（青春/甜）有人走，有人前來

加油 好正💪

留精

在

推！！

g持
樓主加油 一定有人睇落去

加油~

加油 好正

話咁快就到咗維園。其實今次係我第一次去年宵。

估唔到年宵嘅氣氛係咁好。拖住一家大細，伴侶或者同一大班朋友行嘅人都有。

叫賣聲，歡笑聲無處不在。
嘈到隔離嘅人講咩都聽唔清楚。

一入到門口，我就見到有冰糖士多啤梨賣。

我好興奮咁同阿其講。因為係屬於我同爸爸嘅回憶，記得以前佢帶我去嘉年華有食過。估唔到現在有機會重拾返被遺忘嘅味道。


我一路行一路食。
同時都有遞向阿其問佢食唔食。佢話唔鐘意食甜野。

可能我太專心食野嘅關係，無留意到周圍嘅環境，仲差啲撞到人添。阿其就順勢撘住我膞頭咁行。

經過濕檔個時，望到有好多桃花賣。
我就同阿其分享咗一件趣事。

「係有一年新年個時，我成班中學同學仔送咗一紮桃花俾我。話祝我遇到好桃花，點知我成紮花漏咗係車。到現在都未拍拖，佢地就笑我嗰時錯失咗良緣。」

阿其就答我
「如果現在俾你遇到桃花，你會唔會珍惜佢？唔將佢漏喺車？」

「是對的，終於會碰到。」我咁樣回應佢。

我唔知道佢點解會咁應我，可能係我開咗話題在先，佢唔識點接就拋返個波俾我。

「嘩，個麵包超人氣球好qq。但撘地鐵無得拎返屋企。」我表露出一副好想買嘅表情。

佢聽完二話不說就行咗個過去俾錢。我連忙阻止佢，「都話轉頭撘車唔俾拎！做咩仲曬錢買。」

「嘩行返屋企囉。咁近。頭先食咗你餐大餐，好飽，順便消化下囉。」

雖然我口講話佢曬錢，但我都有多謝佢送呢個氣球俾我。

行咗一轉後，我地都見有啲倦意，就準備行返屋企。

我拎住個氣球，跳跳下咁。因為真係好開心，叫做第一次感受咗節日嘅氣氛。

我地行到去一個公園仔個邊，阿其叫停咗我，話有野同我講。

唔好意思，成日都淩晨先有文。
推一推，多謝仲睇緊嘅大家。

Live

「林海韻，你係唔係好鐘意個麵包超人氣球？」佢問。

我話，
「係啊，因為麵包超人好偉大，其他人有困難個時佢會搣自己用麵包整嘅頭俾其他人。好鍾意呢套卡通。」

佢呆咗一呆咁講 ，
「咁我可唔可以做你專屬嘅麵包超人保護你，係你唔開心有困難嘅時陪喺你身邊。我想你做我女朋友啊。」

個一刻，時間好似靜止咗咁。

我從來都無諗過「人生贏家」會有同我表白嘅一刻。

感覺好唔真實。雖然我唔知道自己有咩值得令人鍾意嘅地方，但可能佢就係我嗰日漏咗喺車嘅桃花呢？

我抱著一試無妨嘅心態應承咗佢。更何況我對呢個男仔都有好感嘅。

個晚，我地就拖住手一起返屋企。但其實我手心係冒哂汗，緊張到無咩點出聲。

返到屋企後，我收到佢嘅message 「多謝你應承同我一起啊，我好開心。你沖完涼就早啲休息啦。早抖，傻妹。（心心樣）。」

冷靜諗一諗，雖然現在係情侶關係，但可能我無經驗嘅關係，同埋對大家唔算有好深嘅了解。

面對呢啲攻勢有種招架唔住嘅感覺，實在打唔出太肉麻嘅說話，可能一步步來由好好朋友嘅相處方式開始，我會自在同舒服啲。

「你都早啲訓啦，早抖。」

推。

加油呀！等緊出post

半個鐘後有文。

話咁快就過咗個新年假。

因為我去咗旅行，成個假期都無咩點見過阿其。

返到學校後，上緊堂嗰時偷偷地同阿其message緊。

點知俾阿晴佢地發現左，仲要大大聲咁讀啲內容出來。

「你去咗旅行，咁耐無見好掛住你啊。我地放學去食野好唔好？」

「好啊，食上海野？」

「嘩！！啲對話好閃啊！你同阿其一起咗啦？」阿晴超大聲咁喺我耳邊嗌。

「上次嗰個名校仔？俾我睇下，搞錯啊。出pool都唔同我地講。請食飯啦，你地幾時得閒？」其他朋友都開始熱烈咁討論。

我諗我食出pool飯都會請到破產。

諗返起，去緊旅行嗰時同阿基講我拍拖，佢都係一樣反應，仲話阿其個衰仔真係做到野。

其實我係到諗，我想低調啲穩定啲先公開。不過現在俾班朋友發現咗都無辦法。向好嘅方面諗，如果我同阿其有咩問題都可以問下佢地意見。

同佢一起已經過咗三個月嘅時間。

啲人話拍拖頭三個月都係熱戀期，會日日見，糖痴豆咁。見少一秒都唔得。

雖然我地都係日日見，但都係放學後食啲野就各自去練波，之後再一起食晚飯返屋企。週末嘅時候，就係出去睇戲行街。

其實，咁樣嘅生活都幾無聊。每日已經要返學，我唔想連假期都係做重覆一樣嘅野。

但你問我有咩地方想去我又諗唔到，因為我都唔知道阿其有啲咩興趣。

每次，都係佢問我意見，從來都唔會ban我。

我心底𥚃知道佢好遷就我，但我唔想再咁樣落去。如果係相愛嘅，應該係尊重大家嘅感受。段關係先會健康，如果唔係阿其都會有累嘅一日。

我決定搵機會同佢傾下我地之間嘅問題。

如果好睇 可以俾個正評我
有咩意見都可以留言，同我傾下計都好

出多D

我認得你，我會努力啦。
撘車個時都打緊文。

推一推。夜啲有文。

有一日，我地食完晚飯後，我就鼓起勇氣同佢講，

「阿其啊，其實你有啲咩興趣架？平時週末如果你有邊到想去，可以話我知架。唔洗一味遷就我。」

「我無咩特別興趣架，應該係話我都唔知自己興趣係咩。好似打籃球咁，都係初中個時，俾人拉咗入去打，一打就打到現在。好似變咗習慣咁。」

我仲消化緊佢講嘅野，佢就接住講，

「所以，我陪你做你想做嘅事，見到你開心我都會開心架啦。」

我眼框濕咗一濕，我俾唔到任何反應佢。因為我睇得出佢好愛我，我嘅感受淩駕咗佢嘅感受。聽完佢咁講，我俾咗一個擁抱佢。

經過呢件事後，我開始會對佢敞開心扉。同時我都想了解佢更多嘅事。

本身打咗今日出嘅文，點知電腦hang機，全部無哂。
可能要明天先有文，唔好意思。