46 Like
2 Dislike
西野七瀨
2017-01-27 16:02:15
推
死肥仔
比菲德氏菌
2017-01-27 16:17:58
留名
西野七瀨
2017-01-27 16:27:22
留名
比菲德氏菌巴打
西野七瀨
2017-01-27 16:32:55
16.
另一方面
叢雲同阿白亦到達大阪港
「阿白...頭先果段片,我睇得出...直樹依家成個人變哂...」叢雲道:「一陣...要小心d」
阿白點一點頭,拖住叢雲
「嗯...直樹搞成咁,我都有d責任...係我一直都唔同佢講清楚,搞到佢依家..咁憎我」
「不過...為左救daddy,今次我一定要見佢...」
「放心啦,阿白..」叢雲跟阿白相望:「我唔會比佢,傷害到你地...」
「叢雲...」阿白微笑:「一陣..要加油呀..」
叢雲吻上阿白既小嘴
「你放心,等呢一切完結左之後,我同你...一齊離開呢度...」
「嗯...」阿白點頭:「只要同你一齊,去邊度都可以..」
「踏,踏,踏」
兩人行上泊好岸既迪拉斯商船
「終於...都黎啦...」
直樹早已經等待住佢地兩個
依家既直樹,已經完全失去昔日既開朗氣息,雙目空洞,全身都發出邪氣
西野七瀨
2017-01-27 16:33:11
「呢個直樹既氣場,比起之前遇過既迪拉斯殺手更加強...」叢雲心知不妙:「佢..可能會係我遇過最強既對手」
「直樹!點解你會變成咁架...」叢雲身後既阿白問:「快d放左我daddy呀..」
「我變成咁...都係因為你咋!!!」
直樹按下旁邊既按鈕
後面既運輸吊臂將阿白既爸爸拉上甲板上
阿白既爸爸正昏迷,滿身傷痕
「daddy!!!!」
阿白想衝過去,卻被叢雲拉住
「白小靈,你兩個三番四次傷害我...」
直樹拔出太刀
「今次...我要你親眼睇住你最愛既人死響自己面前...」
「我響呢架商船上面裝左炸彈,二十分鐘之後就會爆炸....」直樹擺好架式,準備跟叢雲決生死
「今次..唔係你死就係我亡」
叢雲亦拎出脇差同豬肉刀
「阿白,你退後少少...」
阿白慢慢退到甲板外邊:「嗯...小心呀叢雲..」
西野七瀨
2017-01-27 16:33:27
兩人均閉下呼吸,迎接第一擊
「發!!!」
直樹首先出招,以直劈砍向叢雲
「噹!!!」
「好...好大力....」
直樹既氣力極大,令叢雲只能以雙刀勉強擋下
「直樹佢...唔通...」
「仲有呀!!」
直樹大喝一聲,先格開叢雲,再轉換攻勢,以左右兩側進攻
佢既刀法快如閃電,即使只有一把太刀,仍然可以令使用二刀流既叢雲分身不暇
「刷!!!」
直樹轉換刀式,斬中叢雲既左前臂
「叢雲!!!!」阿白極為擔心
叢雲中刀後只好先退後
「...呢種速度...唔通...你打左兩次戰鬥用納米機械?!」
西野七瀨
2017-01-27 16:33:47
「錯...」
眼睛閃住紅光既直樹,露出右手上面既三個大洞口
「我係打左三支呀!!!!」
「咩話?!」叢雲大驚
「只要可以殺死你...呢種痛根本不值一提!」
直樹再次進擊,動作快得彷如分身一樣
「!!!!」
叢雲集中精神抵擋,但速度略差一籌
「佢未出真正實力已經咁快...可惡...」
叢雲睇準時機,準備反擊
「佢既刀係快,但係...太刀太長,空隙亦比較大」
「係呢度啦!!!!」
叢雲終於搵到直樹既進攻盲點,用豬肉刀刺往中路
「插!!!!」
直樹竟然用左手徒手捉住豬肉刀
「咩...咩話!」
左手流血不停既直樹道:「你以為我睇唔到你既動作咩?我通通睇得一清二楚!!!」
西野七瀨
2017-01-27 16:35:00
直樹反手持刀,刺往叢雲
「無辦法啦..」叢雲咬咬手指:「TRANS AM!!!!」
發動TRANS AM後既叢雲輕鬆避過此擊
「要速戰速決...」
叢雲不斷撓到兩邊,砍中直樹中腰
「呃...吸血鬼既能力果然好強...真係好快..」直樹心想
「不過...依家既我...」
叢雲閃到直樹既背面,揮動脇差,向頭頂砍下
「噹!!!!!」
「咩....咩話!!!!?」
直樹頭也不回,以太刀置後,擋下叢雲既殺招,再將佢格開
「點解...你可以快到咁架....?」
叢雲被直樹破招後,一面迷惘
「天真......你以為我都冇TRANS AM咩?」
直樹既皮膚開始漏出紅光:「多得果三支戰鬥用納米機械針,我都得到左TRANS AM既力量啦!!!!!」
「望月叢雲...感受到絕望未呀....」
「今次...真係大獲啦...」
西野七瀨
2017-01-27 16:36:31
16集完
聽日拜年唔知幾點出到,可以會今晚12點後出
將軍澳屌板男
2017-01-27 17:12:47
你咪撚理我啦
2017-01-27 17:25:25
樓主係咪未諗到兩兄弟點贏
西野七瀨
2017-01-27 17:35:36
hello河馬獸巴打
健康活動損友聚會
2017-01-27 17:40:53
新讀者留名
衛藤美彩
2017-01-27 18:38:13
戰鬥用納米機械是咪阿賴耶識
直樹三個窿=三明