你哋會唔會驚自己嘅人生就咁玩完？

以前都唔會， 但隨著成長見識多咗就發覺呢個世界都幾危險， 睇過幾次斬頭片， 覺得好恐怖， 原來人係咁脆弱， 畀人斬一斬就真係乜都冇， 或者出現意外，地震， 或者有槍擊案，生cancer等等， 咁樣搞一搞， 冇咗條命， 人生咁耐以嚟咁辛苦累積出嚟嘅嘢都一次過化為烏有

唔知你哋會唔會咁諗，但我相信以上嘅事喺呢個世界每分每秒都發生緊， 只不過係我哋唔知或者同我哋冇好彩， 呢一刻可以咁安逸咁喺度睇手機其實都覺得自己好幸福

有時真係覺得好迷惘， 到底咁努力係為乜， 人生話唔定聽日就會完結， 冇人可以知道下一秒會發生咩事， 每個地方都一定有人壓力好大， 大到精神失常控制唔到自己，可能一出街就有個痴線佬揸住把刀周圍劈人

你哋嘅睇法係點， 你哋係點樣預防或者係面對呢啲諗法， 可唔可以分享下

btw如果你係叫人活在當下就唔使回應， 咁樣就好似嗰啲搵到錢就fing嘅心態， 唔需要為未來諗咁多，得過且過

是福不是禍
是禍逃不過

死就唔驚，驚死唔去，留番半條人命姐

唔驚，可以嘅話唔該快啲玩完
最怕係唔可以痛快咁死
我唔想俾人綁係張床到瀨屎瀨尿等人幫我換片

由畢業開始番工嗰一日
人生已經玩完

會
近排有朋友自殺
有同事突然過身
自己都遇過健康問題

e排都有諗做人咁努力為乜

咁到啲危機真係殺到埋身你就喺度等死？

雖然預知唔到但係係咪應該都要居安思危？

人命呢啲嘢真係好脆弱， 上一秒同你開心傾緊計嘅下一秒可能就已經唔喺度

及時行樂

你哋真係好， 諗法可以咁樂觀， 我都想咁但係總係會擔心呢樣嗰樣

你都幾矛盾，呢頭話人命好脆弱，今日唔知聽日事，果頭就話唔應該活在當下。
定係你根本搞唔清咩係活在當下，咩係享樂主義?

Btw突然就死果時你覺得仲會念住自己經歷咁多，學左咁多好浪費? E樣野根本唔關係唔係突然死事，如果講到明你70歲就會死，你覺得e幾十年學既野，經歷既野你全部都會用得著咩? 咁係咪都係好浪費?

成日都會好似巴打你咁諗 尤其住喺天水圍 咁多人都唔係白卡就吸毒定唔知巴基有時收工夜少少番都驚無啦啦比人攞刀砍之類

十年後你就會慣

樓主無啦啦擔心埋d咁既野，睇睇心理醫生好喎

，唔一定個個都會擔心，但我擔心點解要睇心理醫生？呢啲嘢又唔係天馬行空，係的而且確發生緊

btw多謝你建議

有工番未完

失業就完

係，唯有安慰自己
世界其實好需要你，唔可以死住

感受到生命無常才會懂得珍惜

一個唔算係有家底既人
有份工, 生存到已經要慶幸
你想成家立室, 有車有樓? sorry無老豆無母幫助係現今社會真係好難
即係你無父幹母幹人生就係咁