[先睇第一頁懶人包後發問]絲打係邊到買Bra? (11)

開新post

先睇完懶人包再發問，目錄：
#1 舊post link
#2 自己尺碼自己量：標準量度胸圍方法、亞洲Bra Size換算
#3 係香港買到咩Bra：大cup、65圍牌子、淘寶平價bra 推介
#4 每個女人都要著Bra，唔通每個女人都識著Bra：著Bra方法、調較肩帶
#5 著bra常見問題集：背帶、分辨鋼圈大小、雞心、假滿杯、著太低
#6 重新認識胸型：破解下垂、外擴，副乳迷思
#7 運動內衣(Sports Bra)/無肩帶內衣(Strapless Bra)/睡眠內衣(Sleeping Bra)/泳衣(一件頭、Bikini)
#8 日常美胸按摩/運動
#9 附錄：求建議/推薦前必讀

孖辮妹絲打開嘅第一個post
(絲入)絲打係邊到買bra？
http://lihkg.com/thread/190339/page/40?ref=ios

(絲入)絲打係邊到買bra？(2)
http://lihkg.com/thread/210906/page/1?ref=ios

(絲入)絲打係邊到買bra？(3) 乜都講
http://lihkg.com/thread/210906/page/1?ref=ios

(絲入)絲打係邊到買bra？(4)
http://lihkg.com/thread/292208/page/1?ref=ios

(絲入)絲打係邊到買bra？(5)
https://lihkg.com/thread/323158?ref=ios

[先睇第一頁後發問]絲打係邊度買bra?#6
https://lihkg.com/thread/369532/page/1?ref=ios

[第一頁有懶人包］絲打係邊到買bra? (7)
https://lihkg.com/thread/508962/page/1?ref=ios

[第一頁有懶人包］絲打係邊到買bra? (8)
https://lih.kg/641983

[先睇第一頁懶人包]絲打係邊到買Bra? (9)
https://lih.kg/758698

[先睇第一頁懶人包]絲打係邊到買Bra? (10)
https://lih.kg/1024417

由兔兔絲打同眾絲打提供

[u]自己尺碼自己量：標準量度胸圍方法、亞洲Bra Size換算

！著啱Bra有助塑造靚胸同升cup！

尺碼係縮窄你試bra既範圍，每個牌子的杯型都有唔同，應該每次試bra都要拎幾個碼入去試清楚

量度上下胸圍數據
大家唔好再靠sales量胸，如果sales靠得住，呢個post唔會開到(11)

上胸圍：裸胸向前烏低45度和90度，圍繞一圈，不用壓到乳頭，取得兩個數據
下胸圍：企直稍微拉緊和呼氣，取得兩個數據


亞洲Bra Size
字母部分：將上胸圍減下胸圍(圍差)，得出cup數：2.5cm為1cup，以A為10cm作起點。
數字部分：每5cm為一組，根據下胸圍選擇最接近的底圍

例如量到上胸圍45度86, 90度88, 下胸圍70, 相差16-18, 係70CD左右, 可以試下深杯70C/ 正常70D

繼續都係兔兔絲同眾絲打提供

係香港買到咩Bra：大cup、65圍牌子、淘寶平價bra 推介

大杯絲打(GHI cup)看這裡，不要再說買不到胸圍了！

矯型選擇：Bodibra (最大JJ cup=G/H)，曼黛瑪璉(最大H)，Satami(最大G)，Kelly Love(最大G)(台灣牌子 網購/多間小店)，葆露絲

不矯型選擇：Wacoal Salute (最大I），Peach John Days系列 (最大G)(新款偏細大約半cup)，Narue (最大I)（尖沙咀Shibuya109，日本樂天，淘寶Shirohato旗艦/代購），Prima Donna (比利時bra，Private Shop有售），freya


細底圍絲打(60-65/28-30圍)靠過來，不要再穿70圍了！

矯型選擇：Bodibra，Braologie，曼黛瑪璉改帶，Satami 改帶，Le Boni (葆露絲旗下），葆露絲，Kelly Love改帶

不矯型選擇：Peach John ，Une Nana Cool (F以下），Narue（尖沙咀Shibuya109，日本樂天，淘寶Shirohato旗艦/代購），Cotton On，The Little Bra Company (C/D以下兼有60圍), Oysho(65圍偏細，60圍絲可考慮）


淘寶平價brand：
淘寶有牌子嘅bra都唔貴，點解要買無牌子
mm，swear，夏娃的誘惑，布谷，戀玫莎（wacoal旗下），歌瑞爾，古今，蘭繆，遐等等，花多眼亂
奶糖派同款設有不同杯型，對各種杯型友好。
平起上黎100蚊都唔洗，質料靚啲嘅都係100-200

非完美主義者可購買日本「原單」貨，注意大都斷碼斷色，網購有風險，假原單貨用料/染色劑有問題。


歡迎大家補充！

每個女人都要著Bra，唔通每個女人都識著Bra：著Bra方法、調較肩帶

正確著bra方法（必看）
https://youtu.be/dJBVUSX_GWQ

可能你話有咩咁特別姐, 咁都要睇, 錯喇, 好多人都著唔岩位, 著太低, 撥過龍係常見情況
留意係平撥、平撥、平撥。
唔想胸線下移，記得最後要拉高、拉高、拉高。
著返衫前郁下手，睇下有冇走位

肩帶唔應該太緊太鬆，肩帶太鬆個胸會托唔起，就會有離罩的錯覺；肩帶太緊，背帶會戚上去，杯口會壓，穿得入一隻手指位就差唔多

著bra常見問題集：背帶、分辨鋼圈大小、雞心、假滿杯、著太低

A.
背帶(Strap)：底圍係影響一個bra承托力的關鍵之一，底圍同罩杯係承受曬80-90%既力，而肩帶只佔10-20%，你底圍著鬆左，就會聚曬d力去膊頭。
如果個sales俾姐妹尺碼你，你就要試清楚了，係咪真係岩你呢？
杯容都好影響你對底圍鬆緊的感受度，如果杯容唔夠，d肉會迫曬去其他位。最簡單既做法係，你唔好著個bra上身住，你將個bra齋扣去下胸位個到感受下，就會feel到係底圍問題定罩杯問題。

背帶唔係水平, 飛左上天, 向後拉可以拉到九丈遠
常見於bra圍數唔岩 (例如70圍著75圍), 肩帶收得過緊


B.
鋼圈(Wire)：好睇你既胸型係如何，例如，如果你個胸係扁闊，你應該揀d鋼圈大的內衣。
每晚除bra你都應該好好檢視一下鋼圈印，是否緊貼波底，內側外側有沒有壓到肉。
如果你個wire印壓左上外側，姐係wire不夠闊了
如果wire印壓上內側，請重新看上一題雞心的問題
如果wire印遠離波底，你是穿低了
如果wire印壓上波底，你是穿太高/底圍鬆/穿大了
如果你wire印遠離胸輪廓，請檢查下係咪著錯杯型/著大左尺碼

左一wire太大（有時其實係bra太大，因為鋼圈係會隨bra size成正比例增闊），左二wire太細壓胸（有時係bra太細），左三岩岩好

wire太細例子, 哇個胸好痛呀
亞洲bra好少話wire太大, 因為設計係俾亞洲身型, 所以除非著大左尺碼, 否則好少見
左一個張圖比較特別, 係一個著得唔滿但wire又壓胸的case
依啲情況好大機會係杯型唔合個胸型, 要試下第二啲牌子/ 款式, 而不是換大一個cup
其他就係連個bra本身都太細

姐係左一咁，個杯太細浮起曬

C.
雞心(Gore)：bra既中間位，雞心應該貼實胸骨，如果浮起，咁要睇3個情況，
1: 你著細左杯容不足，試大一個碼；
2: 你個胸距近，應該搵d雞心盡量埋d既款；
3. 過度撥肉，掃曬d肉去中間，你要回撥下，要將d肉順返個wire咁去

雞心壓係胸肉上
可能係bra雞心太高/ 個bra太細
另外，如果雞心痛，最直接既方法係墊化妝棉

D.
著得太低/ 水平唔岩

個胸正面睇係橢圓型, 除bra要檢查下wire個印貼唔貼胸底
又或者有啲水平著得唔岩係wire貼胸底, 但無抽高個bra黎著(所以咪要睇上面條片)

正確應該正面要睇到係圓型

E.

假滿杯1
常見於胸距好近的絲打, 中間夾線, 但其實上或下半杯係吉, 無滿杯應有弧度, 上或下半杯斜入去

假滿杯2
成個罩笠曬個胸, 無胸肉露出bra外, lin頭係杯最高點以下位置

3/4罩杯其實只係無左1/4塊布的全罩杯, 所以應該要露返1/4個胸出去個罩外面, 而且上下半胸都要有脹起弧度先得架, 以上著法都係偷雞, 唔OK架

上胸無肉70C示範圖
就算上胸無肉都好, 著左岩size都好豐滿, 唔會無曬肉

重新認識胸型：破解外擴、下垂、副乳迷思


胸形圖（一般都係講呢幾種，當然細分有好多種）

杯有分深淺尖圓，唔好話唔同牌子，同牌子都有杯型的差異，你要知道你個胸大概係點，你心裡先有個譜要試咩款，所以我地先會問你係咩胸型，底盤大唔大
一間舖可能有成30幾款，你無理由拎曬咁多入去試，除左睇靚唔靚，杯型篩選都好重要，例如：你無理由一個隆起高的木瓜走去拎個淺圓杯去試，都唔岩shape

壓胸、離罩、乳溝等等問題，有時係胸型影響，唔一定係錯size。


每人胸腔形狀都唔一樣，請睇圖，個胸本身就係咁樣生，你點矯形佢都唔會向返正中，你矯型又唔會矯到胸腔

後天可以著岩size/運動/按摩改善，天生無得改善


下垂要乳頭低過胸下線，胸位下移唔叫下垂

矯型係gimmick 黎，對上個幾個po都講過了
你普通2-3扣bra肯推高黎著，根本都會包到副乳好好

無推高黎著

有推高黎著

見到分別嗎？關鍵係你有無著好，尺碼岩唔岩，而不是bra本身包到有幾高，有幾多個扣
矯形bra側脇位咁高，本身胸線低就一世都咁低，因為太高頂住個加拿大你根本都推唔高黎著，撥左啲肉入個bra條wire求其貼住個胸底就當著好，包好副乳/背肉就當睇唔到

總之bra還是bra，無話矯唔矯型，2扣3扣定4扣都只係bra
外八就試下胸托+按摩，但礙於每人個胸腔骨架不同，未必係個個都係集中兩舊肉向前，個啲唔叫外八

運動內衣(Sports Bra)/無肩帶內衣(Strapless Bra)/睡眠內衣(Sleeping Bra)/泳衣(一件頭、Bikini)推薦

運動內衣(Sports Bra)
(post1#772-773; post4#91,133; post7#930; post8#273-277,298; post10#679)
(請根據個人需要選擇相應強度)
Nike，Forever 21，淘寶la nikar，Figleaves 外國網購 panache，freya


睡眠內衣(Sleeping Bra)
(post9#350; post10#742)
Wacoal
Wing
淘寶奶糖派


無肩帶內衣(Strapless Bra)
(post8#169,174,575)
可拆肩帶:TLBC (a~d cup)(中環landmark sheer有售）
Peach John，mm，
Qmomo (購買途徑：mydress, 台灣qmomo網店,IG shop)，
日本樂天，淘寶


泳衣一件頭選擇：
arena,H&M,cotton on,hollister,Oysho,asos,urban outfitter(較貴）

Bikini 選擇：
(post4#27x-31x; post5#86x-95x)

日常美胸按摩/運動
豐胸按摩
可配合胸部按摩膏，身體潤膚乳液，甜杏仁油等等
https://youtu.be/oWq-qagipRM

修肉運動
https://youtu.be/ODNGQidZu80


要持之以恆先見到成效
瘦底絲打可以先調理身體，增肥有返多啲脂肪畀個胸
唔好心急減肥，因為好易減埋個胸
如果想食丸豐胸，請先檢查產品主要成份劑量，確保自己承受到，對自己身體負責。
買A酸果酸前都會睇清楚含量百分比，豐胸丸食落肚更加要睇清楚

附錄：求建議/推薦前必讀

留名

Lm

lm

btw呢個sales如果係咁無體貌，下次抄低佢個名同wacoal投訴，我覺得有必要話俾佢地總公司聽，佢地請緊d咩質素既人返黎
咩意思啊？你而家睇唔起我俾得起600蚊買你d產品啊？你咁既態度，就算你個bra 100蚊我都唔買啦有時買野只要買得gur，貴d真係唔係問題

睇網上資料，上圍88，應該都係65F左右啦
同埋佢影得呢d硬照，入面點都會push下

我平時係惠康買開 最近有特價 正