我不是地球人
2020-01-04 21:36:07
「你來咗啦?」
「你搞咩入咗醫院啊?我喺hall拎咗你部電腦過來同執咗幾件我嘅衫俾你。」他輕撫住我個頭。
「無啊,去泰國玩到對腳發炎。」
佢無出聲,只係凝視住我。我有意無意咁迴避佢嘅眼神。
點解會有呢種陌生感嘅,我地只係兩個星期無見。不過諗諗下,我呢一年開頭都已經發生咗幾件唔開心嘅事情。
我終於開口,打破目前嘅僵局。
「喂,講樣野俾你知啊。我room mate要調房啊。」我一臉無奈咁道出呢件事。
「哦,都好啊。本身覺得佢個人已經怪怪地,現在佢調走咗,我去搵你都方便啲,唔洗驚佢會話俾我女朋友知。」
我覺得有少少突兀,點解我地會搞到偷情咁。
「真係佢奇怪咩,我覺得我都有做得唔好嘅地方嘅。我諗我地係缺乏咗溝通,本身傾下就可以小事化無,化解矛盾。room mate呢d關係都係你遷就下我 我遷就下就幾年啦。
唉,我都唔知啊,有啲可惜囉。出院後又要煩惱搵新room mate,我唔想pair到nds啊⋯⋯」
我無間斷一口氣咁對住阿其吐苦水,佢只係苦笑幾聲繼續輕撫我嗰頭安慰我。
「講緊搵room mate呢,你記唔記得女仔『k』啊。」老實說,我真係無咩印象。佢呢幾年身邊嘅女仔多到數至不盡。
「我唔記得啦,不過你繼續講啊。」
「佢係我hallmate來嘅,成日同我一起玩嘅,咁啱我room mate又好似話調房,不如你pair佢啦,覺得你地啲興趣都幾相似,可以話係臭味相投啊!」
我不加思索就跟阿其攞咗『k』小姐嘅contact。
我心想,雖然完全唔認識佢性格,甚至無見過面。不過起碼唔洗pair到nds都已經好好了。
我再同阿其閒聊多幾句後,探病時段也隨即結束。
我送咗阿其走之後,就拿起電話準備和『k』小姐問好。
無諗過我和『k』小姐呢場看似偶遇但其實是阿其係當中扯紅線嘅相遇,會將我同阿其放置於萬劫不復的狀態後。