《有一晚，我喺學校操場遇上跌落凡間的天使》

一陣陣嘅內疚感由心裡面洶湧而上，無處安放。

我依家可以做嘅，就係支持佢，係佢落場前俾多啲鼓勵佢。

陸運會好似往年一樣，無咩特別，但小瑤就覺得好新鮮，見到咁大個運動場，一入場就哇哇叫。

我哋陸運會分社坐，我哋四個原本分別係四個社，我就黃社，小藍就藍社，蔥仔就綠社，而呀紫就紅社嘅。

小瑤入嚟嘅時候咩都安排同我一齊，所以佢自己內定係黃社。

「你一陣落場唔好咁緊張，放鬆啲，知嗎？」

「嗯嗯，我知道㗎啦。」小瑤反應無我想像中咁緊張，表情一臉平和。

「我根本就唔在意名次，我只係想好好享受下，真實地參加喱次陸運會姐。」

平時傻頭傻腦、冒失嘅小瑤，依家竟然講啲咁熱血嘅說話，一時之間都搞到我唔知點樣接落去。

我呆了一呆，先識得俾反應，道：「哦，咁好啦，你好好地享受一下啦。」

「你記得落場前做好熱身啊。」我講完之後暗暗覺得奇怪，天使洗唔洗熱身嘅呢？身體構造好似唔同？

當我係度諗緊自己講嘢係咪有病嘅期間，小瑤細細聲咁問我：「Kero，你可唔可以教我熱身啊？」

我唔知點解佢會細聲同我講，但我俾佢突如其來嘅舉動嚇親，個心砰砰咁跳。

「哎……好啊。」我成個人亂咗套咁，連答應佢都好似亂嚟咁。

「好嘢！」小瑤滿足地笑，喱一瞬間好快就過去，但俾我記咗係心中。

我盡量唔去望小瑤，我頭先嗰一刻竟然覺得小瑤佢好可愛動人，我下意識地避開佢，更加想搞清楚係咩一回事。

我哋一路相安無事咁係度等開幕，然後盡量唔諗頭先發生嘅事，好似平時咁有講有笑，仲周不時趁人唔注意走去其他社度搵人，搵到攰啦，佢哋又會走過嚟搵我哋，一來一回咁。

日子過得開心，而快。

「喂！仲有兩項就到你啦喎。」我提提小瑤。

「啊…係啊？」小瑤仲好開心咁同小藍傾偈，小藍無所事事咁走過嚟R水吹。

「你去啦！加油啊！」小藍不忘幫手打氣。

「依家要做啲咩啊？」小瑤唔知發生咩事，有點焦急地問道。

「熱身啊，嚟啦，依家帶你去熱身。」

「哦。」小瑤呆呆地應我，手忙腳亂咁除咗自己件外套。

小瑤除衫嗰下露出佢天使般白哲的皮膚，個一下動作十分迷人，坐係後面嘅男仔無一個嘅目光唔係放係小瑤身上，眼神全是色迷迷的。

我即刻細細聲叫小藍，「喂，叫小瑤著返件嬲先啦，成班男仔望住。」

「小瑤，著返件嬲先啦，依家凍啊，唔好臨出賽病啦。」小藍都識執生，胡亂作個藉口。

平時係屋企都唔覺小瑤咁有魅力，我真係呢……諗乜啊！？

「好啦。」小瑤唔為意，一副憂心忡忡嘅模樣。

我帶小瑤往高處走，下面成堆人係度熱身，上嚟無咁逼，但最好唔好俾人捉到囉。

「哇，喱度望落成個運動場好大好靚啊。」

「仲有好多好靚嘅嘢你未睇過添。」

加油

文呢

「有你陪住我咪得囉。」

「下？你講咩話？」我搞唔清楚佢頭先嗰句係咩意思。

「我話有你陪我就咩都好。」小瑤天真爛漫地笑。

「咩意思啊？」

「咪就係咁嘅意思囉。」小瑤依舊維持住佢嘅笑容，意味深長地說道。

好快，佢就轉咗第個話題，問道：「咁依家要點熱身啊？」

接落嚟我就簡單咁教小瑤點樣熱身，其實佢唔需要搵我教佢熱身，佢求其搵個人都教到佢。

儘管心裡面有疑惑，但一時三刻你係唔會知道答案，甚至以後都唔會知道。

我見住小瑤笨手笨腳咁，搞到我都好擔心佢一陣跑八百米點算。

我叫佢舉高隻右腳，佢就舉高隻左腳；叫佢打開隻腳，雙手垂直擺，慢慢壓落去拉筋，佢就成個人趴落地下。

好不容易先糾正返佢，淨返些少時間可以拉筋。我叫佢原地跑下，等自己熱下，容易進入狀態。

然後我係一旁睇佢嘅姿勢，好似啲小學細路女咁，雙手拳頭握到實一實，兩頰因為做運動熱，而導致紅起上嚟，紅卜卜咁。

本來皮膚已經好白嘅佢，臉上一紅就更覺明顯。

好可愛。

小瑤同呀紫唔一樣。小瑤俾人感覺更親人；而呀紫嘅感覺就比較高冷。

「女子甲組八百米第一次召集。」廣播好大聲咁播出嚟。

我立即同小瑤講：「開始咗啦，第一次召集。」

「下？」小瑤一頭霧水。

「姐係你差唔多要去集合啦，就快比賽啦。」

「你一陣要俾心機啊！盡力就得㗎啦。」我送到佢去召集處，然後提提佢，怕佢會落場後緊張起嚟。

「知啦Kero。」小瑤輕鬆笑起上嚟，頭先嘅緊張感好似一掃而空咁。

小瑤緊握拳頭，深呼吸，然後向住召集區前進。

人仔細細嘅佢，此刻俾我嘅感覺卻好高大威猛。

反到去我並唔係第一時返黃社，而係搵捷徑去其他社，第一個經過嘅就係紅社。

正當我想叫齊其他人一齊幫小瑤打氣嘅時候，我自然想搵咗呀紫先，但喺我走入紅社嘅時候，我見到呀紫好開心咁同其他紅社嘅男仔傾偈。

我認得嗰個男仔，確實係幾男神，每次社際接力佢都有份跑，而且仲要高我哋一from，師兄嚟。

又係嘅，呀紫咁靚女，無人想溝先奇啦，爭住做佢隻兵添啦。

本來心情好雀躍，急步走過嚟嘅我，都緩緩放慢腳步，心入面五味陳雜。

醋意？酸？唔知點好？真係各有千秋，打曬結。

一步一步行過去嘅時候，我都好希望呀紫有注意到我，但並沒有。

證明佢哋都傾得幾開心，幾投契啊。

我幾乎行到佢哋正前面，先識得木納地舉起隻手，禮貌地說：「嗨！」

呀紫依家先見到我，露出驚訝嘅表情，但都擋唔到佢頭先開心嘅笑容。

「做咩事過嚟嘅？你唔係黃社嘅咩？」

多謝仲有睇緊嘅巴打
後來都打到有點心灰但我都會繼續出的
今晚再出

努力

「無……一陣小瑤佢跑800米，諗住叫埋你哋一齊去幫小瑤加油打氣咋嘛。」

「小瑤有參加啊？」呀紫比頭先見到我更加驚訝。

「有啊，乜佢無同你講咩？」我以為其他人都知添。

「佢好似都無同我哋講。」

「我都係今日返學先知嘅……」

「好啦，我哋一陣去幫佢加油。」我哋無視咗個師兄，搞到佢好尷尬咁企係度，唔理嚕，我理得佢啊。

「唔好意思啊，我一陣要幫個朋友加油，我要走先啦，我哋下次再傾過啊。」

「咁好啦，下次再傾。」師兄臨走前仲望下我，雖然唔明佢個眼神係咩意思，但唔方好得去邊啦。

「依家點啊？」呀紫問道。

「去搵埋其他人，搵個靚位囉。」

我叫埋其他人之後，係臨近終點嗰個位等候小瑤。

「小瑤又會咁大膽參加都有嘅？」小藍為此感到不可思義。

「又唔叫埋我！」小藍原來係嬲喱樣啊？

「叫埋你佢咪會輸囉，哈哈！」蔥仔串到應一應，最後當然免不到皮肉之苦。

「你咩意思啊死人蔥！」

「哈哈！」我同呀紫都俾佢哋逗笑。

「你哋覺得小瑤會跑第幾啊嗱？」呀紫問道，喱個問題實在唔好答。

「開賭開賭！」我拎定個銀包出嚟。

「我買20蚊，第四！」蔥仔好快就和應我。

「喂啊，你哋好衰啊，拎自己個fd嚟玩。」小藍睇唔過眼。

「講笑咋嘛，我哋邊似啲咁嘅人姐。」蔥仔即刻變死狗。

「我買50第一！」小藍怒吼一聲，嚇親旁邊嘅人。

「咁先係fd㗎嘛。」

「屌！」我同蔥仔異口同聲地說。

終於等到小瑤出場，佢傻更更咁跟住大隊行，個樣真係好好笑，其他人見到都跟住笑。

「小瑤係咪緊張得制啊？」呀紫睇得出。

「睇怕係啦。」

小瑤漸漸靠近我哋喱邊，我哋絲毫唔理會旁人嘅目光，係度大呼小叫：「小瑤！小瑤！小瑤！」

小瑤終於注意到我哋，朝我哋露出一記幸福嘅笑容，簡單嚟講，姐係傻瓜笑容。

「加油啊！」

我哋係咁叫小瑤靠過嚟，小瑤走在人群旁，半邊臉龐係怕醜仔，另一半邊臉龐係開心仔。

「唔好咁緊張啊，放鬆啲啦，你得㗎！」小藍不停地鼓勵著小瑤。

呀紫亦是如此，鼓勵著小瑤：「我相信你得㗎，俾心機啊。」

「小瑤佢會唔會出術㗎？」蔥仔問咗一條我問過嘅問題。

「啪」一聲，好明顯喱下係邊個打嘅，然後理直氣壯地道：「小瑤佢先唔會囉！」

加油

係就係出得慢d，但屌你又寫得幾好喎加油

LM

推

多謝支持

我努力搵返啲動力去寫

加油啦等緊你好多故架衰仔

「小瑤都講過佢唔會啊。」我幫忙回答。

「哈哈！我一早知佢唔會係啲咁嘅人，頭先都係想測下你哋對小瑤嘅友情咋嘛！」蔥仔無嘢叻，最叻就係狡辯。

「吹啊你。」

無幾耐，佢哋就已經各就位，係運動場嘅大屏幕上，清楚地見到小瑤嘅名，佢係第六線道。

「喂喂！小瑤啊。」蔥仔指著屏幕。

「開始啦開始啦。」

「唔知點解，睇小瑤比賽，仲緊張過自己參賽。」小藍道。

「我都覺啊喂，睇人哋係特別緊張。」我贊同。

我都未講完，就已經聽到槍聲，係遠處見到參賽嘅人起跑咗，不過因為遠得制，睇唔到小瑤係邊。

不過我哋嘅視線都無離開過人群，而且本來好多嘢講嘅我哋，都無一個人再出聲，個個都好安靜咁專注睇比賽。

好快，人群由對面岸跑到過嚟喱邊，旁邊嘅呼叫開始大，我哋見到小瑤係中間，同第一名有啲距離。

「加油啊！俾心機啊！加油！」小藍唔理儀態，一邊嗌一邊跳起身，見佢仲緊張過小瑤。

我哋都一齊嗌：「小瑤加油小瑤加油！」

小瑤都有望過嚟，淨係一個圈都跑到佢出曬汗，氣喘喘咁。

不過佢見到我哋之後，係快咗嗰一陣，然後係轉彎位又慢落嚟。

喱一個圈比上個圈更加慢長，我哋等到頸都長，終於都俾我哋等到。

排名上，小瑤都係同之前一樣，今次我哋嗌得更加落力。

但隔離全部都係其他社係度嗌口號打氣，將我哋嘅聲全部蓋曬落嚟。

我哋用盡全力幫小瑤加油，就連呀紫都用盡全力，我又點可以唔做呢？

呀紫嗌到頸以上部位都紅曬，可見佢真係好用力，聲音全部都係尖嘅，小瑤咬咬牙，開始發力，由第六名慢慢開始接近第五名。

小藍佢哋見狀，嗌得更加落力，加油聲此起彼落，比小瑤更加激動。

「啊！啊！」後來尖叫聲代替咗加油聲。

小瑤係最後六十米過埋唔係差好遠嘅第五名，與第四名並排。

可惜嘅係，臨尾俾第四名爬返頭，最後只係得第五名。

不過佢已經好努力，我哋全部都好興奮咁去終點嗰邊等小瑤。

小瑤佢已經無乜力，額頭上面出曬汗，臉色好紅，行步路都好似無咩力咁。

我哋帶佢去隔離坐下抖下先。

「你好叻㗎啦，後面差啲超咗兩個人。」呀紫安慰小瑤。

「係啊，你真係好努力㗎啦。」小藍跟著接落去。

我同蔥仔都無出聲，喱個時候都係交俾女仔好，我哋出聲就無咩好說話㗎啦。

小瑤無出到聲，不過有俾微笑回應。

坐咗陣，小瑤就起身，想返去。小藍同呀紫都有幫手扶住小瑤，小瑤回返條氣之後，就道：「多謝你哋啊。」

「欸，講喱啲嘅咩？」

「係囉，我哋都想你贏㗎。」

唔好灰心，一日未寫完一日仲有人想睇

最後係無人賭贏㗎，不過後來都無咗件事，當作係講下笑咁。

小瑤比賽完後，下就先到我哋班際接力，跟住落嚟就到蔥仔緊張啦。

根據流程表，我哋係食完飯第一場比賽，今年真係衰仔，放完飯返嚟無耐，未消化好就開跑。

姐係我哋唔可以食咁飽，如果唔係一陣唔舒服就大鑊。

因為我同蔥仔一陣有比賽，所以中午就無同班女食飯，我哋兩個自己搞掂。

班際接力規定一定要有一個女仔係隊伍入面，我哋班上跑得最快除咗小藍之外就係呀宜啦。

所以我哋第一棒係蔥仔，第二棒係呀宇，第三棒係呀宜，最後一棒就係我。

以實力嚟講我哋應該排全級第四啦，其他班啲男仔都跑得好快，就算女仔落後少少，其他棒都可以追得返。

食完飯之後，我就四個就練下交接棒，蔥仔唔洗接，淨係跑去俾就得，對佢喱個新仔嚟講，係最易嘅任務。

因為你接棒嘅話，需要就交棒嗰個人嘅速度，最好就你最快幾跑嗰下，交棒嗰個又有咁嘅速度俾到支棒你，如果唔係出咗交接棒範圍就死啦。

所以兩個人嘅默契好緊要，通常跑到最後已經無咩力㗎啦，所以有時我都會就住就住，當一接到棒就全力向前衝。

我哋練咗一陣之後就休息，因為大致上交接都無咩問題，剩底嘅就係調整自己個心態。

我同蔥仔求其係小賣部買啲小食食完就算，然後就講起今日小藍生日計劃。

「你諗住點送嘢俾小瑤啊？」

「我嘅意思係，如果一陣拎唔到獎，你點算啊？咩都唔送？」我估蔥仔無咁兒戲，佢實有計劃嘅。

「下？我無準備其他禮物啊。」佢嘅答覆實在令我感到驚訝，哇！你真係至意我哋一定拎到獎？

「你對我哋咁有信心？」我已經好婉轉咁表達我內心嘅疑問。

「傻啦，我仲有報社際接力㗎嘛。」

「……」

頓時間我唔知講咩好，無語到極點，醒得嚟又好盞鬼又好無奈。

「你都得㗎啦，真係估你唔到。」

「我哋社際男仔嘅陣容咁勁，而且得四個社，只要頭三就有獎啦，你話機會係咪大啲先？」

「……」點解我咁蠢，估唔到佢仲有如此一著呢？

「你真係計好曬喎，原本拎唔到獎都會話可憐你，幫下你，但依家你都仲係拎唔到獎，我會笑柒你成世。」

「呸你個烏鴉口啊，咁話你個兄弟嘅咩？雖然個可能低，但唔代表一定拎㗎嘛，好心你就祝福下我啦，我個幸福都賭係今鋪啦。」

「好啦好啦，俾心機話唔定有兩個獎呢！一人一個，咁好未？」我受唔住蔥仔份真誠，真係為女死為女亡。

「咁就差唔多！」

等其他人返曬嚟無耐，我哋都差唔多要準備啦，所以啱啱好等到小瑤返嚟。

佢嚟到嘅時候，我咁啱要去拎釘鞋。社入面可以借釘鞋，跑完還就得啦，但係有時啲釘唔齊全，就算齊全都唔一定有自己碼，所以一係靠運，一係換釘。

我就唔好彩，要換釘，搵到嗰嘅釘都要時間，所以最好早啲搵，如果唔係釘都無。

推

喱兩晚都出唔到文！sorry
禮拜二再補返

ok~
到時見