《有一晚，我喺學校操場遇上跌落凡間的天使》

「啊無……」蔥仔同我先回過神嚟。

「係喎。」蔥仔忽然間細細聲係我耳邊講，「你一陣要多謝返呀紫啊。」

「下？點解聲？」我細細聲問返佢。

「一陣你就明㗎啦。」

我哋一邊食蛋糕一邊吹陣水，小藍當然有講埋啲肉麻嘢，又話好感動好驚喜啦，我哋之間嘅感情搵唔到一個理由去解釋曬所有因由。

緣份係一件好神奇嘅事，將好多估唔到，但又順理成章嘅巧合，巧妙地湊合埋一齊，成就咗我哋依家嘅友情。

我諗，喱樣「巧合」，先係最珍貴嘅嘢吧？

最後我哋幾個當然少不了合照，俾壽星仔可以擺上ig呃下like。

夜色好快就偏黑，意味住我哋都差唔多要離開。

我哋一邊行去搭車，去到後尾就分開兩邊，蔥仔同小藍順利，所以佢哋兩個一齊返，剩底嘅得返呀紫、小瑤同我一齊返去。

「呀，我頭先行過萬寧幫你買咗支藥酒，我婆婆佢都係用喱隻，去瘀好有效。」

呀紫佢係書包拎咗支藥酒出嚟俾我，全新，未拆封過。

我明白曬所有嘢，頭先蔥仔同我講嘅，係指喱樣嘢……

呀紫仲專登出去幫我買支藥酒，又要買蛋糕又要買藥酒俾我，一定好趕頭趕命。

我感動地道謝：「多謝曬。」

雖然只係好小事，但內裡嘅心意深遠，看似朋友嘅在乎，但實際慢慢開始超
越朋友間嘅介線。

返嚟抖咗日先出文Sor 聽日繼續出
希望可以多返啲正評啦

推

推

推

推

「藥酒有咩用啊？」小瑤面色好似唔係幾對路，講嘢有氣無力咁。

「小瑤？」我叫住小瑤，做咩事呢佢？

「我有啲暈暈地，同…同…同埋無…無乜力…」明明頭先食緊蛋糕嗰陣都無事㗎。

「我哋搭的士返去先。」我有點緊張地同呀紫講，呀紫都明白。

「咁我自己返去先。」

「洗唔洗一齊搭的士？」我關心地問。

「唔洗啦，我自己搭車返去得啦。」呀紫微笑地道，佢嘅笑容真係好有殺傷力，令人無從抗拒。

「咁你返去小心啲啦。」我扶住小瑤講，但其實我隻腳咁痛緊，但小瑤睇嚟仲嚴重過我。

「嗯。」

「啊，多謝你支藥酒。」我再次多謝呀紫，我望住呀紫雙眼說道，就咁互望咗眼，我都感到陣陣愛意，不過喱種愛唔一定得「一種」……

唔知啦，答案從來唔會咁簡單就話俾你知，知又好，唔知又好，享受當下更為重要。

以後當你知道個答案嘅時候，可能喱種感覺已經不復存在。

「好好用啊。」呀紫再一次叮嚀我，然後就轉身離開了。

我快快手係附近搵架的士，我自己都撐唔到幾耐老實講。

幾經辛苦，終於返到屋企，我扶小瑤落床到休息，佢嘴唇無乜血色，天使都會病……？

「你點啊？洗唔洗去睇醫生？」

「唔……唔洗。」

「但你咁樣點會好啊？」我始終都認為去醫院會好啲。

「過兩日就會好㗎啦……」

我都係搵呀媽問下佢點算好，我唔想小瑤有咩事。

另一邊廂。

蔥仔同小藍一齊行去搭小巴，一邊行嘅時候，蔥仔一路盤算緊幾時送小藍份生日禮物好。

「係呢，你生日許咗咩願望咩？」蔥仔平時牙尖嘴利，依家單獨同小藍一齊就顯得笨拙。

其實小藍都一樣感到尷尬，生怕蔥仔又會突如其來嘅表白會令到佢手足無措。

「邊有人會講㗎，講咗咪唔靈囉。」

「哎……」蔥仔唔知講咩好，本來已經同自己講平常心㗎嘛，但係一到咗喱啲時候，就會緊張。

今日真係少啲心力都唔夠啊。

「送俾你啊。」蔥仔努力裝出好自然咁樣，但係拎個獎牌俾小瑤嘅時候，隻手都係度抖顫緊。

「下？送俾我？」小藍十分訝異，勢估唔到會送獎牌。

「嗯……生…生日禮物啊。」

然後蔥仔頭腦一熱，衝動地拎起獎牌，將獎牌套落小藍度，直接由頭一路套到落項到，快手快腳，小藍都未嚟得切反應。

「喂啊……」小藍無機會話唔要，蔥仔亦都無俾機會小藍開口。

「嗱，喱個係我人生第一個獎牌嚟㗎，唔準唔要啊……」蔥仔把口講得太急，搞到小藍聽得唔係咁清楚，但佢都明白嘅。

「睇得出，你平時連跑下都懶，我都奇怪你點解會無啦啦參加陸運會㗎啦。」

小藍拎起個獎牌，望住個獎牌笑，笑得好傻，但心頭係甜絲絲嘅。

「個獎得來不易㗎！」

「知你努力咗好耐啦……」小藍仲陶醉嘅時候，蔥仔接住用音速嘅速度講道：「要夏晨仆街先拎返嚟㗎個獎！」

頭先大好嘅感覺都俾佢喱一句瞬間平熄曬，「屌你啦！」

小藍因為俾佢壞咗個心情，繼而嬲起上嚟。

「好啦好啦，唔好嬲啦，俾下面個獎牌啦，同埋今日你生日我仲走出去買蛋糕添。」

小藍清楚，蔥仔真係為佢做咗好多嘢。

佢醒起之前夏晨講嗰返，試下為蔥仔諗下。

其實夏晨講得無錯，雖然蔥仔成日激嬲佢，但係得蔥仔先忍受到佢咁嘅臭脾氣，打不還手罵不還口。

而且為小藍做咗好多嘢，小藍儘管再口是心非，但都係受落嘅。

「多謝你。」小藍低著頭，細細聲講道。

蔥仔聽到之後，頓時開心曬，頭先仲煩緊唔知點開口講話送個獎牌俾佢。

「咁你送咗個獎俾我，咪無獎牌囉？話曬喱個係你第一個獎牌，亦好有可能係最後一個喎。」

機警嘅蔥仔早有準備，從冷衫入面拎咗個獎牌出嚟。

「下？點解嘅？」小藍算唔到喱一步。

「我社際都有獎啊，哈哈！」蔥仔得意地笑，但佢唔知咁樣又再激嬲小藍。

「哼！姐係我喱個都無咩特別姐。」小藍知道後更覺得喱個獎牌好隨便，感覺就好似係多出嚟嘅獎牌，先送俾小藍。

小藍真係除返個獎牌落嚟，俾返蔥仔，然後走咗去。

本來高興到不得了嘅蔥仔，一時間呆咗咁企係度，唔知俾咩反應是好。

遲鈍嘅佢，慢幾拍先識得追上去。

「唔係咁㗎小藍，你聽我講。」除咗用啲老土電視劇嘅手段外，蔥仔真係唔知點做先好。

蔥仔拖住疲累嘅身軀，追去小藍前面，望住小藍生氣嘅眼神，認真地說：「喱個獎牌絕對唔係隨隨便便㗎，你知我啦，都唔係做運動嘅料，如果淨係得一個班際嘅話，一定會拎到獎？如果拎唔到獎咁點算喎？」

「我想送啲有意義嘅生日禮物俾你，當我知道你生日咁啱係陸運會嘅時候，我就已經計劃好諗住將個獎牌送俾你，我仲特登搵夏晨同我特訓㗎。」

小藍臉上因為生氣而變得崩緊嘅表情慢慢緩和落嚟，抱住懷疑嘅語氣問道：「真係嘅？」

「梗係啦，我第一次拎獎嘅獎牌點會隨隨便便就送出去先得㗎？」蔥仔諗住扮嬲返小藍，然後擰轉頭走。

「哦，你咪嬲囉！」小藍兇一兇，蔥仔就好似死狗咁行返嚟。

「既然你送咗俾我，就係我㗎啦！」小藍諗住拎返個獎牌。

「等陣先！你會唔會又好似頭先咁唔要佢㗎？」

「唔會啦。」小藍都收起咁惡嘅態度，一路以嚟，佢都對蔥仔太惡，但蔥仔一直用佢嘅溫柔方式慢慢走向小藍。

蔥仔再一次幫小藍戴起個獎牌，不過今次唔再係心急，而係慢慢幫小藍戴起佢。

今次，佢哋兩個嘅心慢慢開始靠近。

幫小藍戴起個獎牌後，蔥仔不捨地說：「我都唔捨得將佢送俾人啊……」

「做咩啊？咁快就後悔啦？」小藍笑得好甜，佢將喱份甜意包裝成玩笑。

「唔係啊，我唔會後悔，因為比起個獎，你更加重要。」蔥仔認真地說，唯獨認真，才能夠將自己真正嘅心意傳達出去。

「我係唔捨得我努力咗咁耐嘅成果姐，不過好彩最後都有收成，哈哈！」

「超，對我咁好做咩姐？」小藍明知故問。

「你知㗎，你又想我再講多次啊？」

「講…講多次又無妨嘅……」今次小藍比之前更加細聲，所以蔥仔今次聽唔清楚。

「你講咩啊？我聽唔到啊。」蔥仔生怕唔知聽漏咗啲咩，可能一陣又激嬲小藍，於是追問道。

「無啊，無嘢啊！」小藍聲線帶點嬌柔，開始似返個女仔。

「喂啊！我真係聽唔到啊……」

佢哋就係咁樣你追我逐咁，都係未有一個結果。

依家小瑤仲係痛得好辛苦，我陪係佢身邊一段時間，但仲係發緊高燒，周不時都要拎水俾佢飲。

「喂，你真係好嚴重喎，不如帶你去睇醫生啦。」我緊張地道，見到佢病到咁，再唔去睇醫生我驚佢有事。

係唔係唔習慣人間嘅氣候呢？定香港空氣污染好嚴重？搞到佢如此尊貴、敏感嘅身軀頂唔順呢？

「唔洗啦，我抖返一日就無事。」小瑤依舊有氣無力，見到咁我更是徬徨。

「唔得！你都病到咁，我帶你去睇醫生。」我可能自己順便都要睇埋。

「我依家都無身分證，就……就算去到都無用啦……」

小瑤如此一說，我就反駁道：「你有超能力㗎嘛，你實有方法嘅。」

「我無啦……」

「下？咩啊，你點會無姐。」

「你記唔記得我今日幫你整返好個傷口啊？」小瑤會再次提返起，唔通係因為咁？

「其實……其實我唔應該幫你㗎，咁樣係違反大自然嘅規律，姐係就算有人係我面前死，我都唔可以幫啲咩手，所以我依家先會搞到咁……」

我頓時語塞，本來諗咗好多勸小瑤去睇醫生嘅說話，但全部卡喺喉嚨到，講唔出口。

「你做咩咁傻啊？搞到自己病。」

如果我知道會有咁嘅結果，我就唔會要佢幫我啦。

我疼惜地摸摸小瑤個頭，佢真係一個大傻瓜嚟。

「放心啦，我抖返一日就無事㗎啦，所……所以啊，唔洗去睇醫生啦。」

「你真係呢……」我唔知講咩好，只好用咁樣去掩飾自己嘅感動。

「聽日同埋後日都放假，等你好返就帶你出去玩啦。」我想做返啲嘢嚟報答小瑤。

「但你隻腳……」就算小瑤病緊，都不忘擔心我傷勢。

「放心啦，我有呀紫俾我嘅藥酒，好快都會無事㗎啦！」我氹住小瑤先，其實邊有咁快好啊，都要死頂㗎啦。

「哦……咁好啦，係呢，點解聽日同後日都會放假嘅？」小瑤好似聽到有得出去玩，個人比較有返啲精神。

「不嬲陸運會之後都會放一日假嘅，俾啲運動員休息返一日，但後日呢，就係教師發展日，所以好彩連放兩日！」我解釋道。

「好……好啦。」小瑤微笑著，用氣聲績說：「咁等我好玩帶我去玩啦。」

「你係會好返先好啊……如果你聽日仲唔好玩，就無得帶你出去玩㗎啦，就帶你去睇醫生㗎啦！」

「知啦，我實會好返……」

然後我同媽咪輪流照顧住佢，到咗第二日傍晚到啦，佢又真係好返曬喎，龍精虎猛咁。

我嗰陣係廳到睇緊電視，小瑤好似啲精靈咁跳出嚟，嚇我一大跳。

「做咩姐你？」我係俾佢個on9樣嚇親，「咦？你好返啦？」我放低手上嘅薯片，走過去望下佢。

「真係咁神奇？一個鐘頭前入去睇你仲係床度死死下嗌飲水㗎。」

我再一次驚嘆：「哇，喱個世界真係無奇不有啊。」

「咁聽日係咪有得出去玩啦？」小瑤好興奮咁同我講，隻眼碌到大一大。

「係，我應承過你㗎嘛。」我唔會食言嘅。

「耶！有得出去玩嚕。」見到佢就諗起細細個會好期待學校啲一日遊咁。

「你好好地休息下先啦，雖然睇落好似好返曬，但都抖下啦，養足精神聽日出去啊。」我叮嚀著。

推一推

推

G持

推

推
好多嘢做

推

我都係，已經兩個禮拜無入黎推
btw巴打仲咁堅持

我想睇到結局

我仲等緊台灣故

係喎
你有無推嗰邊？

佢未開新post唔催佢啦，重質不重量最緊要唔好棄

聽日考完試再更新

加油