【求助】過幾日毒遊鹿兒島仲未plan好行程

自駕當然最好啦⋯⋯
行去都係車路，要睇車，但由巴士站行過去唔太遠，路又唔太斜，我果日都前後去過兩次

我懷疑佢睇錯車表

我估因為佢係睇九州列車個網
果個淨係介紹特色特急列車既時間表
無一般列車

睇瀑布就係咁兩極
好天去，只係見到絲絲流水
落雨去，就見到佢洶湧一面

落完雨第二日好天既瀑布係最靚

唔係呀，無睇錯時間表 因為我本身以為如果要搭佢啲特色特急列車一定要來回都搭
玉手箱號一日係有3班呀，我打錯

根據咁多位巴打嘅意見同埋分享，最後我終於自己dup咗個schedule出嚟，希望咁多位比啲意見/幫我執下

DAY 1 鹿兒島:
中午12點到機場,搭機場巴士出到鹿兒島中央站大約1點, 1點半左右食完嘢就開始旅程
天氣好就去埋櫻島, 城山展望台嗰D?
唔好就9FING 行街，夜晚搵野食返酒店
 
DAY 2 指宿 (Plan A, 如果DAY1已經去咗櫻島):
朝早去仙巌園(8點半開門, join 埋 tour?)
搭最早嗰班0958玉手箱號去指宿/遲一班11:57, 10:49/12:47到指宿, (砂浴(山川製塩工場)), 龍宮神社, 唐船峡流水麵,車站足湯, 趕搭15:07尾班玉手箱號翻鹿兒島中央)
如唔趕尾班玉手箱號, 去埋西大山站O唔OK?
最後翻鹿兒島天文館/中央 9fing食晚餐
DAY 2 (Plan B, 如果DAY1已經未去櫻島):
一早出發去櫻島, 去道之站垂水湯足館 埋沒鳥居 有村溶岩 湯之平 道之站櫻島等, 完咗翻鹿兒島天文館/中央 9fing食晚餐
 
DAY 3 宮崎開始用JR PASS (Plan A, 搭海幸山幸ver. + 如果DAY2 已經去咗指宿)
搭0730特急霧島號1002到宮崎, 轉搭1007開海幸山幸, 1106到南郷 飫肥(飫肥城下町散策
Lunch
1240搭巴士去鵜戸神宮, 1432巴士去サンメッセ日南巨石像, 1531巴士去青島鬼洗板, 最後搭1714 JR日南線去官崎再翻鹿兒島中央站 (定係應該去搭佢個日南觀光巴士，翻去先搭海幸山幸呢? 同埋想去埋高千穗町(峽?) /天安河原 上網睇相真係超靚,但呢兩個景點係咪每個都要獨立花一整日時間先夠? 我係咪應該安排兩日宮崎?但我住鹿兒島要搭咁耐車又好似好唔抵haha(雖然可以倒屎咁早起身去)
DAY 3 開始用JR PASS (Plan B 如果DAY2 已經去唔到指宿)
跟翻原本指宿行程，最後都係翻去鹿兒島fing
 
DAY 4 霧島 (JR PASS第2日) 可唔可搭埋隼人之風去? 但唔知點樣食埋入去霧島呢日
參考巴打
“一朝早搭巴士去神話の里公園（９點左右）
再行路（一路落斜）去神水峽／霧島神宮巴士站搭巴士（差唔多１２點）去高千穗牧場
喺牧場食完lunch行個圈出牧場（３點幾）搭巴士返去霧島神宮，最後先行霧島神宮（４點幾）
行完霧島神宮搭巴士去霧島神宮站，食完晚餐（７點）搭ＪＲ去鹿兒島（去到酒店１０點）”
(但我鹿兒島出發可唔可以趕到9點鐘搭巴士去神話之里公園?定係要棄，跟呢個schedule?
“(08:49)鹿児島中央駅坐(特急きりしま)去霧島神宮(09:35到)霧島神宮駅買一日乘車券坐巴士,由霧島神宮駅: (9:51開)到霧島神宮巴士站(10:04到),坐巴士(11:54開)去丸尾(12:09到), 呢日可唔可以浸埋溫泉?”

Day 5 熊本 JR PASS第3日 Plan A(如果跟曬上面Plan A，第一日去到指宿的話)
輕鬆遊下熊本城，搵熊本熊行下街藥妝百貨嗰啲 會唔會太hea，定係應該加埋其他地方落去or
鐵道遊搭去人吉再搭翡翠．山翡翠去熊本先再繼續以上行程 or
再去多日宮崎?
Day 5 宮崎/指宿/其他地方 Plan B (承上, 呢日會去翻miss咗既指宿/宮崎)

Day 6
食個早餐就byebye 1點鐘機走

去指宿既話諗唔諗住影伊貝渠蓋打卡?

點解會有plan a同b呢，其實係啱啱search啲交通啱時發現由鹿兒島中央搭去指宿只係1000yen，用jr pass好似唔太抵。去指宿唔用的話可以多翻一日pass出嚟去埋熊本/宮崎
不過咁樣做就會少咗日係鹿兒島，迫住第一日去曬櫻島(如果去唔曬嘅話就用埋最尾個日jr pass 玩埋鹿兒島剩返啲景點先去熊本/ 去完熊本翻嚟再去剩返啲景點)
大家覺得o唔ok?

如果ok嘅話，去指宿唔用jr pass又想搭玉手箱號嘅話又點玩法，我淨係知可以喺拎jr pass嗰時劃埋位，無jr pass可唔可以搭?

宜加其實只係差在會唔會減一日鹿兒島換其他地方，霧島同埋指宿係sure會去ga，宮崎同熊本/其他仲諗緊
同埋嗰3日要用jr pass嘅行程其實先後都無所謂，因為都要睇翻換pass嗰日劃唔劃到啲特色火車嘅指定席同埋海幸山幸好似得星期六/日同假期先開

有咩，係邊到架? 我有興趣呀

係了，welcome pass如果買兩日的話，可唔可以分開唔連續兩日用? 定其實買1日都ok

係咪隨機隱藏係唔同地方，要自己搵

唔係 有寫明邊幾個位set咗呢堆渠蓋
但係你行程都幾密 唔肯定你有無多餘時間
黎緊去我目標都係搵佢哋打卡
不過我睇d日本仔既相伊貝個蓋已經殘殘地
伊貝係車站對出
另外八個未set 但公佈咗地點
我一陣貼條link俾你望下

■設置予定場所

・シャワーズ 指宿市湯の浜5丁目26-29(夫婦露天風呂の宿吟松付近の歩道)

・サンダース 指宿市東方9300-1(ふれあいプラザなのはな館敷地内)

・ブースター 指宿市湯の浜5丁目25-18(砂むし会館「砂楽」敷地内)

・エーフィ 指宿市湊2丁目5-33(セントラルパーク指宿付近)

・ブラッキー 指宿市湊1丁目1-1(指宿駅裏)

・リーフィア 指宿市東方11915-5(指宿エコキャンプ場(知林ヶ島付近))

・グレイシア 指宿市十二町2290(時遊館COCCOはしむれ付近)

・ニンフィア 指宿市十二町2190(指宿図書館付近)

好，唔該曬 不過你覺得我行程太密? 係咪要cut咁啲
你有無寫好行程呀，如果有可唔可以比我參考下

唔該曬巴打 不過驟眼睇有啲直程係啲景點內/車站到喎，可以順便睇埋

上年六月都係一個人去宮崎同熊本
如果你真係好鍾意羊啊動物啊
高千穗牧場都OK嘅
但係好快行完，你去都係餵下羊食嘢咁
如果你真係去一定要食雪糕
佢個雪糕真係好好食
高千穗峽如果你唔坐船可以半個鐘睇完跟住返屋企瞓
鹿兒島我就淨係去過人吉睇下鐵路
日南海岸嗰頭就好鬼死多香港人
復活像都係好快睇完就走
比較印象深刻係去熊本嘅貓島—湯島
好難去，所以冇遊客都係得本地人搭船返去
但係真係好多貓同埋幾靚
南九州啲景點相隔都比較遠，ching你預大部份時間都係車度

召喚班哲明武世同牛仔巴打

我係果啲旅行起身都十點幾十一點既人

mark咗地方 查咗大約位置交通就一日既人
攰就去少一個景點
有時間剩就hea下


我三月去七日六夜 但我完全唔諗住plan去熊本
jr pass 三日係指宿霧島宮崎就算 唔諗住洗盡佢

如果坐船又要預幾耐，因為見啲人話嗰到唔靚好似都係無坐船
嘩！啲貓好正 我都ok鐘意動物架，自己本身都有養貓 啲貓糧你自己帶入去架?
不過個島入面仲有啲咩 如果得貓我諗今次唔會去，可能下次玩北九州去福岡嗰啲先去埋啦，因為你話好難去

如果你特登去
又未必真係值
順路經過去嘅話就OK

哦，我平時都係好懶瞓嗰啲人嚟，但旅行就算幾攰幾夜瞓第二朝都會彈起身
其實本身都諗住hea遊，咁啱有假去散下心咁。但點知愈睇愈多嘢，最後到到都想去唔想miss咗
熊本本身我都無打算去 係見幾位巴打都建議去熊本城行下我先去，同埋去試下有位巴打推介嗰個炸豬排飯

師兄
你睇左指宿d巴士時間未架
仲有坐得玉手箱基本都唔會去到西大山
除非你放棄晒所有景點

仲有去日南果日
神宮行一個鐘夠啦
去到sunmess公園先留兩個鐘啦

仙巖園好細唔洗跟咩tour,神話之里公園呢期冇花睇其實冇咩好去，櫻島可長可短，鍾意行山既行一日都得，唔係的話半日就夠