妙奶夾撚傑
2019-03-03 22:34:33
「向荃灣嗰邊搵!」其實我也沒甚麼把握,只是見大家也摸不著頭腦所以隨意提出。
「好,出發!」天行開始駕駛。
經過著名的大山茶座後,我們正式進入荃錦公路上山段。
「阿玲...我嚟啦!哈哈哈~」肥雪仍在「發酒瘋」。
「係吖,就見到阿媽架啦~」在旁的慧妍附和。
天行卻有點愛理不理:「其實條友手車咁勁,我諗佢就算飲醉酒都揸得掂啦!」
「揸你就專心揸啦,咁多嘢講!」我示意天行少說話專心駕駛。
「唓~」
轉過一個又一個的彎路後,我們來到了大帽山遊客中心的指示牌,
亦即所謂的「波牌」。
「係紅的啊!」慧妍指著窗邊大叫。
「陳金城」的紅色的士,停泊了在指示牌旁。
我們慢駛靠近,發現車上沒有人。
「上大帽山睇吓!」我提議。
由於汽車最多只能到達山頂停車場位置,
若要到天文台的天氣雷達站,則需要以步行方式前進,
我們只好把車放在停車場...
------------------------------------------------------------------------
A:自己步行上山
B:自己+慧妍步行上山
C:天行+慧妍步行上山
D:在原地等侯
(肥雪醉酒行動不便+最少需要有一人照顧肥雪+該人需要有車牌以便隨時移動汽車)
妙奶夾撚傑
2019-03-04 00:24:34
「你哋留喺車度,慧妍照顧肥雪,天行睇住架車。」我發揮僅有的領導才能。
「你又想英雄主義?」天行問。
「係吖!仲想巴閉同疊馬添!」我回應:「看車啦,車手。」
我拿起手機及水樽走下車。
猶幸,今天天色明朗,而且氣溫適中,算是登山的助力。
有時想不通,為何自己成為車手後很多事情也必需親力親為,
明明這種事,找警察處理也許更好、更有效率...算了。
想著走著,我已差不多抵達山頂。
平日深宵的大帽山頂,想必只有我這種瘋子才會到訪...
來到俗稱「波波」的天文台雷達站,面前是重重的鐵閘,行人止步。
可是,「陳金城」呢?
「你終於上到嚟。」背後傳來聲音。
「邊個!?」在伸手不見五指的山頂被這樣一嚇,我只能馬上轉身把電筒照向聲音來源處。
不知何時,「陳金城」竟然站在我背後。
「你幾時喺我後面?」我驚訝。
「頭先係側邊痾緊尿,話哂飲咗咁多酒。」
「你又知...我會上嚟?」
「以你性格,我知你賽會自己上嚟。」他取出雪茄點燃。
「以我性格?我好似同你唔係好熟,你點會知我性格?」
「陳金城」噴出一口雪茄:「總之,你家陣就企咗喺我面前。」
雖然匪夷所思,但實際上的確是。
「想唔想見識下乜嘢叫揸車?」他再噴出一口雪茄。
------------------------------------------------------------------------
A:想
B:唔想
C:想唔想我俾你見識下乜嘢叫揸車?