脫歐派成日講嘅:
1. EU 食鳩英國嘅錢來養班窮國
-呢個 statement 喺歐豬危機之後畀人係咁放大。但係好似 Mimorin 巴咁講,呢份錢其實英國已經有折頭(人均上繳歐盟稅項計算)。你參加一個團體梗係要交會費,但係啲錢係咪自己完全冇份用呢?英國農業同埋學術研究好多都係經 EU 嘅 Program 攞 funding,所以脫歐公投之後搞到英國高等教育嚴重嘅人才流失同無錢。講完 Get the money back 之後,其實呢啲 Budget 就可以擺晒落 NHS 咩,淨係填返冇咗 EU Funding 嘅氹都有排填。
2. EU 政策制定不民主,欠缺代表性
- 呢個老實講某程度係啱,因為 EU 有自己獨立嘅 bureaucrats,直接民選嘅歐洲議會其實係作為諮詢機構大於立法機構。大部分權力集中喺European Commission (歐盟嘅行政機構),而制定政策係好少會經地方層面諮詢。
-但係喺另一個角度睇,European Commission 嘅代表係經歐洲各國政府揀出來,亦都要經直接民選出來嘅歐洲議會通過任命,行政機關係咪真係咁冇代表性呢?而歐盟嘅上議院 Council of EU 亦都係由各國政府嘅部長擔當。不民主係有得商討(我都覺得歐盟嘅組成呢種組成方式唔算民主),但係欠缺每個國家嘅代表性就有啲牽強。
- 同樣道理地,話歐盟法律直接凌駕英國法律係啱,而且成文法嘅背景同使用不成文法嘅英國有好大嘅衝突。但係呢啲法律係咪完全無經過英國人去審視呢?又唔可以完全咁講。
3. 脫歐可以減少同歐盟內嘅貿易逆差
- 英國鬧歐盟單一市場導致歐盟貨品向英國進口大於英國貨向歐盟出口。但係得罪講句,英國嘅產品脫歐前後有咩競爭力呢?貴又貴過人,但係品質又唔係好過人。喺單一市場內不設立關稅,但係如果脫歐之後英國為某產品設立關稅來保障自己嘅產品,歐盟其實亦會對應設立關稅,咁究竟呢個行為刺唔刺激到
工業早已式微嘅英國嘅內需來刺激經濟,定還是純粹地令到英國人嘅日常開支上升減低購買力呢?
4. 導致移民/難民湧入
- 東歐窮國嘅移民。因為歐盟單一市場人口自由流動,所有歐盟住民可以去任何歐盟國家定居及工作。你可以話呢班東歐人搶本地人飯碗(亦都係好合理嘅Argument),但係脫歐冇咗呢班歐洲人嘅廉價勞工之後對經濟是好定係壞呢?如果用呢個argument話保障返本土英國人嘅就業機會所以脫歐係好Legitimate,當然其實之後用班穆斯林或者印度裔嘅第二三代落地生根嘅「英國人」做番呢啲低下層工作,呢個係好事定壞事可圈可點。
-英國又唔係神根公約國,有幾多難民真係由歐洲大陸過到來?而且英國遣返難民嘅比例係歐洲各國最高。
5. 歐元問題
- 歐元有好多問題,統一嘅貨幣政策但係唔同嘅財政政策梗係會有問題啦。但係呢個問題應該由德國法國意大利愛爾蘭呢啲歐元國去屌而唔係一個
用英鎊有獨立貨幣獨立中央銀行獨立財政政策嘅國家去講囉。
(Gordon Brown 我覺得佢做財相最重要嘅決定就係唔加入歐元區,因為歐元嘅存在其實好有爭議性)
6. 奪回主權
- 歐盟當然侵蝕咗英國嘅主權。加入任何國際條約並且受佢約束,一定會侵蝕咗佢嘅主權,呢個係理所當然嘅事。但係喪失嘅主權果陣有冇經過你哋首肯?每一年嘅歐盟高峰會28條柒頭開會嘅時候尋求共識嘅時候係咪冇英國份?
- 講咗咁耐,班英國人(同埋19才子)講咗咁耐就係重振大英帝國風采,奪回主權,不受左膠當道紛亂不堪嘅歐洲大陸污染,返返去以前嘅Splendid Isolation 云云。講到尾英國人自以為高人一等,比班德國佬法國佬影響到自己嘅政策,仲要話歐洲一體化咁慢慢英國咪冇咗自己嘅「獨特」角色?但係而家係21世紀唔係19世紀了。英國係咪無攞過歐盟著數呢?
- 想同人做生意、食佢嘅福利同方便(人員、物品自由流動、無關稅)但係又唔想跟人哋套規矩(歐盟法規)。英國之前無論喺人權條約、里斯本條約好多位都無跟足,仲諗住脫歐之後可以無痛失戀?瑞士同埋挪威模式亦都需要跟返歐盟部分標準先可以無關稅咁貿易,英國唔想喪權辱國咪慢慢經 WTO 同歐盟慢慢玩,反正條愛爾蘭邊界都俾班歐盟大佬(其實連班小國都)撚到你紮紮跳,真係唔方唔喪權辱國
諗諗下打呢啲嘢喺cc台 又唔係學術台咪又係俾人負評,屌