(青春/甜)有人走,有人前來
我不是地球人
597
回覆
117 Like
12 Dislike
第 1 頁
第 2 頁
第 3 頁
第 4 頁
第 5 頁
第 6 頁
第 7 頁
第 8 頁
第 9 頁
第 10 頁
第 11 頁
第 12 頁
第 13 頁
第 14 頁
第 15 頁
第 16 頁
第 17 頁
第 18 頁
第 19 頁
第 20 頁
第 21 頁
第 22 頁
第 23 頁
第 24 頁
任意依戀
2019-05-20 01:29:25
會呀
三温暖
2019-05-20 10:26:56
G持
三温暖
2019-05-20 12:54:22
岩睇完你出左既部份,都幾吸引節奏又唔會太快,雖然好期待甜個部份
任意依戀
2019-05-20 18:29:27
推
我不是地球人
2019-05-21 01:53:32
sorry 遲咗出文,呢幾日有啲忙。
我不是地球人
2019-05-21 01:58:22
有一晚。
死啦,點解我對住份chem notes會一粒字都睇唔明架,後日就要考啦。啲朋友又無覆我,神啊,有無人可以幫下我啊。
係呢個時候,我諗到阿其。我記得佢都好似讀chem架。
「阿其啊?」我whatsapp咗佢。
「好少可喎,你主動搵我。有咩幫到你?」佢秒回。
「無記錯,你應該係讀chem?我後日有考試啊,你可唔可以教我啊?thanks (喊樣)」
「得!但你諗住點報答我先?明天下午係樓下自修室等啦。」
「無問題!感激」
佢藍剔咗我,成晚都無搵我。我不以為意。
之後個一日,我早咗五分鐘落到自修室,點知佢已經到咗。
我行埋去拍一拍佢膞頭,「等咗好耐?」
「唔係啊,來咗一陣姐。」
「多謝你今日來啊,我對住份chem notes真係r哂頭,我連organic compound 啲naming都唔識啊。咩methane啊⋯⋯」
「俾你啦,我心血結晶黎。」佢遞咗份notes俾我。
我接過,睇咗幾頁後,呆咗咁望住佢。
我不是地球人
2019-05-21 02:01:23
因為份notes寫得好詳細,啲重點用哂唔同顏色嘅瑩光筆high light哂。仲要畫埋圖。佢手字仲要好靚,好易睇。
「做咩啊,你睇唔明我寫咩?我解釋俾你聽啦。」
「唔,唔係啊⋯⋯係你整得好仔細,每個地方都解釋得好詳細,我終於知點解你做到學霸啦,原來學霸要寫notes架!」
「我平時就咁睇書架,呢份係你琴日打完俾我要我幫你補習,我通宵整架。」
「吓,唔係掛⋯⋯」
其實我係開心到唔識俾反應,因為我估唔到佢琴日成晚無搵我,唔係同其他女仔傾計或者去咗打機,而係為咗我。
但可能佢誤解咗我語氣,以為我嫌棄啦。
「唔係單純為咗你嘅,我遲啲會都要考試咪當溫書囉,同埋都唔係免費架。你話請我食飯!」佢解釋。
「多謝你啊。你諗下食咩啦。」我真心咁答。
個日下午,我應該變咗問題少女。起碼問咗三十條問題。
但佢都好耐性咁答我。
平時係學校我都唔夠膽問老師,問一條兩條問題都無咩問題嘅。
問多啲,佢地就會燥底,俾說話自己聽,你咁都唔識架?有無聽書架?
慢慢我上堂都無咩心機,諗住放學返到屋企自己咪書,咪到識為止。
但可能有時自己諗得太複雜,鑽牛角尖咗。
每次考試嘅成績都係差幾分先合格咁。我諗我都係入唔到大學架啦。
但阿其係會一步步解釋俾我聽,
「呢個位你明唔明?」
「嗯。」
「你唔明出聲喎,唔洗係我面前扮識架。」
「一係你解釋一次俾我聽,睇下你理解到幾多。」
咁樣就地獄式補習咗一個下午。
臨訓前,我仲睇緊佢份notes。
揭到最尾一頁,發現佢寫咗「加油!」兩隻字俾我。
我個心暗爽咗一下。呢個留言為我打咗枝強心針。
我不是地球人
2019-05-21 02:04:36
到咗考試個日。
雖然唔係話識哂。
但起碼睇得明啲題目先,有部分題型甚至見過,因為阿其琴日俾咗啲題目我做。
個日佢過咗黎接我放學,問我考成點。
我草草咁答佢,ok啦。
因為我唔想俾期望佢,我驚會令佢失望。
同埋我對自己都無信心。溫咗一日,我諗合格已經好好。
過幾日,終於派卷啦。
「林海韻,你緊唔緊張啊。Mr.Yeung之前話你再係無咩進步嘅話,就要建議你drop chem喎。」
我好朋友阿晴一面膽心咁問我。
「唉,唔知啊。希望今次合格啦。」
我扮鎮定咁答佢,明明驚到出哂手汗。
據說,Mr.Yeung係跟成績派卷。成績好就派先,成績差就最後先派,兼且俾佢鬧幾句。
「點解派到最後都未到我架,我唔係差到要墊全班底掛⋯⋯」我好焦急咁問阿睛。
「無事嘅,無事嘅。」佢拍一拍我膞頭。
「林海韻。」Mr.Yeung大叫我個名。
我知道係時後行刑了,我慢慢咁行去老師台,接過份卷。但緊閉雙眼,因為我唔夠膽面對現實。
「你做咩唔開眼睇?你今次進步咗好多,要keep住啊。」
「啊!!!唔係掛」我難掩我嘅興奮嗌咗出聲。
因為40分嘅卷我竟然有35分!
我即刻對下名,睇下份卷係唔係我。
睇返份卷,個日阿其教我嘅重點題目,我都答啱哂。
個5分係扣咗喺啲careless mistakes到。
我諗我現在應該仲開心過中六合彩。
我已經等唔切放學後見阿其同佢分享佢都有份嘅成果啦。
個日,佢要練波。我係球場等咗佢一個鐘。
到佢換好衫,出到來,我衝向佢前面攬住咗佢。
「你睇下!多謝你啊!我唔只合格仲要有35分,如果唔係你又整notes又幫我補咗一日習,我唔會有咁好嘅成績架。」我好似無試過一口氣咁同佢講到咁大段野。
「傻妹,你自己都有努力架嘛。我都係幫你少少姐。點啊,諗住請我食咩幫答我啊。」
「你話事啦。食咩都得啊。哈哈」
「下星期就有得行年宵,不如搵日一起行。順便食埋你餐飯啦。」
今日營業中
2019-05-21 02:45:32
睇緊
我不是地球人
2019-05-21 02:47:31
新讀者?!
多謝支持
我又睇極唔撚明
2019-05-21 03:30:41
Live咗 加油!
我不是地球人
2019-05-21 14:06:13
推!!
今晚應該會到戲肉位!
我不是地球人
2019-05-21 17:43:33
約會前一晚,大家whatsapp傾聽日邊到等同時間。
「明天7點去你屋企門口接你啦。」
「好啊。」
我好似好冷淡咁回應佢,實際上我係苦惱緊著咩衫好。
就咁著衛衣加牛仔褲又好似太頹,著連身裙又太隆重。
我真係無咩同男仔約會嘅經驗,唯有問下軍師們嘅意見啦。
我最close班女仔friend有個whatsapp group嘅。
「我呢,明天要同阿其去食飯同行年宵啊。著咩衫好啊?(喊樣)」
淩晨一點先send,我諗佢地都訓咗架啦。
過咗幾分鐘,阿晴竟然覆咗我!原來佢未訓。
「起碼著條短裙仔啦。(奸笑樣)」
「下,明天最低都成13凍喎,會凍死。」
「你真係唔識架喎。首先,女人係唔怕凍架。再者,凍嘅話咪著條黑絲囉。你又瘦又高一定carry到!同埋,你凍嘅話咪可以俾機會佢借件衫你著囉。」
我諗諗下阿晴講得幾有道理,就信佢一次啦。
我即刻係衣櫃摷咗幾件衫出來。
最後,上身係一件酒紅色嘅冷衫,下身係一件黑色嘅A字裙加一對透透地嘅黑絲同埋低筒嘅dr.ma。
我對住全身鏡自拍咗一張相send咗俾阿晴。
「咁著會唔會好怪啊?(笑喊)」
「唔會啊!掂啦!」
我不是地球人
2019-05-21 17:44:04
推!!
清水灣車霸
2019-05-21 18:49:34
Lau ming
一起不是菜單
2019-05-21 19:36:25
留名 開頭幾吸引
東九龍新垣結衣
2019-05-21 21:29:12
任意依戀
2019-05-21 21:38:40
推
我係暖男
2019-05-21 23:44:36
留名!推!好似幾好睇,希望唔好爛尾
我不是地球人
2019-05-22 01:48:04
到約會個一日。起身梳洗,換咗衫之後,紮咗一個丸子頭。好似可愛啲咁。
對住塊鏡同自己講,唔好緊張,食餐飯姐。你得嘅!
「叮噹。」應該係阿其來搵我。
一開門,見到佢著咗一件白色恤衫同黑色褲出面加咗一件韓仔大褸。好似同平時校服look無咩分別。
唯一唔同嘅係,佢無gel到allback頭,梳返啲瀏海落來。我覺得佢今日仲靚仔咗。
「嘩,你今日著得咁靚嘅!」佢撘住我膞頭咁講。
「唔係特登打扮啦,平時好少放假見你姐。哈哈。」
女人真係口不對心,明明琴晚襯衫襯到夜一夜都唔願訓。
「係喎,你諗住食咩?」
「帶你去咪知。」
點知佢帶咗我去新光戲院對面間蕯利亞。
「下,我以為你會鋸我一頸血添,起碼去食半島自助餐架喎。」
「搞錯啊,你諗到我咁衰。食薩利亞唔好咩?又平又抵食。叫到成枱都係野食,都幾開心。」
我真係低估咗佢食量,佢自己一個人食咗一個pizza,一個墨魚汁意粉,仲有一個洋蔥漢堡扒。
臨走仲話要食埋甜品。
「你食得飽唔飽?唔夠可以再叫。如果唔係你,我無可能會考得咁好。可以當放題咁嗌架。哈哈。」唔知點解睇住佢食野個滿足樣,會有種幸福嘅感覺。
「我夠啦。你呢?食咁少嘅。唔怪得知你咁瘦。」其實我係扮緊細食,因為今日條裙有d窄,食得太多驚個肚腩會走出黎。
食完晚飯後,我地就撘電車去維園行年宵。
其實冬天撘電車好舒服,尤其是坐舊式無冷氣嘅電車。
坐喺上層雙人位,開少少窗會有陣陣嘅涼風吹過。
可能飯氣攻心嘅關係,我倚靠咗係窗邊訓著咗。
曚矓之間,我感覺到阿其輕輕扶住我個頭令我可以挨係佢膞頭上面。
我第一次同男仔咁近距離,近到可以聞到佢身上嘅氣味。
原來阿其今日噴咗香水,係淡淡嘅花香味。我最後都係決定扮訓,驚醒咗會好尷尬。
佢搣一搣我塊面,「到啦。」
我緩緩咁睜開眼,「sorry啊,訓到挨咗落你到。」
佢無回應,只係笑咗一笑。
我不是地球人
2019-05-22 01:48:50
推,明天繼續。
多啦A夢遊仙境
2019-05-22 02:05:19
Lm
酸辣走辣
2019-05-22 03:58:46
真人真事?
我不是地球人
2019-05-22 04:11:02
係唔係真人真事想完咗一個chapter嘅後記先講!
呢個故會有5-6個chapter
希望大家多多支持,睇緊嘅人可以留言話我知。
我會好開心架
第 1 頁
第 2 頁
第 3 頁
第 4 頁
第 5 頁
第 6 頁
第 7 頁
第 8 頁
第 9 頁
第 10 頁
第 11 頁
第 12 頁
第 13 頁
第 14 頁
第 15 頁
第 16 頁
第 17 頁
第 18 頁
第 19 頁
第 20 頁
第 21 頁
第 22 頁
第 23 頁
第 24 頁
吹水台
自選台
熱 門
最 新
手機台
時事台
政事台
World
體育台
娛樂台
動漫台
Apps台
遊戲台
影視台
講故台
健康台
感情台
家庭台
潮流台
美容台
上班台
財經台
房屋台
飲食台
旅遊台
學術台
校園台
汽車台
音樂台
創意台
硬件台
電器台
攝影台
玩具台
寵物台
軟件台
活動台
電訊台
直播台
站務台
黑 洞