(青春/甜)有人走,有人前來
我不是地球人
597
回覆
117 Like
12 Dislike
第 1 頁
第 2 頁
第 3 頁
第 4 頁
第 5 頁
第 6 頁
第 7 頁
第 8 頁
第 9 頁
第 10 頁
第 11 頁
第 12 頁
第 13 頁
第 14 頁
第 15 頁
第 16 頁
第 17 頁
第 18 頁
第 19 頁
第 20 頁
第 21 頁
第 22 頁
第 23 頁
第 24 頁
我不是地球人
2019-05-26 01:01:50
夜啲會唔會有人睇?
我京一講過
2019-05-26 01:32:45
會-
我不是地球人
2019-05-26 03:18:07
其實諗深一層,今次都係一個好機會去審視我地之間嘅關係。
之前未拍過拖嘅我並唔知道原來兩個人之間嘅相處之道係比想像中艱深咁多。
要照顧自己感受之餘又唔可以怱略另一半嘅想法,有時會係到諗如果做人自私一啲,我會唔會生活得開心啲呢?
有一日,我問阿其,「過兩日我地去長洲玩兩日,好唔好?」
佢諗都無諗就一口答應咗。
除咗暑假諗住去一個短途嘅郊遊放鬆一下之餘,更多嘅係想幫阿其慶祝生日。
我零用錢唔多,平時食飯撘車都用到所剩無幾,打算親手畫張生日卡同織一條mk手繩俾佢。
前一晚,趕緊工個時,見到出面仲落緊大雨,好擔心會去唔成個旅行。
阿其仲message我話如果聽日真係唔好天就叫我訓遲啲,起身之後再諗去邊。我對住窗邊祈禱希望呢兩日會好天。
果然皇天不負有心人,第二朝真係雨過天晴,臨出門口前仲check多次有無拎佢到份禮物。
一上到船後,我好快就恰著咗。
落到船搵緊地方落腳個時佢問我做咩咁攰咁。
我答佢打機打夜咗。
但其實我係整佢份禮物整天光,不過無計啦要俾驚喜佢嘛,唯有講住大話先。
行過東提小築時問咗老闆價錢,發現房租係出奇地平,係我諗住俾錢之際,
阿其突然好凝重咁拉埋我去角落到講,
「你知唔知點解房租咁平,因為呢間旅館成日有人自殺,好猛鬼架,你唔驚咩?」阿其仲要做咗啲好恐怖嘅表情。
我故作鎮定咁答 「唔驚唔驚,你係到嘛,夠陽氣嘅,哈哈!俾錢啦。」其實我又唔係唔信啲鬼怪野,只係師奶仔心態,貪平。我諗無咁邪會撞野嘅。
settle好啲野,大家都見肚餓就出去搵野食。
行過大街,見到有好多遊客都拎住大魚蛋,超長薯片,我又嘈住話要食。
我一手拎住串魚蛋,一手拎住枝飲品,食到好狼狽。
阿其就遞紙巾俾我又幫我抺嘴,令我諗返起第一次見佢嘅場境。
原來時間過得咁快,咁就已經半年。
填飽咗個肚之後,我地就去咗沙灘到散步。
正值黃昏嘅時候,個鹹蛋黃慢慢係地平線上消失。光線折射去海面,個海閃令令咁,波光粼粼。
加上聽住海浪聲,坐係海灘上,挨住阿其嘅膞頭,有一種形容唔到嘅安全感。
如果可以,我好想靜止呢一刻。
我不是地球人
2019-05-26 03:19:57
今晚係咁多先,明天全日打文日。
份量應該會多啲!
我又睇極唔撚明
2019-05-26 03:51:45
等聽日嘅文 加油
賴師傅
2019-05-26 04:05:28
推
夏至秋天
2019-05-26 04:12:30
lm
.我夢見你夢見我
2019-05-26 08:14:14
唔好學羊格爛尾
我不是地球人
2019-05-26 16:50:10
坐坐下都已經天黑啦,阿其就話現在食完啲小食都飽飽地,不如去超級市場買啲零食同酒返去,睇下電視算。
我就係到盤算緊,返到去要點樣俾驚喜佢好呢。
趁佢去咗廁所個時,我極速咁熄哂間房嘅燈攞住兩份禮物扒咗係床諗住扮訓覺。
果然不出我所料,佢上咗床輕撫我嘅頭髮,細細聲咁係我耳邊問係唔係訓咗。
我突然睜開眼,拎起張生日卡同手繩大聲咁話 ,
「廢話魚!生日快樂哈哈。」
廢話魚呢個名係我一開始識佢個時幫佢改,因為佢成日都好多廢話又無記性。
但其實拍耐咗拖,發現佢係選擇性記憶。起碼我嘅事佢都會好上心。
我唔知佢係俾我嚇親定點,佢成個人好似定咗格咁。我拍一拍佢問你無事啊嘛?
佢轉個神答我 ,
「我係好感動,估唔到你會為我準備咁多野。好鐘意張生日卡,我過幾日要去ikea買個相框鑲起佢。仲有條手繩,我沖涼都唔會除架!」
講返張生日卡先,因為佢好鐘意slam dunk呢套漫畫。
個封面就係櫻木花道捧住個生日蛋糕。畫咗我好耐。不過見到阿其咁開心,就會覺得一切嘅努力都係值得。
我就話,
「喂喂,誇張咗啲喎。蛋糕就無啦,但俾你許願啦,睇下我幫唔幫到你實現啦。」
佢攬住我話 「希望你每日都開開心心,我永遠都可以係你身邊分享你嘅喜悅。」
我地對望咗幾秒,佢越湊越近,最後錫咗落黎。呢半年間,我地都有接吻,但只係蜻蜓點水。無進一步。
我不是地球人
2019-05-26 16:51:12
今晚仲有。
沉默的蛋糕_
2019-05-27 02:59:33
喂?
我不是地球人
2019-05-27 03:04:36
現在出!
我不是地球人
2019-05-27 03:07:12
擾攘咗一大輪後,大家梳洗完。
就一起攤係床到食零食飲酒。
其實今次係我第一次飲酒,因為我一直都覺得酒好苦。後來,我先知道點解啲人咁沉迷喺酒精世界,原因都係可以逃避要承擔嘅責任同煩惱。
咁都係循例玩下啲酒game,
「十五,收哂。」「one two吱喳,boom ba。」「喂,你好渣喎,唔好呃酒飲先得架。」阿其捏住我塊面咁講。
我嗰時已經醉意漸濃,個身體都慶慶地好似俾火燒緊咁。開始語無倫次咁答佢,「咁我之前無飲過嘛,你咁叻你幫我頂啦⋯⋯」佢一手搶走我手中嘅啤酒罐,一口氣就灌哂佢。
「嘩,你成日飲架,咁勁嘅。」
其實之後嘅內容我都唔係好記得佢講咩,大概就同我分享佢屋企嘅事。
之前一開始識佢嗰時就,見到佢晚飯好豐富,就先入為主以為佢有一個幸福美滿嘅家庭。
但原來事實係,佢喺一個單親家庭下長大。
佢媽媽好早跟其他男人走咗,得返爸爸自己一個打工養大佢同家姐。
家姐係個啲mk妹,成日闖禍。
原來每餐晚飯都係阿其煮咁濟,點解成日煮多咗係驚家姐萬一返屋企會唔夠食。但呢啲情況一次都無試過。
以上都係我依稀嘅印象,後來我都抱頭入睡。
阿其拍一拍醒我,我揉一揉眼望向窗邊原來已經天光。但阿其已經換咗出街衫,我滿頭疑惑咁問「你唔係啱啱起身咩,做咩換哂衫嘅。」
佢指一指枱面個到,原來佢出咗去買早餐俾我。有我最鐘意食嘅豉油皇炒麵同齋腸粉多醬。
食完早餐後,搞埋退房嘅野我地就出發去碼頭撘船返市區。
「其實我唔係特登咁早起身架,係因為我訓唔著。一方面同完你講屋企啲事後,思緒有啲亂,另一方面係個到真係好猛鬼!走廊成日會傳來啲腳步聲,啲門又會郁郁下咁。」
聽完之後我就大笑咗幾下,笑佢牛高馬大咁細膽都有嘅。不過好彩我琴晚醉酒,如果唔係可能我會嚇到喊。
行去碼頭途中,原來大路個到都會見到海,仲泊咗好多漁船係到。佢主動叫路人幫我地合照,張相入面嘅我地都笑得好燦爛。
「多謝你同我玩咗兩日啊,仲要幫我慶祝生日。我地遲啲考完dse要去一個遠啲長途嘅旅行。」嗰時嘅我地又點會估到,呢個長洲之旅就係我地第一次亦係唯一一次嘅旅行。
沉默的蛋糕_
2019-05-27 03:10:17
我不是地球人
2019-05-27 03:13:05
夜啲應該會出到一篇!
同大家報告一下進度先,呢個chapter大概去到50%,劇情開始白熱化。
我諗無咩人會估到劇情會係咁發展。
都係個句,好多謝睇到呢到嘅大家。新讀者都可以留言
沉默的蛋糕_
2019-05-27 03:13:19
有人走 ,呢個人係咪阿其??
人來人往
我不是地球人
2019-05-27 03:14:11
呢個故,寫嘅唔只一個人物。
之後仲會有幾個chapter。
任意依戀
2019-05-27 05:47:01
樓主咁夜仲出文
我不是地球人
2019-05-27 06:51:50
好耐無見你留言!
因為我未訓,同應承咗今日會多啲文嘛
任意依戀
2019-05-27 18:24:58
因為我唔係成日上連登
繼續支持你個故
多啦A夢遊仙境
2019-05-27 18:41:26
有故未
我不是地球人
2019-05-27 18:44:50
今晚要夜啲先有!
酸辣走辣
2019-05-27 19:23:45
Pishhh樓豬一定好靚女
我不是地球人
2019-05-28 02:37:13
應該明天先有文,sor9!!
氏名無
2019-05-28 12:16:54
輕輕一推
第 1 頁
第 2 頁
第 3 頁
第 4 頁
第 5 頁
第 6 頁
第 7 頁
第 8 頁
第 9 頁
第 10 頁
第 11 頁
第 12 頁
第 13 頁
第 14 頁
第 15 頁
第 16 頁
第 17 頁
第 18 頁
第 19 頁
第 20 頁
第 21 頁
第 22 頁
第 23 頁
第 24 頁
吹水台
自選台
熱 門
最 新
手機台
時事台
政事台
World
體育台
娛樂台
動漫台
Apps台
遊戲台
影視台
講故台
健康台
感情台
家庭台
潮流台
美容台
上班台
財經台
房屋台
飲食台
旅遊台
學術台
校園台
汽車台
音樂台
創意台
硬件台
電器台
攝影台
玩具台
寵物台
軟件台
活動台
電訊台
直播台
站務台
黑 洞