唔好介意我提一提你:你真係好多時間都off topic。點解?你有無發現你幾乎都係一路都係由男仔必然係一段關係嘅受害人嘅角度出發?同時認為所有男仔變做player亦必然係當時女方嘅責任?有冇諗過其實有時真係唔夾,但雙方通常都係年輕唔成熟就處理得唔好?有冇諗過好多時冇更多資料嘅情況下都只係維持喺he said she said 個層面? 好多人都只會盡量選擇有利自己嘅角度講嘢,男又好女又好。 如果你無依類bias,我諗我都唔使同你clarify咁多,你最多只要問事主多幾個更貼題嘅問題,都會搞清楚依單case暫時點睇都係男方嘅問題,除非有另一啲新資料係顯示同女方版本唔一致。
其實作為外人,我地根本好難知道每一段所謂曖昧關係定拍拖關係入面係唔係一定係女仔玩人。一千個人心目中有一千個哈姆雷特,每個stakeholder嘅narrative係唔同,我地所知嘅同一件事入面嘅資料根本可能唔完整,好多時只能夠憑依啲有限資料去睇,有乜嘢就分析乜嘢出來,但同時亦要take the issue with a grain of salt,唔使信十足,有疑問就問(但真係唔好離題),直到再有新資料為止。就講到依度,我諗我都應該答得七七八八
你講到男方喺依個年齡層必定死纏爛打,而且我地都理應視之為正常合情理,咁我真係好有保留。一來未有study做過,二來你亦只係僅憑自身個圈子來去睇依件事。我亦唔係離地咁睇,我年輕過,亦都識唔少依個年齡層嘅人,但去到日日死纏爛打stalk人個例子依然係比較少。同埋我都順便提多一提,你講過你有讀少許心理學,咁我諗你應該讀過少少Early Adulthood Psychology,有冇留意到其實去到依個階段嘅男女嘅cognition個差別並唔係你想像中咁大,普遍都認為依個年齡層嘅人已經係識得睇唔同角度,亦都至少識得遵守social norms,亦即係至少理解工時方面個問題,理解人係會有正常社交,辨別到日日chur人text鬧人係錯誤同埋會極度困擾人地。你話男校同IT出身嘅人較高機會唔識同異性相處,依方面我無太大異議,但其實亦不等於個個都會做到變咗個男嘅程度掛?個男個case其實已經要個別examine依個case, 唔再當係general咁睇。仲有你話正常男性撞板後會當拍拖係遊戲咁玩亦太過generalization,你個圈子有人係咁,唔等於普遍一定係咁,唔少人仍然會對感情認真,但approach就會隨著經歷而唔同。我講過,你之前離題講嘅好仔變player已經有太多因素,係要on a case by case basis去睇,同樣亦跟依度無關連。