我要再將倉頡發揚光大

加菲係隻狗 · 2019-02-26T18:57:06+08:00

近排愈黎愈多人唔用倉頡唔用速成走去用拼音或者手寫原因係話倉頡難唔想學我希望倉頡/速成可以多返d用希望咁多位連登仔支持一下其實只係你懶得學跟住落黎會以三部分嘅課程黎教倉頡一）倉頡字母倉頡字母有二十四個，輔助字形有八十七個，倉頡就係用佢地黎組成中文字。當中二十四個倉頡字母可以分做四大類：哲理類、筆劃類、人身類同埋字形類，仲有兩個係難同重。而且每個字母可以應對一個英文字哲學類：日月金木水火土(A-G) 筆劃類：竹戈十大中一弓(H-N) 人身類：人心手口(O-R) 字形類：尸廿山女田卜(S-W,Y) 呢個係輔助字形表倉頡基本取碼原則係根據人對一個字嘅感覺由上至下左至右外至內取碼。如果已經認得輔助字形嘅可以skip下面呢part 下面呢part係用黎幫你分唔同字形 (A)日日既打橫版會用係巴或者眉嘅上面嗰個字形 Btw 罪嘅上面並唔係同一個字形取碼為田中門嘅取碼係日弓因為左上角係日字 (B)月肥/岡/罕/然/受/且嘅第一碼都係月目嘅取碼係月山因為佢既上面係月嘅輔助字形骨嘅取碼係月月月 (C)金丫/分嘅第一碼係金，而四嘅第二碼，即係入面係取金丫/剃都係金字第一碼相似嘅輔助字形係羞嘅第一碼比金嘅碼取多一橫所以唔好撈亂佢係取廿碼仲有堂/肖嘅上面係取火比金取多一點 (D)木寸/皮嘅第一碼係木，而五嘅第二碼，即係唔要上下兩橫嘅字形都係取木呢個輔助字形同皮嘅第一碼一樣 (E)水河嘅三點水泰/求嘅下半同埋各/曼嘅”又”呢個字形佢地都係取水 Btw 又單獨個陣係取弓大而唔係水叉係取水戈 (F)火 fire 上面講既堂/米嘅第一碼係取火另外仲有尖/不嘅”小”字形係取火同埋照嘅火部首係取火 (G)土其實得土同士兩個字形要記唔多講 (H)竹有一撇嘅好大機會關佢事彳/身/禾/白/和/先/反/后嘅第一碼都係取竹竹花頭都係取竹反/后係取兩撇做竹其他一撇 (I)戈有一點嘅好大機會關佢事社/州/床/廂嘅第一碼都係戈另外台/至嘅”厶”字形都係取戈床/廂係取咗成個部首”广”做戈病/症/痕嘅病字部係取大而唔係取戈社嘅示字部係取戈火袖嘅衣字部係取中識分架何? (J)十字/宇/宙嘅寶蓋頭係取十空/容/穿嘅穴字部係取十金車係取十田十麥係取十人弓戈 / 字首時取十弓（後面會提返點解唔取十戈） (K)大有交叉嘅好大機會關佢事有/灰嘅第一碼文/兇嘅交叉狗/狂嘅部首唔要最後個撇 btw 部首取大竹病嘅部首全部取大 (L)中有一豎嘅好大機會關佢事巾/蚓嘅一豎取中川/片最左邊嘅都取中因為佢冇竹咁斜書嘅第一碼取中衣字部取中虫字部取中戈 (M)一有一橫嘅好大機會關佢事示/石/而/厚/攻嘅第一碼取一石/而/厚係取埋個撇攻係取成個”工”字形另外一剔都係取一例如刁/冰嘅剔上去個下 Btw雨字取一中月卜；兩字取一中月人 (N)弓彎嘅野都好大機會關佢事丁/割嘅一鈎蛋/預嘅橫鈎虱/風嘅含有鈎個筆 “乙”字形欠/色嘅色字頭上一把刀夕/久嘅撇彎以上全部取弓 (O)人合/會/付/午/知/兵/岳/入嘅第一碼取人企人邊午/知嘅撇橫兵/岳嘅撇豎(有人唔識打丘呢個字) 入/爪嘅一捺 (入取人竹唔取竹人因為捺係高d 然後先上後下) 丙/閃嘅人字形兆/家嘅撇點(最後兩筆) 以上全部取人 (P)心心嘅部首大家識唔識有豎心邊同恭字下面兩款另外屯/比嘅匕字係取心 btw匕係取山竹仲有弋唔要一點式/武係取心洩/低係上述字形嘅變化旬/匈嘅”勹”字形係取心 (Q)手夫/拍/契嘅第一碼取手夫/判嘅橫橫撇係取手生/契嘅橫橫豎係取手年/韋嘅尾碼取手係特別樣衰嘅字形 (R)口要提嘅係足字同足字邊嘅分別足係口卜人部首係口一 (S)尸屋/刷/匝/匪/尹/長嘅第一碼取尸巨係尸尸因為開向左同向右煮係取尸尹係開口向左馬嘅首碼係向右開口所以取尸另外仲有四點前嘅彎鈎都係取尸長/套/取嘅橫豎橫橫係取尸 (T)廿草花頭/弄/曲嘅橫豎(橫)豎都係取廿基/昔嘅橫豎豎橫係取廿前/益嘅點點橫係取廿並/盆最後嘅豎豎橫係取廿虛/聯最尾個彎豎豎豎橫係取廿 (U)山凶/孔/逆最後一碼取山形狀幾似山 (V)女災/巡嘅撇捺痴埋係取女同”人”唔同佢兩筆係分開亡/丐嘅豎橫痴埋係取女以/氏嘅豎剔痴埋係取女衣/長/良嘅最尾豎剔撇捺係取女臘嘅最尾一鈎係取女 (W)田果/因/回嘅圍字部取田買/置/羅/罵四字頭取田中母/貫嘅豎彎橫彎係取田 (Y)卜上/正嘅卜變形取卜言/放嘅點橫取卜撐艇仔取卜斗/於嘅兩點取卜

掀起那次地震 2019-02-26 23:42:41

支持樓主

Rifampin 2019-02-26 23:45:45

學post 教學

核突支那style 2019-02-26 23:49:53

留名學野

人生可否重來 2019-02-26 23:53:55

小さな恋のうた 2019-02-26 23:55:50

時位之移人 2019-02-26 23:59:34

我打開速成
睇完依po練返一個月倉頡先

有病睇藥食醫生 2019-02-26 23:59:39

用緊廣東話拼音一直都想學返倉頡但係好懶又覺得好難多謝樓主畀機會我再督促自己再學過

單車新人王 2019-02-27 00:02:07

關鍵字

唔sure係咪功夫但肯定有石頭

做唔到消防唔拍拖 2019-02-27 00:03:14

Lm

連登燈櫈櫈 2019-02-27 00:05:04

速成一直想轉倉頡不過好難改

茄汁沙甸魚 2019-02-27 00:05:11

lm

大邪神 2019-02-27 00:06:14

打機同人互屌，俾人串唔識打中文，駁唔到，即刻去學

Plus仔可否不要老 2019-02-27 00:07:19

人生最正確嘅決定就係學咗倉頡

河童 2019-02-27 00:08:54

速成起家，都係時候要學下

Xhaka 2019-02-27 00:10:58

支持樓主

其實只要打慣左就無問題

Petrushka 2019-02-27 00:13:47

阿哥飛去日本留學前留底部電腦，上左密碼鎖的
佢話要俾我用既條件就係識打字
當年佢拎我本中文書要我打一日一課
而家WPM 65,全盛期>85
基本上無咩事幹唔會望keyboard,
除非個keyboard太難打係咁打錯碼

Mamafker 2019-02-27 00:14:59

支持

老母常出現 2019-02-27 00:16:08

Push

莫拉達愛解圍 2019-02-27 00:17:08

留名

CHOK人 2019-02-27 00:17:49

教速成易d?
以前玩Online game學

好好玩？ 2019-02-27 00:18:46

其實唔用倉頡好難打到正字
特別係啫、啲、噉等等嘅字
當初學倉頡都係為咗打正字
而打得愈多打字就愈來愈快

蝦米變熟飯 2019-02-27 00:18:50

留名支持

CHOK人 2019-02-27 00:19:12

不過語音打字真係令到啲細路學唔到

我要再將倉頡發揚光大

加菲係隻狗