用左兩日時間終於追晒英雄系列
不過睇完孤獨兄弟覺得有少少失準
一來先入為主 仲未接受到阿白同智詩同第二個一齊
二來係梅花間竹咁有少少混亂
但係英雄系列整體都唔錯
我自己都幾鍾意d 同一世界觀既故crossover
之前睇過講故台有第二d故都類似係咁
但係個世界觀太大搞到有d亂
希望之後既故keep 住輕輕鬆鬆
唔知遲d會唔會有後宮劇情呢
多謝你先
孤獨兄弟我覺得自己寫戰鬥位有改善,但情感表達就差過之前石仔
不過點都好,叢雲彌生阿白智詩以後都會響英雄系列度出現
你講果個係咪golden heroes universe?
我都有睇過下
其實我覺得比讀者設計角色好危險(當然,入面都有落心機既讀者)
讀者設計既角色有一半都千篇一律(外冷內熱,內心關心同伴等等)
一係就過份屈機,破壞平衡
咁樣全個故就好難handle
後宮劇情就........仲諗緊
英雄系列我咁樣排
石仔 > 廢鳩俠 = 俠盜 = 無敵光晨 > 孤獨兄弟
石仔個故劇情好豐富 表達情感更好係因為篇幅長 所以深刻d
不過略嫌太多女主角 每次出新女角就好難投放感情落去 又會好唔捨得舊嗰個
同埋rina係日本識到仔 airi 男朋友醒返 千柔個ex改過 曈曈放棄石仔
呢幾個位有d勉強
話晒都叫出生入死又相處咁耐
琴日追嗰時以為石仔有後宮 睇到好失望
廢鳩俠心遙bb睇落同成個故完全冇關係
呀彩 美雪 仲有淫櫻 已經足夠支撐成個故仔
唔係因為佢 我覺得同石仔個故差唔多
同埋雖然呢個故幾多粗口 但係用得唔錯
呢個故真係一路睇一路笑
俠盜就劇情太快 兩個初學者咁短時間可以做咁大既任務
不過misa 係成個英雄系列令我印象最深刻既女主
我覺得描寫男女主角感情做得幾好
光晨就真係太勁啦 打鬥都好似一定屈人機咁