緊招呼咁,相反,阿其眼尾都無望過我,好似唔識我咁。
我頓時係到諗,佢係唔認得我?定係仲好憎我,唔想同我相認?腦海中彈出咗無限個可能性。
呢一刻,我做咗一個好衝動嘅決定。
我打開i message,係對話框輸入咗一句
「新女朋友幾靚。」然後發出。
我不是地球人
2019-06-19 13:21:37
呢兩日暫時係咁多啦應該,因為我星期五要考試
考完之後又要去抗爭
下星期會更新得多啲!多謝支持。
我不是地球人
2019-06-19 13:22:32
推。
下..點解既
2019-06-19 13:22:36
新讀者
仲以為會係新男朋友度加甜
我不是地球人
2019-06-19 13:24:22
你好,新讀者
因為呢個故會分開幾個chapter嘅!
遲啲會有新男朋友嘅戲分。
下..點解既
2019-06-19 13:26:42
即係新男友有甜啦
你去溫書啦
我不是地球人
2019-06-19 13:30:23
呢幾日麻煩大家幫我推下post啦。
留多啲言!我全部都會睇架
不如我地重頭黎過
2019-06-19 14:51:02
女人真係好奇怪
明明就咁行過當唔識咪得 係要專登sd個msg搞咁多野
不過我明 因為我都試過
任意依戀
2019-06-19 20:53:55
樓主終於有文!!!
只買角大
2019-06-19 21:13:09
live 左 覺得有好多女仔都係好似女主角咁
男仔對個女仔太好反而會變得冇咁鐘意佢
第 1 頁
第 2 頁
第 3 頁
第 4 頁
第 5 頁
第 6 頁
第 7 頁
第 8 頁
第 9 頁
第 10 頁
第 11 頁
第 12 頁
第 13 頁
第 14 頁
第 15 頁
第 16 頁
第 17 頁
第 18 頁
第 19 頁
第 20 頁
第 21 頁
第 22 頁
第 23 頁
第 24 頁
吹水台
自選台
熱 門
最 新
手機台
時事台
政事台
World
體育台
娛樂台
動漫台
Apps台
遊戲台
影視台
講故台
健康台
感情台
家庭台
潮流台
美容台
上班台
財經台
房屋台
飲食台
旅遊台
學術台
校園台
汽車台
音樂台
創意台
硬件台
電器台
攝影台
玩具台
寵物台
軟件台
活動台
電訊台
直播台
站務台
黑 洞