[天氣開始轉涼了] 拉麵/沾麵愛好者集中交流區(6)

想知有冇人日本食過佢d拉麵

西環有咩拉麵好食？

灣仔幾間都食過
感覺黑龍係最高汁嗰間
可惜執了

吓 執咗北角分店咋啵

火之鳥

係邊㗎ching☹️

請自己google

請自己google

雞湯拉面

湯唔錯
麵好重梘水味

火之鳥同座銀比起黎點樣？

啱呀，早排食過一次，個豚骨淡到呢
個麵仲要煮到淋晒先上，變左一舊麵粉團咁夾都夾唔開

難食

佐世保 らーめん砦 有無人食過?
款款都好吸引，好難揀
http://kaipaitan.com/

觀塘好似新開 有無巴打食過 有無伏
如果唔係食返丸京算

有無京都拉麵推薦

聽日等我試下佢

極雞！！！食完碗麵唔夠飽記得行過去高安買外賣炸雞

食唔慣重口味就排豬一啦

名もないラーメン屋

除左黑龍周月漁場彩 仲有咩jimmy推介

啱啱食完灣仔黑龍，佢隻蛋真係好好食!

臨上機翻香港前 原本想去鬼金棒
點知隔離有間叫勝王仲多人排就羊群心理跟住食

台式沾好正 隔壁的白飯

啱啱東京返嚟，總共食咗8碗拉麵，識我嘅朋友唔好起底


麺屋一燈
第一晚即刻去咗食一燈，但有啲失望。麵質好好，但沾汁有啲唔夠濃，魚介味都唔重。三塊肉都唔會話特別好食，隻蛋都有小小過熟。可能期望太高


創作麺工房 鳴龍
開店前15分鐘到，最後排咗3個鐘，不過值得嘅。佢個湯底真係好撚正 唔同上海擔擔麵，佢呢隻係有小小麻得嚟飲落去有一種好正嘅回甘 。


らーめん 鴨to葱
聽巴打介紹去食，鴨味幾重。份量唔多，當下午茶食啱啱好。


真鯛らーめん麺魚
呢間好有驚喜，鍾意食魚嘅一定唔可以錯過，嗌咗濃厚湯底，飲落去魚香極重 ，麵條都有咬口同掛湯。加多碗飯撈湯食正到仆街 。


凪 新宿本館
煮干唔啱我口味 ，覺得呢間麻麻地。麵質係粗彎麵，都唔係我嗰味。


鳳仙花
之前記得有巴打講過，新宿行街見到就走咗入去食下午茶。湯底係金目鯛同鹽味，飲落非常清甜 。食完啲麵後不知不覺都飲埋全部湯。叉燒同麺魚一樣薄切，但麺魚嘅叉燒好食啲。


風雲児
本身諗住去麵屋吉左右食多間沾麵，點知去到門口先知佢地放新年假，1月中先開門 ，隔日去咗風雲児。因為第一日食一燈印象一般，所以對呢間都唔敢抱期望。估唔到麵質好彈牙 ，沾汁極濃同重魚介味，本身唔太肚餓都好快食曬。 不過可惜沾汁唔係好熱，未食完就暖咗。


竹末東京Premium
東京最後一餐去咗呢到食。極近距離望住師傅煮，佢都好友好咁用英文問我邊到嚟。雖然話係雞湯拉麵，但雞味唔重，反而貝類海鮮味搶曬，所以有點失望 ，只可以怪自己事前無做好功課。麵條亦比較粗韌。三塊肉係豬，鴨同牛。

話咁快就返返香港，好想返東京繼續食

一燈排左幾耐,?另外新宿間五之神製麵所d蝦湯沾麵都好高汁, 下次去東京可以去試試