妙奶夾撚傑
2019-03-04 23:32:16
「既然事已至此,我唯有答想啦...」我可不想步行下山。
「後生仔...傲嬌,欲拒還迎啊~」想不到「傲嬌」和「欲拒還迎」會由他口中說出。
一上車,陳金城又點燃一枝雪茄:「揸車呢,最緊要有態度。」
說罷,他動作優雅地開動紅的。
此時,我的電話響起...
「喂,唔好意思吖!阿爸突然話好唔舒服,我哋唯有送佢返屋企先。」慧妍語帶歉意,背後亦傳來肥雪的呻吟聲...
姑且接納這個理由吧。
「點啊?俾人賣甩有乜感受?」陳金城問。
「可以有乜感受,我覺得家陣坐緊個醉駕司機揸既車仲值得我在意!」
「嘿...返大埔?」陳金城沒有正面回應我的考慮。
「係啦!唔係三更半夜仲可以去邊?」
「信唔信返到大埔前我可以令到佢車尾燈都見唔到?」他問。
「都唔知佢咃走咗幾耐...」
陳金城拿起對講機呼喚:「Over over!見唔見架天藍色S15喺林錦入緊大埔?」
「見!啱啱落完大帽山轉入林錦,車牌XXXXXX!」一名的士行家回話。
「See?」陳金城把雪茄煙噴出車外。
陳金城左手夾著雪茄,右手舞動軚盤,
紅的卻像有生命一樣,緊緊著最完美的線位擺動,
左、右、左、右,
若要我形容,
這輛紅的就是一條飢渴已久的毒蛇,看準獵物後靈活地擺動身子,但求一擊即中追上猛物。
我驚呆了,陳金城的腳一直維持在油門位置,完全無需移動到剎車位置。
眨眼間,我們已到達林錦公路。
------------------------------------------------------------------------
A:你手車點可以好成咁?
B:可唔可整口雪茄嚟定定驚?
C:你究竟係邊個?
D:以後要叫的士可唔可以搵你?