經過一晚都係keep住嗰份甜笑感覺,係房仔呢邊講下感受
由睇到阿蟹中環夜晚點幾鐘收工個ig story就直覺認為係拍龔水嘢
記得我仲估係總監OT完阿水等埋收工之類劇情,當然真係無諗過會拍咀戲
同埋如果我琴晚無睇live被劇透咗咁睇可能無咁震撼,就好似youtube好多嗰啲外國人睇咗xxx嘅反應嗰類片,我估如果琴晚龔水黨前有cam影住都會係嗰啲興奮樣
嗌呀、尖叫、彈起、渣實拳頭講yes、甚至眼濕濕咩都出齊
copied from wiki
白色情人節(日語:ホワイトデー;和製英語:White Day),源於日本,訂於3月14日。在日本,通常欲告白的女方會在情人節(2月14日)的時候送禮給心儀的對象,而收到禮物的一方,則會在3月14日回禮並告訴女方自己的心意。
一路loop一路諗真係好有寓意,白色情人節本身就係回禮回應嘅意思,雖然男女掉轉,而家係講女嘅一方收到心意然後去回應表示,但呢個回應並唔係單指2月14同3月14。最近嘅回應係指塊曲奇,再嚟就2月14日花籃,然後初雪同no.1甚至到一年前嘅lift內表白。阿水今集終於勇敢去回應返成件事,明明瞓咗都起身換衫主動約阿龔出嚟,劈頭第一句就講「係呀瞓唔著諗起你咁咪嚟搵你囉」,然後攞出塊餅逼龔一路嘅說話都係無迴避,而且講返一年前自己嘅說話都係事實啫(雖然預告剪接上嚇一嚇),再幫阿龔開導埋no.1個結,成個回應睇落阿水真係差在未對住阿龔講「做我男朋友?」難怪阿龔講嘅三個字係「我願意」
而阿龔嘅一吻回應唔洗講行動最實際呢下真係
阿龔嘅內心就係認定而家係媽呢空示緊愛所以唔用言語而係用咀嘴去回禮,仲有佢要諗一諗先作出回禮睇得出佢係嗰種一係唔去馬一係就要去到盡。如果唔係有阿水今次勇於回應內心情感真係唔知龔水要等到幾時先一齊到。不過阿龔未講「我愛你」呢三個字我有預感將來會有集提返,阿水會再次逼龔要佢講呢三個字出嚟
而家任何龔水主線過場甚至今晚同阿水講電話嘅同事我都唔想錯過好想睇多啲,對龔水嘅熱愛就好似龔水本身咁已經愛到不能自拔