【求助】過幾日毒遊鹿兒島仲未plan好行程

是咁的，小弟過幾日就會飛鹿兒島(6日5夜，自己一個毒遊無人陪 )
睇咗好多post同旅遊書都唔知應該點plan啲行程，因為啲景點實在太散，唔知點取捨
我搭UO早機去，晏就翻嚟(來回都係鹿兒島機場)，所以其實得5日玩。宜加淨係book咗酒店，5晚都係鹿兒島天文館嗰面，係咪應該cancel，抽幾晚住第2到例如宮崎，熊本嗰啲?
諗緊買南九州jr pass，定全九州pass好? 如果南九州pass最遠可以去到熊本，定係買全九州pass 去埋福岡門司港嗰面(6日5夜係咪去唔到咁遠 )

希望去過嘅巴打可以分享下你地嘅行程/比啲意見

散撚
黎黎去去都係果幾個景點

咁想去嘅地方有櫻島火山(搭tour bus?)，指宿(浸砂浴,西大山)，宮崎(鬼之洗濯板,青島神社)，霧島(霧島神宮,溫泉,高千穗牧場)

去埋博多同福岡6日5夜會唔會太chur? 如果唔北上，淨係留係南面嘅話，去埋熊本，屋久島/種子島又得唔得

交通都係打算jr pass，巴士同電車，自駕遊係咪會好好多，去多好多地方? (但一個人去租車好似唔太抵，個牌又雪咗好耐 )

可能因為我咁多晚都住鹿兒島? 覺得去邊到都好遠咁

渣車定係JR好D

6日5夜想去鹿兒島宮崎熊本屋久島種子島博多門司?
你一日72小時?

去埋福岡會太chur，我嗰陣獨遊係咁plan，不過好chur 下
第一日機場直去霧島，住霧島，要注意啲車好疏要睇時間表
高千穗牧場車次重疏，我唔建議
第二日半日霧島加半日櫻島tour bus (開始用pass)
第三日上宮畸，去青島日南，住宮畸
第四日高千穗，住宮畸
第五日返鹿兒島，直落指宿
第六日中午上機

前一晚睇好曬巴士時間表就無問題
希望幫到你

宮崎
你第四日嗰個係高千穗町定高千穗牧場?
宮崎去高千穗町單程差唔多3個幾鐘喎?
即日來回去得高千穗峽去唔到天安河原

上次鹿兒島買左南九州pass
如果去埋福岡根本唔夠時間
仲有D巴士真係好疏
miss左要等成粒鐘, 所以睇清楚時間表先

淨係去高千穗峽，無去天安河源
因為淨係對高千穗峽有興趣 得一個人又唔想揸車，個陣落番宮崎都5:00

唔係去曬 去福岡就唔去屋久島/種子島啦，如果淨係玩南面屋久島/種子島都只係會去一個

一個人去日日轉地方住都得啦，５日揀５個點，每日都玩到夜晚先去下個往宿點其實都ＯＫ嘅

天安河原
其實我覺得天安河原靚過高千穗峽，幾有神秘感
不過有可能只係因為我自己去冇租船遊峽

我去嘅日數同埋心水行程都同你差唔多，但如果咁多晚都住鹿兒島，即日來回宮崎指宿霧島嗰啲會唔會太chur

我宜加都係傾向淨係玩南面，都諗住買張3日南九州jr pass中間啲日子用，頭尾無jr pass啲日子就用welcome cute遊鹿兒島咁

咁要睇你鍾意市區多啲定郊區多啲
如果鍾意市區多啲，買全國pass去埋熊本博多冇問題，鹿兒島⇄博多搭新幹線單程只係一個半鐘
我月頭先試過喺博多搭新幹線去熊本只係為咗食餐飯，食完就搭返博多

鍾意郊區多啲就難搞，度度都班次少唔方便
屋久島一來一回都差唔多冇咗兩日

你諗一諗你去嘅目的會易plan啲

咁吸引要專登搭咁遠車去熊本食餐飯? 咩嚟 其實我又無話prefer市區定郊區，都係一個人去鳩遊下，睇下風景散下心咁，九州又第一次去，所以都係見邊啲景點出名就去邊
不過會鐘意睇下風景/古蹟名勝嗰啲囉，係咪叫郊區? 見到話去櫻島/屋久島嗰啲行山都想去，但一個人淆底怕死咗都無人知，所以唔會去呢啲 另外因為覺得日本行街嚟嚟去去都係嗰啲驚安嗰啲大型百貨公司/藥妝，都會行嘅，但唔想花太多時間係呢啲 咁係咪叫鐘意郊區多啲

租車自駕
Day1: 高千穗牧場 神之里公園 霧島神宮 住霧島温泉
Day2: 日南 鬼之洗濯板 青島神社 鵜戶神宮 宮崎aeon mall 住宮崎
Day3 高千穗町 高千穗峽 天安河原 高千穗神社 夜神樂
住高千穗町
Day4 國見ヶ丘睇日出 阿蘇南上山 火山口 草之千里 阿蘇神社 住熊本
Day 5 經櫻島東面 道之站垂水湯足館 埋沒鳥居 有村溶岩 湯之平 道之站櫻島 渡輪連車返鹿兒島 市內遊
Day6 鹿兒島機場

酒店已經book好，雖然仲有得改/退，但啱啱搵過好多地方都已經無曬/好貴 應該住翻鹿兒島，唯有早啲起身即日來回算

搭巴士唔好上霧島浪費時間
住喺鹿兒島冇問題呀 住同一間酒店夠方便

你要一大早就出門，如果宮崎食晚餐就要好夜先返到酒店，其他就7:00左右返到
宮崎返兩個鐘，要玩曬 9:30前就好開始坐巴士行青島日南，5:30後就無巴士
指宿就好似個幾鐘，不過巴士多d，當時我好似6:00左右玩曬
你預每日都有3到4個鐘坐緊車

住晒鹿兒島咁你唔好預去到邊度好啲

青島預一日(要晨咁車出發而且搭車都搭呆你)
霧島神宮要預一日(大部份時間等巴士)
http://roasterpig.blogspot.com/2017/09/kirishima-temple-transport.html
桜島半日+鹿兒島市場半日
過幾日就出發即係鐵道旅都唔洗諗
熊本一日
指宿一日
完

住晒鹿兒島咁你唔好預去到邊度好啲

青島預一日(要晨咁早出發而且搭車都搭呆你)
霧島神宮要預一日(大部份時間等巴士)
http://roasterpig.blogspot.com/2017/09/kirishima-temple-transport.html
桜島半日+鹿兒島市半日
過幾日就出發即係鐵道旅都唔洗諗
熊本一日
指宿一日
完

咁啦⋯⋯
Day2用welcome cute 朝早去櫻島，下晝去仙巖園等地方
Day 3去指宿（唔用jr pass)
Pass1 Day4去霧島
Pass2 Day5去宮崎（搭7:30Jr,10:00到）
Pass3 Day6去熊本
諗諗

點解鐵道旅唔洗諗，我都想順便搭下佢啲特別啲嘅列車例如玉手箱號/隼人之風咁