【求助】過幾日毒遊鹿兒島仲未plan好行程

我趕行程最後無去到 因為聽人講無咩好睇，個鳥居得翻一忽仔露出嚟咁?

係係咩好睇，不過可以想像下當時爆發果個威力啫⋯⋯

我都係坐哩架車返去，黃色好易認

不過我覺得無plan過都好嘅，我覺得如果plan好曬，去到發覺同自己期望有落差嗰時會好失望囉
但如果無plan/上網搵過就去，靚過話會覺得好驚喜 即使唔靚/麻麻地就覺得算啦，反正無嚟過未睇下，我自己就係咁，覺得都唔錯

唔緊要，基本上我有去嘅地方都keep低曬啲pass/ 巴士嘅time table，有需要可以upload上嚟比巴打們睇
霧島有pass呀，不過我覺得無買嘅必要，even去 (又係已經加咗價，宜加要1100yen)

買哩D飛一定要睇教學
我係要印埋出黎，去到籮神睇住黎篤，篤錯買錯飛就

我又無，問過幾間便利店啲staff都話無，明明上網見到話全線便利店都有 我又無上網睇咩教學，係部機襟襟下，見到宮崎，pass嗰啲，跟住就買到

好彩嗰時有專登影低

因為部機太多功能
我以前都係睇台仔遊記先知有哩D機，再跟埋佢點用（雖然有部分程序係錯嘅）
我都撳到手震震

我唔係買飛，我係換飛（熊本來回高千穗巴士飛）

好似係時候記底有咩pass要買
好似好多款

換飛? 即係一早上網買咗去襟飛?

嚴格黎講係上網訂飛，之後去便利站撳機兌換，再去櫃臺比錢

你去邊到先
我講下我呢個trip用過嘅pass啦，鹿兒島嘅welcome cute pass，指宿，宮崎同 霧島(可以唔使買)嘅 1 day bus pass，仲有jr pass囉，宜加數下先發覺都真係幾多

而家訂好咗既行程:

D1:機場 -> 鹿兒島中央 (未諗)
D2:鹿兒島->指宿 ->鹿兒島 (伊貝渠蓋打卡 沙浴 長崎鼻 龍宮神社)
D3:鹿兒島->霧島神宮->高千穗牧場->宮崎 (或者去埋神話之里)
D4:宮崎->鵣戶->sun messe->青島->鹿兒島
D5:鹿兒島->櫻島->鹿兒島
D6~7 鳩hea (未諗)

除咗JR Pass
係咪應該指宿買巴士Pass
日南買宮崎1day Pass
櫻島要買welcome cute pass?
仲有無漏

但咁樣有無平到先 咁搞笑，通常都上網比咗公，跟住print張紙出嚟換飛

d1幾點到先，如果好天可以去埋櫻島/仙巖園

d2 指宿你淨係去呢兩個地方? 咁樣會有好多時間淨，定plan好咗夜晚行街

d3 要留意，霧島1 day bus pass係唔包去高千穗牧場嗰架巴士嘅 同埋遇到個人講話神話之里好伏(可能嗰日天氣差)

D4 可能去唔曬，可能我住得遠+12點先開始到行程啦，同埋青島嘅話最好晏就先去，因為朝早中午經過都睇唔睇鬼之洗衫板 同埋你會唔會去埋飫肥

如果有買jr pass可以去熊本行下，你又咁多時間用

無啦 霧島可以唔洗買，因為你去一陣就想走 btw，jr pass係東瀛遊買平啲，470幾港紙咋

張welcome cute pass包埋鹿兒島嘅交通例如電車，city view bus(但有啲唔包，你自己睇翻) 你去咁多日要買2日pass la，淨係搭電車都抵

jr pass買咗 但係揀咗日子 d2至4用 book埋位轉唔到了
d1研究下
d2我一點先到指宿 因為唔知打卡同砂浴要幾耐 唔夠膽預太多景點
d3明白 咁應該唔買pass
d4唔去飫肥 諗住直接落車就去神宮

因為張巴士飛要預先訂定，唔係有機會嚮熊本上唔到車，高千穗落熊本可以唔洗，因為係乜人搭
我訂來回，好似平小小

渠蓋打卡就唔知，最後我趕得滯無搵到砂浴其實唔“浸"得耐，見啲人一陣就走。我自己玩耐啲4~5個字就走，你到時就明 不過要埋預少少時間沖涼換衫就真

d4你唔係book咗海幸山幸咩? 咁要係邊到落 我嗰時係去咗飫肥先，因為係順住巴士個路線咁玩，就算其間miss咗車去到青島就ok，唔洗驚翻唔到酒店，可能我住得遠先要咁啦

不過我覺得你真係要考慮下飫肥，值得一去，反正你又住附近，啲行程編好/right啲應該可以去埋

btw我唔係想掃你興，但霧島真係...尤其是個神社 另外，巴士啲班次真係要睇真啲，遇到幾條友miss咗班車又要呆等兩個鐘 呢日你最好早啲去，最好預埋晏就去其他地方