我要再將倉頡發揚光大

因為勹包得兩邊
唔洗用包含省略

有無推薦嘅練習方法?

網上有啲打字練習
平時都可以check下啲碼 睇下唔識嘅字點打

打住倉頡咁推

麵係十弓一田中

係因為唔同時代嘅倉頡
十弓一田中同十水一田中喺iPhone到都打到麵
當然你用某啲版本嘅倉頡就唔得啦

明白
樓主好有心。 連登仔執到寶

?>

Push

當初接觸倉頡都係因為肥絲
啲嘅噉喺 呢啲速成選字煩到傻

Strong Post LM 得閒再研究點打倉頡
就算而家學咗速成點打 但喺電腦度打都慢到閪咁

樓主想問熱上面部份 丸字嗰一點因為得兩邊包住佢 所以唔使包含省略 可以直接尾碼係取戈 但點解嗰贏字 下面部份最後尾碼係取弓 而唔係戈 唔係只係兩邊包住佢咩 搞到好撚亂
應字點解只係拆開兩部份 但係嗰廢字係取三部份 呢一到係唔知道點解應字上面部份係要直接取戈土
之後直接去打心 但廢字戈係一個碼 下面嗰部份就分開取碼弓人 諗到好撚煩
其實依家倉頡一陣時見到有咩新倉頡 又第幾代倉頡 其實係咪冇關係 都係照打冇乜影響

利申 苦學倉頡中 但成日都發掘到唔同問題 煩撚死人

因為贏右下係凡 你search返正確係點寫
凡係竹弓包含咗一點 所以省略
熱個丸個點係連住個九字 係連體字 所以取尾碼

應鷹膺上面都係䧹
呢個係三代倉頡嘅複合字
類似情況仲有
厤（歷曆磿）
厭（壓魘靨饜黶）
麻（磨麼摩魔靡糜麾...）
府（腐）
鴈（贗）
辰（蜃脣唇辱）
N.B. ios倉頡唔洗你用三代複合字都打到上面啲字
E.g. 戈人戈月=腐=戈戈人人月

目前三代同五代甚至兩溝都有人用緊

如果你用windows嘅倉頡 基本上學三代倉頡就一定打到
五代未必得

I mean windows10

唔該晒加菲巴嘅教學原來嗰贏字最後尾嗰個係凡字 創造倉頡嗰個人就係用主觀嘅諗法去整 本身正確嘅寫法比佢改變左
䧹 厤 厤 麻 府 鴈 辰字 呢啲因為係複合字原因 先咁樣取 所以要死記咗佢？

學嗰陣時喺度諗緊 第幾代嗰啲有冇乜分別 廢事學完喺出面實踐唔到

你諗佢係部首咁 氣個气都係取人弓
其實倉頡係跟字形黎睇
取碼係方便人第一眼就睇到拆咩
所以包含省略嘅原意係包住嘅太細 所以搵舊大啲有特徵嘅黎比你取碼
Btw唔係創造倉頡嗰個改變啲字
係創造唔同字體嗰個改變啲字

推

點解嗰贏字 下面部份最後尾碼係取弓 而唔係戈 唔係只係兩邊包住佢咩 搞到好撚亂

我會咁解釋：

倉頡輸入法係喺中文電腦創始年代出現，而家最通行嘅第三代倉頡係 1982 年嘅產品，而好多拆碼字表都係喺嗰陣定案。

「贏」一類字，尾碼到底點解係「弓」唔係「戈」，原因同點解「食」字第二個碼係「戈」唔係「一」一樣，都係因為倉頡編碼時所根據嘅字形，同而家香港、台灣嘅標準字形唔同。

「贏」字字形，而家各地字形標準係咁嘅:



（依次為中港台日韓）
（Unicode 個表嘅香港宋體字形同教育局個標準未必相同，但今次一樣，唔多講）

如果根據香港或者台灣字形，個尾碼的確應該係「戈」（右下部件台灣拆法係弓竹戈；香港拆法係弓中戈）。

但台灣標準字形（國字標準字體）喺 1982 年公佈（香港則係 1990 年），70 年代已經有嘅倉頡輸入法同當時嘅中文電腦產品係冇可能依照尚未出現嘅字形標準編訂字形同輸入法字表。而當其時嘅印刷字形亦有唔少係將「贏」字右下角印成「凡」或者「卂」一類（如果依照「卂」字形拆碼，尾碼應該係「十」添）。所以，「贏」字尾碼係「弓」而唔係「戈」或者「十」，個原因係：當時編碼時依據嘅字形係右下角寫成「凡」嗰個，而基於包圍省略原則，最尾一點不取，所以尾碼作「弓」。

［五代就將「贏」字外面成嚿嘢（即贏減去貝、嬴減去女嗰嚿）定為複合字，取碼係「卜弓」，於是取碼方法就變到就好似「門」系字咁，先取外圍（卜弓），再取裏邊（贏就取貝＜月山金＞，嬴就取＜女＞），結果「贏」字五代碼係＜卜弓月山金＞。］

依據字形拆碼無可避免會受字形標準問題（編碼者同拆碼者，即作者同用者對字形理解不同）影響，正如筆畫輸入會受筆順影響、讀音輸入會受讀音標準影響一樣。假如編碼會隨標準而更新，對新用家當然最好，但對現有用家就會增添麻煩。另一辦法係加入容錯碼，但就有機會造成重碼字增加。不過呢啲都係後話嘞。

其實依家倉頡一陣時見到有咩新倉頡 又第幾代倉頡 其實係咪冇關係 都係照打冇乜影響

第３代同第５代，講嘅係版本，兩代取碼原則、輔助字形有異，會影響拆碼結果，如上面已經講過「贏」字兩代拆碼方法不同。

「新倉頡」同嗰啲「快速倉頡」「自由倉頡」一樣，係產品名稱，拆碼有啲用３代，有啲用５代，有啲撈埋一齊。「新倉頡」係 Microsoft 產品，曾經隨 Office 附送（唔記得邊幾代，大概係 98, 2000 之類），使用第３代嘅拆碼，特點係會自動選詞，方便連打（例如「佑知」同碼，打「知道」唔使揀字，你打埋個「道」字佢識得同你將之前個「佑」變成「知」），不過我自己用落覺得麻煩比好處多始終用唔慣，官方都好似冇再 update，我見啲人都係要搞 Registry 先裝到，初學唔使理。網上有介紹：http://input.foruto.com/microsoft/microsoft_001.htm

巴打使唔使咁詳細好清晰知道成件事係點 原來有個先後次序 但呢啲嘢唔會講 原始嘅字係點 搞到啲人有陣時唔明解
因為自己打過有微軟倉頡同新倉頡2010 微軟嗰隻你打錯字嘅話佢會提示你點打 但新倉頡嗰隻就完全唔會有提示 搞到我唔知應該用邊隻 所以先想知啲倉頡係唔係都係通用照打就得

Thanks巴打，依家學識咗九成了

黃字
點解唔係廿一䘳

廿一田金唔係好合理咩
廿係字首 一田金係字身

幫推