我不是地球人
2019-07-31 15:48:34
相信好多女仔聽到有人對自己講呢一番說話,都會有心動嘅感覺。
畢竟,你以為自己成為了其他人的世界中心。
終究,承諾始終是承諾,要兌現的,而不是一張空頭支票。
我無回應或者答應佢嘅要求,與其係我唔識回應,倒不如係我認為細心聆聽佢內心嘅聲音,係我能力範圍內仲可以為佢做嘅事。
「無錯,我呢幾日係印證咗你同我分手嗰時講嘅一番說話。呢個世界真係好大,大學各式各樣嘅活動都有,有好多機會去接觸唔同類型嘅人,當然包括女在內。
雖然咁講好自大,但我真係咩類型嘅女都食過,大波嘅,長腿嘅。
根本溝女就唔係講專一,甚至唔係講外表,靠把口講下d甜言蜜語,唔洗負責任嘅說話已經大把女埋身。」
佢接著講
「唔講女仔方面,講我平時社交圈子。我玩好多個soc,識好多人咁。
但其實全部都係hi bye friend,我都分唔清楚係唔係我唔肯交個心出來定係其他原因。
無論我識幾多人都好,我內心都係寂莫,好似有一怱仔空咗出來咁。
大部分我識嘅人都係玩樂性質,酒肉朋友。無人會真正了解我內心,陪我解憂,分享喜悅。
所謂另一半俾我嘅感覺都係一樣,佢地只係床上嘅玩伴,頂多無野做的時候,可以有人俾我攝下時間。你問我呢一刻開唔開心,我係唔開心架。」
聽完阿其呢番內心深處嘅聲音後,我頓覺其實佢由始至終都無變過,佢都係一個好缺安全感嘅人,好想有人被愛,用心了解佢陪伴佢。
只係因為我帶俾佢嘅衝擊令佢價值觀扭曲咗。以為不斷食女就可以填補內心缺少咗嘅一塊。
我嗰一刻會咁樣猯測佢嘅意思。我問咗佢一句
「你想唔想改變?」
佢即刻回答咗一句:「想。」
就憑佢呢個答案,我唔再係以被逼贖罪嘅心態反而係用真心了解,陪伴佢。
講完後,我俾咗一個擁抱佢。因為係呢幾年來意義最深遠嘅擁抱,可以帶俾人溫暖窩心嘅感覺。希望佢會有相同感受。