［長文］根本男人都要支持feminism

所以我一路都反對女權/feminism in general
成班女權西/feminists對性小眾有事就鍾無艷，冇事就夏迎春，成日焗性小眾上船撐佢地，但去到實際情況/成功爭取修法嘅時候就當condom用完即棄

咁點解個共識係女人留喺屋企男人出去？建議你可以睇下一本叫《82年生的金智英》嘅書，睇完會明多啲野

睇下上面拗嚟拗去都仲係一面自稱為所有人爭取權益，一面就剩係提女人點點點點慘，真係無撚得救 queer/trans難搵工/連工都搵唔到，成件事仲嚴峻啦，又唔見女權撚提

你覺得一個實驗會唔會咁膚淺..
所以大學生先要學做實驗/調查

通常一個實驗真係有啲避免唔到嘅uncontrollable variables，會寫咁係一份study嘅尾二個part.
例如最常見嘅係時間，一個實驗可能要做好耐....當中有可能取料時間係一月一號同一月二號都好大分別。

其實個po一開始就已經講係話要為男人爭取權益，男人都係父權制度下嘅受害者
至於lgbt嘅問題，我睇見台灣單野已經覺得好悲觀，條路好長，或者可以再討論

我覺得圖表只係指出事實
事實冇分膚唔膚淺
睇圖表的人點解讀張圖表先係關鍵
至少我覺得憑樓主嗰兩張圖表就得出“男女唔平等”呢個結論係唔夠嚴謹

啱啦 要多啲啦
呢個咪證明緊有歧視囉
想點呀 最好緊係男女要一樣咁多商店揀！男女都一樣咁多廁所。

收窄範圍討論
本身男女係真係唔應該被stereotypes
即係一個stereotypes 係唔應該根據男/女不同而存在。
而而家嘅問題係最根本錯誤嘅人地對男女存有定型
而商家加強咗呢個根本錯誤，所以要改變先會咁難
商家係呢個香港上係甚至可以製造社會氣氛/意識
根本惡性循環。
而家想改變商家（ie侍產假），已經做緊嘢，但力量唔夠。明冇？
因為香港人係向錢看，所以唔會反商家。

我又唔認為一本架空小說可以如實反映社會實況
加埋本野本來目的就係寫女人點慘 可以用黎說服人咩
咁其實男人會出去女人留係度真係只因為性別定型?
咁你又點解釋家陣社會兩個都出去做野嘅現象
又點解釋有部份人係女人做野但係男人係屋企嘅現象
我一開始就講左個人唔反對性別定型
定型一開始就可以令男女知道自己傾向揀咩職責
但最後實行唔單只受性別定型影響
做野黎講首先經濟壓力嘅影響已經大過所謂性別定型

同埋我覺得你個post一開始就錯左對象
首先大部份人所反對嘅feminism正正就係你口中R著數又唔洗做野嘅"feminist"
一係就啲捉埋雞毛蒜皮野hu"man"呢啲又冇作用又唔合理嘅戇鳩仔
你講嘅根本就係Gender Equality
我覺得現時香港社會已經好接近仲有啲偏向女性添其實

有冇發現男人先話人話得最多狗公..
通常都係講自己女友好多狗公圍住....

我世界暫時仲係有啲細，多數定留係連登
我見到嘅都係對女性不必要嘅針對

Eg 肥/暗瘡/甚至著條短裙都會比人話臭雞
咁男性呢！

你誤解平權嘅意思
平權係1）填補先生缺憾 2）先再追求一樣

之前有一張好hit嘅連環圖，講三個小朋友一齊望窗
個個就係平權

係，我有認過自己開po嗰陣未了解清楚，有巴打解釋完之後我有更正，唔好意思mislead咗你

第一個回覆你就秒鳩人地成個post

唔認同
呢個係商家嘅概念
男女公平應該要連帶所有一樣
但好明顯同商家嘅supply demand 有衝突
其實可以兩方一樣都好多好多選擇先係。

但廁所呢個，其實可以1:1
多啲女廁嘅話其實冇人介意男廁會唔會多個女廁
只要女廁夠嘅話。
其實終極係應該要有兩性廁所
我到而家都唔明點解要停留係男女廁咁低層

多謝糾正，我都唔記得咗有兩性廁所呢個選項

根本就係兩個人講緊自己獨立意見
唔一定要統一一個答案嘅，由兩個人提出喎，點會一樣。唔洗亂

咪玩啦 兩性廁所 男人幾分鐘就解決到嘅事
點解為左就女人去得耐就慢埋一份先
根本兩性廁所對男有害無益 典型扮平等實質謀利益嘅兩性例子黎

唔知巴打第二段係唔係回應緊我講既野 有少少野想補充

其實我#87樓舉呢個例 都有講一句「拎現實例子講既話仲有好多其他因素要考慮」
所以我唔敢講要老母煮飯一定同性別定型有關
但係可以肯定既係 性別定型對於形成「要老母煮飯」呢個概念有影響

「會唔會屋企有共識唔洗佢賺錢所以佢最多時間做家頭細務?」
呢層唔知 當然有可能 不過個位巴打有講過佢老母要返工

「你唔會expect老豆大佬煮飯其實會唔會係因為佢地根本唔識煮?」
咁我會想問返巴打 點解老母就一定識煮？
最直接聯想到既原因就係因為社會覺得做得人地老婆/老母就要入得廚房出得廳堂 要識煮飯俾屋企人食
如果巴打你唔接受呢個解釋 冇問題 咁我又想問 咁點解老豆同大佬唔識煮就可以做唔煮飯既藉口？點解唔學？
我相信佢地老母都唔係天生就識煮飯 但係老母就係俾人要求緊要煮得一手好菜 唔識就要學
相對地 老豆同大佬就冇呢個要求

同埋呢 巴打你有冇發現 你呢段野預設個位巴打老母唔洗返工 全職留係屋企做家務
而巴打同巴打老豆同巴打大佬都要返工冇時間
呢樣本身已經係性別定型

最後重申一次 的確 上面所有野可能用另外既原因去解釋都work
絕對有可能完全同性別無關
但係都絕對有可能真係同性別有關

不過老實講 我覺得淨係咁樣針對一個case黎講冇咩意思
覆埋呢次唔覆 巴打仲有野想問既話等其他巴打黎解答