【求助】過幾日毒遊鹿兒島仲未plan好行程

咁既天氣我一定cut行程
景又唔靚 行又唔舒服

飫肥有啲咩行 係咪叫咩飫肥城下散策嗰堆有no.嘅食店同鋪頭仔? 定係你講緊飫肥城大手門歴史博物館嗰啲

巨石像去完都ok嘅，不過可能上網見/聽旅行遇到嘅人講都一致好評，搞到身期望太高，去到望到嗰時第一句係，下，咁㗎咋?

無啦，比我就唔會，我都建議唔好咁。
可能本身因為我嚟嘅日數唔多啦，覺得咁難得有假戈旅行，一落雨/天氣唔好就cut行程就邊到都唔洗去

另外因為我山長水遠搭3個4個鐘車先去到，無理由因為咁而cut行程架嗎(我係搭緊車去到霧島就開始落雨)，最重要係cut咗都唔知去邊
好彩今日都唔係好大雨，好多時都係毛毛細雨咁，無第一日咁勁 我自己覺得都係另一番體驗嚟嘅，個景又會有少少唔架嗎(安慰自己)

如果我雨次再去宮崎嘅話，我剩係會去飫肥同青島
飫肥我去得一陣（遊記有講）飫肥城我覺得好舒服，慢行市內睇下建築，入去佢果d展館

當然，可能幾悶下

又update翻先

基本上今日都跟足曬原定行程，好彩無miss車/蕩失路嗰啲柒嘢

今日好早就出咗門口，搭7點半嘅霧島號去宮崎轉海幸山幸去南鄉，架車真係好靚，必搭！
咁我就提早咗係飫肥落車，行咗陣佢啲商店街，去埋飫肥城大手門嗰邊啲景點就搭巴士去鵜户神宮啦
跟住時間差唔多就出翻搭巴士去日南sun-messe，但玩到尾二班先走，放棄咗青島鬼之洗板同埋青島神社。一嚟因為sun-messe離鶼户神宮好近，車程十分鐘內(但唔好諗住行過去，google map過都3~4公里，要行成個鐘 )，所以要趕搭下班巴士嘅話會得翻好少時間係sun-messe(好似得半個鐘鬆啲 )。
二嚟就係搭巴士嗰陣都已經見到加鬼之洗板，所以就算

聽日我就會去霧島，行程都未諗好，如果咁多位巴打有啲咩經驗想分享/提醒請話比我知啦

因為今日落雨，聽日睇瀑布應該幾正，如果聽日落大雨睇仲正

btw，記得有幾位巴打都講過話嚟緊都係會去鹿兒島，咁我去到某啲覺得難去/搵嘅地方都有影底啲時間表同站牌，有需要可以講聲睇我幫唔幫到你
btw，宜加宮崎嘅one day pass bus加咗價，由以前嘅1000yen加到1500yen
而周圍都有得賣，for local嘅bus pass只係貴300yen賣1800yen

所以如果有人好似我咁要趕行程/住得遠就唔洗專登一大早5點幾搭車去宮崎就係為咗買張pass啦

另外，記得記得記得要買pass(重要嘢要講3次?)
呢張係我專登影，我係喺sun-messe個站上車嘅(第16個站)。如果你唔記得咗買，你就會意識到佢架巴士係幾咁貴同張pass嘅重要性

加50%，搶錢呀

係，可能見受遊客歡迎，同埋一開始係定低咗個價錢吸引人用掛

唔記得咗講，鹿兒島個Welcome Cute Pass都加咗價，宜加要1200yen

聽啲人講，霧島啲巴士好似仲疏?我宜加暫定去霧島神宮同埋高千穗牧場，可唔可以塞埋丸尾入去?

宮崎詳情行程我想睇
我上次plan左 但最後太辛苦cut左無去
想知d巴士點搞
網上好少資料

你係咪坐JR去霧島神宮站落車？幾點到？

官網準確D
http://www.city-kirishima.jp.t.bj.hp.transer.com/kikaku/kurashi/kotsukikan/bus/jikokuhyo.html

yes，其實未決定

其實我都未搞清楚霧島啲交通，啫係去霧島神宮就可以搭jr，去丸尾瀑布同高千穗牧場就搭巴士?

自膠，原來係巴士嘅時刻表

好似無咗霧島個bus pass
巴士時間表你上網睇啦

無咗? 其實我聽好幾pair香港人同台灣人最後都無上到霧島神宮，話因為落巴士要行好遠先到個門口之餘，跟住咗到門口見到太多樓梯就直接走咗
其實我宜加有幾個地方想去，霧島神宮，高千穗牧場，丸尾瀑布，神話之里 optional (因為巴打話無花同今日撞到對情侶話無花睇)，同埋有個市集係浸溫泉嘅。 呢3個景點+浸溫泉係咪無可能一日做曬?

如果跟巴打schedule
“一朝早搭巴士去神話の里公園（９點左右）
再行路（一路落斜）去神水峽／霧島神宮巴士站搭巴士（差唔多１２點）去高千穗牧場
喺牧場食完lunch行個圈出牧場（３點幾）搭巴士返去霧島神宮，最後先行霧島神宮（４點幾）

最後先行霧島神宮好唔好? 定應該行咗先，宜加只係firm咗會搭0849 jr去霧島神宮站，之後啲次序點排未諗好

同樓主幾似
留名，支持樓主繼續更新

0849嗰班車去到神宮駅0936,再搭巴士無論去邊都已經10點
要去牧場嘅話有12點/2點/4點
睇你想喺邊度食lunch再決定去牧場先定最後先去牧場？
霧島神宮嗰頭冇記錯有間燒肉放題，lunch只係1500yen就食到

我無意見
果幾班友仔唔上神宮咁去黎做乜

你到霧島JR站問下JR職員有無pass買啦

你係咪唐船峽坐巴士到開聞站落車行去西大山JR站？