［長文］根本男人都要支持feminism

你有冇諗過響過渡時期，被壓榨既男人係幾慘？
點解依個時代被壓榨既男人要默默承受時代變遷的傷害，唔出聲反抗？
或者將來會如你所講變好，但你不能強制佢地為時代犧牲

其實冇得罪既 多啲人討論都係好事黎

feminism會強調「女性」係因為佢地觀察到現今既父權社會下兩性權力不平衡 女性處於弱勢
所以有人提倡女性應該奪回權力 平衡返兩性既權力差距
中文叫女權就係取自呢個意思

但其實女權內部都有好多唔同流派
有部分係連登仔成日提到既 主張女性要取代男性霸權 但呢批人其實唔係主流
另外都有好大部分人 目標只係想達到平等 自由 彼此互相尊重 唔好再受性別限制
呢一派既人集中為女性爭取權益 打破stereotype 所以受父權壓逼既男人都會有得益
所以我唔明連登仔做咩成日咁大反應
唯一可以解釋既可能就係因為佢地都係父權制度下既得利益者 宜家發現佢地壓逼緊既人開始反抗 所以咪嬲嬲豬

支持feminism同男人一樣唔着衫走出街

同時 追求兩性平等個批做過好多野 連登仔睇都唔願睇 一睇到女權呢兩個字就淨係識覆一句女權閪/臭雞

不過我都同意女權目前其中一個問題係社會認知不足
好多人都唔夠了解咩係女權 慣性以偏概全
偏偏普通人又真係冇責任主動去認識 吹唔脹
但其實打破gender stereotypes係真係會輕鬆好多 對大家都冇壞
冇咩人肯去了解其實幾可惜

係，冇人主動去知真係好可惜，明明係同自己最貼身嘅野，人唔係男人就女人㗎啦，生理性別嚟講

細路仔連自己做緊咩都唔知 但係就識成日貶低女性當講笑 其實咁仲驚
同埋 無論咩團體入面都一定有垃圾搞禍成件事 但係呢樣就同性別無關 同人品比較有關
淨係識拎著數個班人做女人做到咁cheap 我唔覺得俾佢做男人會好幾多 垃圾唔願改既話始終係垃圾
所以下下拎性徵鬧人都唔係幾好啦我覺得

性別定形我都同意好難完全冇 但係都值得盡量改既
簡單到例如係衣著打扮 或者稍微深入少少講到家庭分工 呢啲改左真係會好啲
家庭分工既話好多人淨係識得講男主外女主內個堆野 然後就反駁話目前好多女人都有返工 所以性別好平等啦點點點
但係忽然左社會仍然無意識中覺得女人主管家頭細務
例如現今社會有時男人同女人講開家務 男人有時會話「我有幫手洗碗/拖地/(其他家務)」
但係點解會係「幫」？頭家唔係大家都有份架咩？家務其實係兩個人共同責任黎架喎
呢類句子暗示緊個speaker或多或少都覺得家務始終係女人負責

又例如早幾日隔離台有個巴打出post話佢老母煮飯好hea
但其實佢老母要返工 點解佢會expect老母奉旨要煮餐靚飯俾佢？
咁點解佢又會覺得係老母要煮 而唔係老豆？唔係阿哥？
當然 拎現實例子講既話仲有好多其他因素要考慮 所以唔繼續講落去
同埋想利申返 舉呢個例唔係想批評個位巴打 純粹討論 如果個位巴打見到唔好嬲

巴打講家務嗰part好認同，一樣有睇韓國嗰本金智英？

佢哋係被壓榨定係回復原先位置，都值得商榷，係唔係犧牲都好睇佢自己點諗，如果教育做到野，佢哋係唔會覺得自己犧牲，所以教育好重要，自己去了解多啲更重要

係，上面有更正咗，標題有誤唔好意思

平權有女權撚
環保有環保撚
宗教有逼人信咩都係神既耶撚
人性道德都有左膠

根本係人既問題
幾理想幾美好既野只係係人去run, 都會有on9搞到成件事都係on9
正如共產主義只要係人去run就一定係咁on9
世界點都有堆on9既人

現今女性已經無咩蝕底
仲打住女權主義只係攞福利
照個勢應該唔會養家就真
不過未來係點好難估

d人都分唔清乜叫性別定型同性別平等，一味話點解要啊媽煮飯，我夠可以話點解要男人做野？冇意思，改善定型係要時間，要做好自己等世人見到，例如香港少好多ptgf，全部係雞嘅言論咪減少，但呢d唔叫追求權力平等，上面d人講極都係呢d。

你話女人唔可以岀街，唔可以落club就叫追求女性平等啦。屌你追求點解一定要女主內之類，咪on9啦，有冇見過內地人追求唔好叫我蝗蟲啊。

有冇人講下所謂好的女權其實爭取緊d乜？
我覺得爭取最基本的權利已經夠
例如男女都應該有投票權
男女都應該有揸車的權利

一句秒曬上面。

性別定型係男女都有，唔存在公平，男點解要收入多過女，女點解要煮飯湊仔？女權撚依家係追求緊無性別定型係冇可能。

係香港，根本唔需要女權，因為已經夠公平甚至傾斜，我敢講，就算呢個post推到1001，都冇人答到我香港女性受緊咩不平等待遇，要推動女權解決。

答我啦，香港女性邊個位受緊咩不平等待遇啊

要男人養本身就係唔公平

唔洗男人養果D會比人標籤?

利: 唔撚識