一人一首好多人唔知背後意思嘅歌詞

唔係全首歌每句都要關老母事呀

真係，佢寫到個種愧疚感，特別係自己如果都經歷過對媽媽個種愧疚，會好有總
共鳴

巴打想知你點詮釋
仍想你一家可到齊個到?

我都想知呢個！！

最後話個男主角釋懷唔到，之後話希望佢死咗個一日佢，佢媽咪同新家人可以到齊佢葬禮，代表原諒佢當日衝動

Eason都有講過

你呢個版本應該啱
因為應該都係講自己愛既人死左

但我就係到諗，佢除非意外死，唔係媽媽一定走先過佢

我覺得係自殺。。

https://m.facebook.com/hklyrics/posts/337573509708946
夕爺用佛學去寫面對失戀嘅態度

想知道 未世界的呼聲 咩意思

未世紀

會唔會太多錯事，抑鬱到想自殺先有咁既宣洩？

不過其實你一家都唔代表媽咪一定存在，如果你有個同母異父嘅兄弟死咗你會唔會拜佢？

「你」應該指埋媽媽，如果係從再婚主題出發。

咁一家都好難解通，如果自然死，媽媽同佢老公都應該死先，咁點一家? 如果有一個家庭死剩一個人，我地正常都唔會用你一家去形容

我就仲未好確認到係未婚媽媽，定再婚主題添

順便拋多句比咁多巴打解答，「隨便錯手」指涉緊啲咩

我更鍾意上句
滅苦的信徒 不必悔改

不過我對前面果段睇法有啲唔同。
成隻碟聽，男和尚一直無所謂看透，佢入佛門只係想尋道逃避世俗，想擺脱劊子手呢個名號。但越尋道，亦無助佢釋懷，變到好似你所講只係另一種壓抑。

同最尾果句一方面似你地所講，係男女主角嘅互存外，但我覺得都有呼應第一句同佢生世，佢係劊子生但又迷戀生命，所以得到愛之後，佢肯定返自己同愛返自己。


呢句再接落聽 孽。

曾活過 但似死 直到相廝守
明白罪在愛你偏因此得救

隻碟真係好正

我覺得照夕爺講得 對象係母親
咁 一家 就係佢再婚嘅一家了

不過如果要我僭建嘅話
都可以吹多兩個方向


第一個：
數一數 我實情不只得你要說句對不起
被我害過來接受我跪

去到後段
其實主角反思到
自己呢一生人對唔住好多人
好希望得到救贖、原諒

而得到救贖嘅體現
就係被佢害過嘅人，甚至佢地嘅家人都可以嚟佢嘅喪禮

第二個
累人累己滋味 餘生也記起

歌中佢當然覺得對唔住媽媽
而累人累己 呢句係點出
佢覺得自己嘅人生都係唔好過、被拖累
甚至可以聯想到 點解一個 濟世為懷嘅大好人
會 「未懂得顧忌 、年少率性害慘你 、令人受傷、帶來傷勢呢？ 」

因為佢一直覺得 係佢媽媽拖累佢
怪阿媽令佢在單親家庭成長、俾唔到好嘅環境佢、
令佢由細到大俾人笑、怪阿媽掛住搵食無關心過佢

我用咗成世人怪個阿媽
最後原來 我先係令阿媽咁辛苦嘅人
「實在不敢知道我是元兇」

呢種悔疚大到 希望自己無嚟過世上
寧願當初阿媽落咗自己
寧願自己就算出咗世都好
只要我一早死咗阿媽都唔駛受咁多苦，
佢就可以搵到人照顧

而最後嘅係
「仍想你一家可到齊」嘅一家
可能係落咗我，阿媽嘅家人無離棄佢一齊嚟
可能係我死咗，阿媽嘅新家庭

而除咗表面意思嘅 一家出席喪禮 嘅意思
更裡面嘅意思 係 平安、健在

因為一開始嘅「你失蹤」
可能係指無再聯絡，再婚後唔敢打擾對方、
可能係直情唔知阿媽嫁咗去邊、甚至係死咗

因此所謂嘅一家到齊，唔係真係想對方嚟齊
而係暗指希望對方 全家平安健在

成隻碟係一個full story 黎咖... 成隻睇返會好明

冇咩深究，但綿綿一直俾我感覺就係落雨，一個輕描淡寫既愛情故事。

落住雨聽一流。

咁多人唔明 點出席葬禮
希望我上面個段 有帶到啲新方向啦

在街打咁大段野
無proofread 有需要可以再補充

你住近波士頓
我住太古城