Loop咗十萬次之後終於平靜番啲嚟LM
琴晚滿足咗龔水大半個許願池,仲連番大部份主線伏筆,雖然大家都講咗好多次,但都要再次跪謝台前幕後編導審配樂蟹蟹Stanley等等所有工作人員用心用愛為我哋帶來一個咁精彩嘅故事同咁甜蜜嘅回憶
由賤精來了開始,由觀望到關注,睇住佢哋一路鬥氣,一路成長;懵懵懂懂,跌跌踫踫;互相影響,互相成長,慢慢就好似變咗自己身邊嘅朋友一樣,會為佢哋傻笑、忐忑、著急、傷心......真係冇諗過有朝一日自己會咁入戲,然後個感覺又會係咁窩心感動,一路走來無論係佢哋定觀眾都真係望穿秋水好不容易,講講又濕咗對眼添
學Stanley話齋,宜家先係龔水精彩故事嘅開始,我哋會Phase3 Phase4......一路緊貼追蹤,繼續支持㗎!!